Սոֆի Հոլստեն
Սոֆի Հոլստեն (դան․՝ Sophie Holten օգոստոսի 12, 1858[1][2][3], Skuldelev, Frederikssund Municipality, Դանիա - հունիսի 5, 1930[1][3], Ռոսկիլե, Դանիա), դանիացի նկարչուհի, որը ստեղծել է դիմանկարներ, ծաղիկների նատյուրմորտներ և ժանրային աշխատանքներ: Ի թիվս այլ գործերի, նա հայտնի է Ավգուստ Ստրինդբերգի և Լաուրից Անդերսեն Ռինգի դիմանկարներով: Հոլտենը նաև զբաղվել է սոցիալական աշխատանքով և եղել է ակտիվ ֆեմինիստ[5][6]։
Սոֆի Հոլստեն | |
|---|---|
.jpg) | |
| Ծնվել է | օգոստոսի 12, 1858[1][2][3] |
| Ծննդավայր | Skuldelev, Frederikssund Municipality, Դանիա |
| Վախճանվել է | հունիսի 5, 1930[1][3] (71 տարեկան) |
| Մահվան վայր | Ռոսկիլե, Դանիա |
| Քաղաքացիություն |  Դանիա |
| Կրթություն | Ն.Զահլեի դպրոց |
| Մասնագիտություն | նկարչուհի |
| Թեմաներ | գեղանկարչություն |
| Ուսուցիչ | Քրիստեն Դալսգոր[4], Carl Thomsen?[4], Félix-Joseph Barrias?[4] և Ալֆրեդ Ստևենս[4] |
| Անդամակցություն | Երազների գաղութ |
 Sophie Holten Վիքիպահեստում | |
Կենսագրություն
խմբագրելՍոֆի Հոլստենը ծնվել է 1858 թվականի օգոստոսի 12-ին Սկուլդելև քաղաքում՝ Հորնշերեդ թերակղզում, ծխական քահանա Հանս Նիկոլայ Հոլստենի (1829-1971) և Մարենստինա Սմիթի (1830-1913) ընտանիքում: Նա մասնավոր նկարչության դասեր է վերցրել Քրիստեն Դալսգորից Սորյոում, այնուհետև՝ Կարլ Թոմսենից Կոպենհագենում: 1875-1876 թվականներին նա հաճախել է Ն. Զահլեի դպրոցը: 1879 թվականին Հոլստենը մեկնել է Փարիզ, որտեղ փորձել է յուրացնել նկարչության ամենաժամանակակից մեթոդները այնպիսի ուսուցիչների մոտ, ինչպիսիք են Ֆելիքս-Ժոզեֆ Բարիան և Ալֆրեդ Ստիվենսը: Դանիա վերադառնալուց հետո նա ցուցադրվել է Շարլոտենբորգի գարնանային ցուցահանդեսում 1883 թվականին[6]։
Կարճ ժամանակ անց Հոլստենը վերադարձել է Փարիզ, որտեղ ցուցադրվել է սալոնում (1886-1887): 1890-ական թվականներին նա այցելել է Նիդերլանդներ, Գերմանիա, Իտալիա, Անգլիա և Հունաստան: Հոլտենը իր աշխատանքները ցուցադրել է Գեղեցիկ արվեստների պալատում 1893 թվականի Չիկագոյի համաշխարհային ցուցահանդեսում (Իլինոյս նահանգ)[7]։ Նա շարունակել է ցուցադրվել Շարլոտենբորգում մինչև 1904 թվականը՝ ներկայացնելով ժանրային աշխատանքներ, դիմանկարներ և ծաղիկների նատյուրմորտներ: Բացի Ստրինդբերգի դիմանկարից, ուշադրություն են գրավել նաև նրա Brudstykke af Parthenons Cellefrise (1901) նկարը և Էրեքթեոն տաճարի պատկերով կտավը (1904)[5]։
Երիտասարդ կին լինելով՝ Հոլստենը վստահություն էր ցուցաբերում սեփական կարողությունների նկատմամբ, ինչը նրան մղում էր խուսափել ամուսնությունից: 1880-ական թվականների վերջին նա գրախոսություններ էր գրում կին արվեստագետների մասին Kvinden og Samfundet-ում՝ դանիական կանանց ընկերության ընկերությունում: Նա նաև դասախոսություններ էր կարդում հագուստի մասին՝ կոչ անելով կրել այնպիսի հագուստ, որը կընդգծեր կանանց ազատագրումը տնային տնտեսուհու իրենց ավանդական դերից: Նա 1895 թվականի Կոպենհագենի կանանց ցուցահանդեսի կազմակերպիչներից մեկն էր՝ աջակցելով կանանց ցուցահանդեսային շենքի կառուցման առաջարկին (թեև այն չիրականացվեց մինչև 1936 թվականը)[6]։
Իր կյանքի ավելի ուշ շրջանում, որոշ ժամանակ Ասսիզիում (Իտալիա) ապրելուց հետո, Հոլստենն ընդունել է կաթոլիկություն: Բնակություն հաստատելով Ռոսկիլդեում իր ընկերուհի Էրիկկե Ռոսենեն-Լենի հետ՝ նա զբաղվել է քաղաքի Սուրբ Լավրենտիուսի եկեղեցու զարդարմամբ: Այս աշխատանքի համար Հոլտենը ստացել է «Եկեղեցու և պապի առջև ծառայությունների համար» խաչը: Նա թաղվել է Ռոսկիլդեի Հին Աստվածամոր եկեղեցու գերեզմանոցում:
Ծանոթագրություններ
խմբագրել- ↑ 1,0 1,1 1,2 1,3 1,4 RKDartists (նիդերլ.)
- ↑ 2,0 2,1 Benezit Dictionary of Artists — OUP, 2006. — ISBN 978-0-19-977378-7
- ↑ 3,0 3,1 3,2 3,3 3,4 Kunstindeks Danmark (դան.)
- ↑ 4,0 4,1 4,2 4,3 https://www.kulturarv.dk/kid/VisWeilbach.do?kunstnerId=4863&wsektion=alle
- ↑ 5,0 5,1 Bodelsen, Merete. «Sophie Holten» (դանիերեն). Dansk Biographisk Leksikon. Արխիվացված օրիգինալից 2019-03-08-ին. Վերցված է 2020-04-21-ին.
- ↑ 6,0 6,1 6,2 Fabritius, Elisabeth. «Sophie Holten (1858 - 1930)» (դանիերեն). Kvinfo. Արխիվացված օրիգինալից 2016-05-13-ին. Վերցված է 2020-04-21-ին.
- ↑ Nichols, K. L. «Women's Art at the World's Columbian Fair & Exposition, Chicago 1893». Արխիվացված օրիգինալից 2020-02-21-ին. Վերցված է 2020-04-21-ին.
Արտաքին հղումններ
խմբագրել
Մեդիաֆայլեր Սոֆի Հոլստեն թեմայով Վիքիպահեստում:
