Ռեինկարնացիա (երաժշտական խումբ)

HS Disambig.svg Անվան այլ կիրառումների համար տե՛ս՝ Ռեինկարնացիա (այլ կիրառումներ)

Ռեինկարնացիան, (Ռեինկարնացիա նվագախումբ), 2001 թվականին ձևավորված հայկական երաժշտական խումբ։ Այդ ընթացքում խումբը հասցրել է փոխել 2 տարբեր ոճեր՝ հարդ ռոքից անցնելով ռեգգիի[1]։

Ռեինկարնացիա
Բնօրինակ անունՌեինկարնացիա
ԵրկիրՀայաստան Երևան, Հայաստան
ԺանրերՌոք (մինչ 2007 թ.) Ռեգգի
Գործունեություն2001–ներկա
Կայքwww.reincarnation.am
Անդամներ
Ռոլանդ Գասպարյան - վոկալ
Արտյոմ Մանուկյան - բաս-կիթառ
Արթուր Մարգարյան - սոլո-կիթառ
Արթուր Հովակիմյան - ստեղնաշարային գործիքներ
Մարեկ Զաբորսկի - հարվածային գործիքներ
Հայկ Ղազարյան - շեփոր
Դավիթ Մինասյան - տրոմբոն
Արթուր Գրիգորյան - սաքսոֆոն
Ռաֆիկ Այվազյան - կլարնետ, բլուլ, դուդուկ

ՊատմությունԽմբագրել

Ռեինկարնացիան հայկական ռեգգի խումբ է, որի նախաձեռնողն է խմբի անփոխարինելի մեներգիչ Ռոլանդ Գասպարյանը։ Այս տարիների ընթացքում Ռեինկարնացիա խմբի ոճը և խմբի երաժիշտները փոխվել են ` կապված խմբի մեներգիչ Ռոլանդ Գասպարյանի փորձարարական մտքերի և ապրելաոճի հետ։ 2007 թ-ին լույս է տեսնում Ռեինկարնացիայի Janfida to Jamaica 60 km ալբոմը։ Դա առաջին հայկական ալբոմն էր ռեգգի և սկա ոճերի մեջ։ Նույն 2007 թվականին նկարահանվում է Ջան Ռաստաման երգի տեսահոլովակը։ Խմբի ոճը շատ ինքնատիպ է. այն իրենից ներկայացնում է հայկական և աֆրիկյան ոճերի յուրահատուկ խառնուրդ։ 2006 թ-ից Ռեինցարնացիան ակտիվորեն սկսել է համերգներ տալ։ 2010 թվականին լույս է տեսնում Մի գդալ սեր ալբոմը՝ իր հիթային «Մի գդալ սեր» երգով։ Բացի մասնակցած բազում փառատոների և հայկական ակումբներում տված հարյուրավոր համերգների, Ռոլանդ Գասպարյանը զբաղվում է նաև բարեգործությամբ՝ իրականացնելով տարբեր ծրագրեր ուղղված որբերի օգնությանը։

Ինչպես Ռոլանդ Գասպարյանն է ասում, խմբի անդամները միշտ պետք է փոխվեն, քանի որ նա սիրում է աշխատել տարբեր երաժիշտների հետ։ Հունիսի 7-ին Երևանի ակումբներից մեկում կայացավ խմբի առաջին տեսաերիզի շնորհանդեսը[2][3][4]։ Տեսաերիզում զետեղված է վավերագրական ֆիլմ խմբի Եվրոպական շրջագայության մասին և համերգի ձայնագրություն։

Խումբը ունեցել է բազմաթիվ համերգներ և մասնակցել Փառատոնների ինչպես Հայաստանի տարբեր մարզերում, այնպես էլ Սերբիայում, Լեհաստանում, Ֆրանսիայում, ԱՄՆ-ում և շատ այլ երկրներում։ 2015 թվականին Երևանում Ռոլանդ Գասպարյանը բացեց «House of Reincarnation» ակումբը, որտեղ խումբը պարբերաբար համերգներ է ունենում։ 2015 թվականին Ռոլանդ Գասպարյանը ստեղծեց բջջային հավելված, որը Հայաստանում առաջինն էր իր տեսակով։ Հավելվածը նախատեսված է Android և IOS համակարգերով աշխատող հեռախոսների համար։ Այս հավելվածով կարող են մշտապես ծանոթանալ «Ռեինկարնացիա»-յին վերաբերող նորություններին, լսել նոր երգերը, դիտել տեսահոլովակները, ծանոթանալ առաջիկա համերգներին և միջոցառումներին, ինչպես նաև ուղիղ հեռարձակմամբ հետևել խմբի համերգներին։

ԿազմԽմբագրել

Լարային քառյակ`

  • Լևոն Առաքելյան-թավջութակ
  • Անահիտ Մաթևոսյան -ալտ
  • Արուս Կարապետյան-ջութակ
  • Տաթևիկ Շահինյան-ջութակ
  • Արման Ավետիսյան- ձայնային օպերատոր
  • Կարեն Վարդանյան- լուսային ձևավորող

ԱլբոմներԽմբագրել

ՏեսաերիզներԽմբագրել

  • 2013 DVD

ՍինգլներԽմբագրել

  • Սեր (սինգլ) (թողարկվել է 2011 թ. հունիսի 1-ին։ Երգի խոսքերի և երաժշտության հեղինակն է Ռոլանդ Գասպարյանը։ Նկարահանվել է տեսահոլովակ, պրոդյուսերը՝ Արտյոմ Այվազյանն է[5]
  • Լուսաբաց (սինգլ) (թողարկվել է 2016 թ. մայիսի 3-ին։ Երգի խոսքերի և երաժշտության հեղինակ՝ Ռոլանդ Գասպարյան)։

ՏեսահոլովակներԽմբագրել

  • 2007 «Ջան Ռաստաման»
  • 2009 «Պատերազմներ»
  • 2009 «Էլի լավ ա»
  • 2010 «Մի գդալ սեր»
  • 2010 «Երե-ուան»
  • 2010 «Սիրունիկ ես»
  • 2011 «Սեր»
  • 2012 «Յար արի»
  • 2012 «Աշխարհումս իմն դուն իս»
  • 2013 «Աղ ու հաց»
  • 2013 «Երևան»
  • 2014 «Սիրում եմ քեզ»
  • 2014 «Քո աչքերում»
  • 2015 «Սիրուս կսպասեմ»
  • 2015 «Թարմ ծաղիկներ»
  • 2016 «Ով սիրուն-սիրուն»
  • 2016 «Լուսաբաց»

ՄրցանակներԽմբագրել

  • 2008 Ռադիո «Վան» Երևան, Հայաստան – Լավագույն երգ «Էլի լավ ա»
  • 2009 «Հայկական երաժշտական մրցանակաբաշխություն» Գլենդել, ԱՄՆ – Լավագույն այլընտրանքային ալբոմ «Մի գդալ սեր»
  • 2009 Ռադիո «Վան» Երևան, – Ռադիո «Վան»-ի լավագույն Soundtrack-ը
  • 2009 Ռադիո «Վան» Երևան, Հայաստան –Տարվա հիթային երգ
  • 2010 «Տաշիր 2010» Մոսկվա, Ռուսաստան – Լավագույն հիթ «Էլի լավ ա»
  • 2010 «Թոփ 10» 2010 «Հայկական երաժշտական մրցանակաբաշխություն» Երևան, Հայաստան – Լավագույն երաժշտական վիդեո «Մի գդալ սեր»
  • 2010 Ռադիո «Վան» Երևան, Հայաստան – Լավագույն հիթային երգ “Մի գդալ սեր”
  • 2011 Ռադիո «Վան» Երևան, Հայաստան – Լավագույն հիթային երգ “Սեր”
  • 2012 «Սայաթ Նովա» հայկական երաժշտական մրցանակաբաշխություն, Մոսկվա, Ռուսաստան-Տարվա լավագույն հիթ «Աշխարհումս իմն դուն իս»
  • 2012 Ռադիո «Վան» Երևան, Հայաստան –Լավագույն խումբ և լավագույն հիթ
  • 2012 «Հայկական երաժշտական մրցանակաբաշխություն» Մոսկվա, Ռուսաստան -Տարվա լավագույն խումբ և լավագույն հիթ
  • 2013 «Վան» երաժշտական մրցանակաբաշխություն Երևան, Հայաստան-Լավագույն խումբ
  • 2014 «Դար 21» երաժշտական հեռուստատեսային մրցանակաբաշխություն Երևան, Հայաստան -Տարվա լավագույն խումբ
  • 2015 Ռադիո «Վան» երաժշտական մրցանակաբաշխություն Երևան, Հայաստան-Հատուկ մրցանակ

Արտաքին հղումներԽմբագրել

ԾանոթագրություններԽմբագրել