Սոֆիա Բաղդասարյան
Սոֆիա[Նշում 1] Օլեգի Բաղդասարյան (փետրվարի 2, 1986, Երևան, Հայկական ԽՍՀ, ԽՍՀՄ), հայ օպերային երգչուհի, դերասանուհի։
| Սոֆիա Բաղդասարյան | |
|---|---|
| Ծնվել է | փետրվարի 2, 1986 (38 տարեկան) Երևան, Հայկական ԽՍՀ, ԽՍՀՄ |
| Երկիր |  ԽՍՀՄ և  Հայաստան |
| Մասնագիտություն | օպերային երգչուհի և դերասանուհի |
| Գործիքներ | վոկալ |
| Աշխատավայր | Հակոբ Պարոնյանի անվան պետական երաժշտական կոմեդիայի թատրոն, Հայաստանի ազգային ակադեմիական երգչախումբ և Ալեքսանդր Սպենդիարյանի անվան օպերայի և բալետի ազգային ակադեմիական թատրոն |
| Կրթություն | Վլադիմիր Մայակովսկու անվան թիվ 7 դպրոց և Երևանի Կոմիտասի անվան պետական կոնսերվատորիա (2007) |
| Պարգևներ | |
Կենսագրություն խմբագրել
Ծնվել է 1986 թվականի փետրվարի 2-ին, Երևանում։ Ավարտել է Երևանի Մայակովսկու անվան թիվ 7 միջնակարգ դպրոցը։ 1993-2002 թվականներին սովորել է «Ձայնի պահպանման վոկալ-երգչախմբային» մասնագիտական դպրոցում, 2002-2007 թվականներին՝ Երևանի Կոմիտասի անվան պետական կոնսերվատորիայի վոկալ-արվեստի բաժնում։ 2010 թվականին ավարտել է կոնսերվատորիայի ասպիրանտուրան։ 2011 թվականից Երևանի Հակոբ Պարոնյանի անվան երաժշտական կոմեդիայի պետական թատրոնի թատերախմբում եղել է մեներգչուհի։ 2012 թվականից աշխատում է Հայաստանի ազգային ակադեմիական երգչախմբում՝ որպես երգչախմբի արտիստ[1]։ Հյուրախաղերով հանդես է եկել Ստամբուլի, Բեյրութի, Մոսկվայի, Սանկտ Պետերբուրգի բեմերում։ 2015 թվականից Երևանի Ալեքսանդր Սպենդիարյանի անվան օպերայի և բալետի պետական թատրոնի մեներգչուհի է։
Մասնակցել է տարբեր միջազգային փառատոների՝ «Վերածնունդ» (2010), Մոսկվայի «Կարոտ» (2008), Միջազգային օպերային մրցույթի (2016)։ «Նոր օպերային աշխարհ» նախագծի՝ Մոսկվայում կայացած մեկամսյա կուրսերի շրջանակներում մասնակցել է Ռ. Լեոնկավալոյի «Պայացներ» օպերայի բեմադրմանը, հետագայում խաղացել գլխավոր՝ Նեդդայի դերը (2016)[2]։
Ներկայացումներ, դերերգեր խմբագրել
| Հեղինակ | Ստեղծագործություն | Դեր |
|---|---|---|
| Հակոբ Պարոնյան | «Ատանաբույժն արևելյան» | |
| Ալեքսանդր Շիրվանզադե | «Մորգանի խնամին» | |
| «Չարենց» | ||
| Տիգրան Չուխաճյան | «Կարինե» | Կարինե[3] |
| Արտեմի Այվազյան, Գարեգին Երիցյան | «Ուշ լինի, նուշ լինի» | Նազիկ |
| «Կարմեն» | «Միքայելա» 2015 |
Մրցանակներ խմբագրել
- Տաթևիկ Սազանդարյանի անվան մրցույթում Հայաստանի կոմպոզիտորների միության Հատուկ մրցանակ (2006)
- «Ուշ լինի, նուշ լինի» ներկայացման մեջ Նազիկի դերի համար արժանացել է ՀԹԳՄ «Արտավազդ» մրցանակի՝ որպես «Գլխավոր դերի դեբյուտ», (2016)
Նշումներ խմբագրել
Ծանոթագրություններ խմբագրել
- ↑ Հայաստանի պետական ակադեմիական երգչախումբ, արտիստներ
- ↑ Սոֆիա Բաղդասարյանի կենսագրությունը avproduction.am կայքում(չաշխատող հղում)
- ↑ «Հակոբ Պարոնյանի անվան երաժշտական կոմեդիայի պետական թատրոն, «Կարինե», դերասաններ». Արխիվացված է օրիգինալից 2019 թ․ փետրվարի 16-ին. Վերցված է 2019 թ․ փետրվարի 3-ին.