Գեորգի Կարասլավով
Գեորգի Կարասլավով (բուլղար․՝ Георги Караславов, (հունվարի 12, 1904[1][2], Պլովդիվ, Բուլղարիա - հունվարի 26, 1980[2], Սոֆիա, Բուլղարիա) բուլղարացի գրող, դրամատուրգ, հասարակական գործիչ։ Բուլղարիայի գիտությունների ակադեմիայի ակադեմիկոս (1961) Բուլղարիայի ազգային մշակութային գործիչ (1963)։ Բուլղարիայի ազգային հերոս, սոցիալիստական աշխատանքի կրկնակի հերոս։ Դիմիտրովյան մրցանակի դափնեկիր (1950 և 1959)։
Գեորգի Կարասլավով | |
|---|---|
 | |
| Ծնվել է | հունվարի 12, 1904[1][2] |
| Ծննդավայր | Պլովդիվ, Բուլղարիա |
| Վախճանվել է | հունվարի 26, 1980[2] (76 տարեկան) |
| Վախճանի վայր | Սոֆիա, Բուլղարիա |
| Մասնագիտություն | գրող, քաղաքական գործիչ և ուսուցիչ |
| Լեզու | բուլղարերեն |
| Քաղաքացիություն | .svg){kind=small} Բուլղարիա |
| Կրթություն | Սոֆիայի համալսարան |
| Անդամակցություն | Բուլղարիայի գիտությունների ակադեմիա և Բուլղարիայի գրողների միություն |
| Պարգևներ |   և  |
 Georgi Karaslavov Վիքիպահեստում | |
Կենսագրություն խմբագրել
Գեորգի Կարասլավովը ծնվել է 1904 թվականին գյուղացու ընտանիքում։ Դեռևս գիմնազիայում սովորելու տարիներին աչքի է ընկել իր կոմունիստական հակումներով, 1922 թվականին դարձել է երիտասարդական կոմունիստական միության անդամ, 1924 թվականից՝ կոմունիստական կուսակցության անդամ, 1923 թվականի Սեպտեմբերյան ապստամբության մասնակից։ 1924 թվականին ավարտել է Կազանլիկի մանկավարժական ուսումնարանը։ 1924-1925 թվականներին դասավանդել է հայրենի գյուղում։ 1925 թվականին ակտիվ մասնակցություն է ցուցաբերել պարտիզանական խմբերի կազմակերպման գործում, որի համար հեռացվել է մանկավարժական աշխատանքից։
1925-1928 թվականներին գյուղատնտեսություն է ուսանել Սոֆիայի համալսարանում, սակայն ուսանողական դասադուլների պատճառով հեռացվել է համալսարանից։ Ուսումը շարունակել է Պրահայում (1929-1930), աշխատել է որպես շինարար, 1930 թվականին ուսումը ավարտել է Սոֆիայի համալսարանում։
1927-1944 թվականի սեպտեմբերի 9-ը ավելի քան 25 անգամ Կարասլավովը ձերբակալվում և բանտարկվում է։
Ինքնակամ մեկնել է ռազմաճակատ, մասնակցել Երկրորդ համաշխարհային պատերազմին։ Սեպտեմբերյան հեղաշրջումից հետո ակտիվորեն մասնակցում է երկրի սոցիալական վերաշինությանը և զբաղեցնում է պետական ու հասարակական բարձր պաշտոններ։ Եղել է Բուլղարիայի 1-ին և 7-րդ գումարման խորհրդարանի պատգամավոր։ 1950-1962 թվականներին եղել է Բուլղարիայի խորհրդարանի նախագահի տեղակալ, խորհրդարանի նախագահության անդամ։ 1947-1949 թվականներին եղել է Իվան Վազովի անվան Սոֆիայի ազգային թատրոնի տնօրեն, 1952-1958 թվականներին՝ «Септември» ամսագրի խմբագիր։ 1958-1962 թվականներին եղել է Բուլղարիայի գրողների միության անդամ, նախագահ[3][4]։
Գրական գործունեություն խմբագրել
Գրել սկսել է 1919 թվականից։ Հայտնի ստեղծագործություններն են՝
- «Փողոցի տղաները», 1926
- «Գյուղական պատմություններ», 1946-1950
- «Սպորժիլով
- «Դուրման»
- «Թաթուլ»
- «Հարսը»
- «Հասարակ մարդիկ»
Մրցանակներ խմբագրել
- Բուլղարիայի ազգային հերոս (1974)
- Սոցիալիստական աշխատանքի հերոս (կրկնակի, 1959 և 1964)
- «Գեորգի Դիմիտրովի» շքանշան (եռակի, 1959, 1964, 1974)
- Դիմիտրովյան մրցանակ (1950 և 1959)
Ծանոթագրություններ խմբագրել
- ↑ 1,0 1,1 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 2,2 2,3 2,4 Կերպարվեստի արխիվ — 2003.
- ↑ Բուլղարական պատմվածքներ, «Հայաստան» հրատարակչություն, Երևան, 1966
- ↑ Народни представители в Седмо народно събрание на Народна република България, ДПК „Димитър Благоев“, 1977, с. 145
Արտաքին հղումներ խմբագրել
- „Снаха“ - ценности и цялостност, инфлация и разпад", Веселин Игнатов (критика), liternet.bg
- Текстове на произведенията на Георги Караславов
- Георги Караславов Արխիվացված 2014-02-21 Wayback Machine - 110 години от рождението на писателя акад. Георги Караславов
 | Վիքիպահեստն ունի նյութեր, որոնք վերաբերում են «Գեորգի Կարասլավով» հոդվածին։ |