Սաղաթել Մնեյան
Սաղաթել Մանուկի Մնեյան (1907, Սարուխան, Նոր Բայազետի գավառ, Երևանի նահանգ, Կովկասի փոխարքայություն, Ռուսական կայսրություն - 1983), հայ մանկավարժ, ՀԽՍՀ վաստակավոր ուսուցիչ, Հայրենական մեծ պատերազմի մասնակից[1]։
| Սաղաթել Մնեյան | |
|---|---|
 | |
| Ծնվել է | 1907 |
| Ծննդավայր | Սարուխան, Նոր Բայազետի գավառ, Երևանի նահանգ, Կովկասի փոխարքայություն, Ռուսական կայսրություն |
| Մահացել է | 1983 |
| Քաղաքացիություն | .svg){kind=small} Հայկական ԽՍՀ |
| Կրթություն | Հայկական պետական մանկավարժական համալսարան (1933) |
| Մասնագիտություն | մանկավարժ |
| Պարգևներ և մրցանակներ | |
Հայ դերասանուհի, ՀՍՍՀ վաստակավոր արտիստ Բյուրեղիկ Մնեյանի հայրն է։
Կենսագրություն խմբագրել
Սաղաթել Մնեյանը ծնվել է 1907 թվականին Կամոյի շրջանի Սարուխան գյուղում։ Հայրը Բաքվի կոմունայի ինտերնացիոնալ բանակի զինվոր էր, զոհվել էր թշնամիների դեմ մղված մարտերից մեկում։ Սաղաթելի մանկությունն անցել է որբանոցում։ 1933 թվականին ավարտել է Երևանի մանկավարժական ինստիտուտի լեզվագրական ֆակուլտետը, աշխատել է Վարդենիսի շրջկենտրոնի դպրոցում՝ ուսուցիչ, տնօրեն, այնուհետև՝ «Կարմիր Բասարգեչար» թերթի հայկական բաժնի խմբագիր։ 1936-1938 թվականներին Մնեյանը Կամոյի մանկավարժական ուսումնարանի տնօրեն էր, այնուհետև՝ «Բայազետի կոլխոզնիկ» շրջանային թերթի խմբագիր[2]։
Հայրենական մեծ պատերազմի առաջին օրերին Մնեյանը կարմիր բանակի շարքերում էր։ Հոսպիտալում եղել է քաղաքական աշխատող, այնուհետև փոխադրվել է հայկական 409-րդ դիվիզիա, «Մարտական դրոշ» թերթի խմբագրություն։ 1944-1945 թվականներին ծառայել է 89-րդ հայկական դիվիզիայի 390-րդ հրաձգային գնդում որպես դասակի հրամանատար։ Գերմանաֆաշիստական զորքերի դեմ մարտնչել է Ղրիմում և մարտերով հասել Գերմանիա։ Օդերի արևմտյան ափին պլացդարմ գրավելիս ցուցաբերած խիզախության համար պարգևատրվել է Կարմիր աստղի շքանշանով[2]։
1945 թվականի դեկտեմբերին Սաղաթել Մնեյանը զորացրվել է բանակից։ Պարգևատրվել է մարտական մեդալներով[2]։
Սաղաթել Մնեյանը մահացել է 1983 թվականին։ Թաղված է Գավառի Դարի Գլաք գերեզմանոցում[3]։
Պարգևներ խմբագրել
- ՀԽՍՀ վաստակավոր ուսուցիչ
- Կարմիր աստղի շքանշան
Տես նաև խմբագրել
Ծանոթագրություններ խմբագրել
- ↑ «Սաղաթել Մանուկի Մնեյան (Վաստակավոր մանկավարժ, Հայրենական պատերազմի մասնակից)». Հայկական գանձարան. Վերցված է 2020 թ․ նոյեմբերի 21-ին.
- ↑ 2,0 2,1 2,2 Հայաստանի ուսուցիչները մեծ հայրենականում (Ա. Հ. Հարությունյան, Լ. Ս. Մելքումյան, Ա. Ղ. Սուքիասայան), «Լույս» հրատարակչություն, Երևան, 1982:
- ↑ «The memorial of Deghoyan Arev (Արեվ Դեղոյան Գրիգորի) buried at Gavar's Dari Glukh cemetery». hush.am (անգլերեն). Վերցված է 2020 թ․ նոյեմբերի 21-ին.