Արթուր Գրիգորյան (երգահան)
Անվան այլ կիրառումների համար տե՛ս՝ Արթուր Գրիգորյան (այլ կիրառումներ)- Վիքիպեդիայում կան հոդվածներ Գրիգորյան ազգանունով այլ մարդկանց մասին։
Արթուր (Արտաշես) Գրիգորի Գրիգորյան (հուլիսի 31, 1958, Երևան, Հայկական ԽՍՀ, ԽՍՀՄ - փետրվարի 4, 2022, Երևան, Հայաստան), հայ կոմպոզիտոր և երգիչ, Հայաստանի ժողովրդական արտիստ (2011)։ Հիմնադրել է Հայաստանի երգի պետական թատրոնը և եղել գեղարվետական ղեկավարը։
| Արթուր Գրիգորյան | |
|---|---|
 | |
| Հիմնական տվյալներ | |
| Ծնվել է | հուլիսի 31, 1958 Երևան, Հայկական ԽՍՀ, ԽՍՀՄ |
| Երկիր |  Հայաստան |
| Մահացել է | փետրվարի 4, 2022 (63 տարեկան) Երևան, Հայաստան |
| Ժանրեր | հայկական փոփ |
| Մասնագիտություն | երաժիշտ |
| Գործիքներ | վոկալ, դաշնամուր |
| Պարգևներ | |
Կենսագրություն
խմբագրելՍովորել է Երևանի Տիգրան Չուխաճյանի անվան երաժշտական դպրոցի դաշնամուրային, այնուհետև՝ կոմպոզիցիայի դասարանում, 1975-1979 թվականներին՝ Երևանի Ռ. Մելիքյանի անվան երաժշտական ուսումնարանում։ 1981-1983 թվականներին և 1987 թվականից դասավանդել է «Հայհամերգ» էստրադային ստուդիայում։ 1983-1984 թվականներին աշխատել է Գեղագիտության ազգային կենտրոնում։ 1984-1991 թվականներին սովորել է Մոսկվայի թատերական արվեստի պետական ինստիտուտի ռեժիսուրայի ֆակուլտետում։ 1985-1988 թվականներին եղել է «Պոպուլյար» ՎԳԱ-ի երաժիշտ։ 1992 թվականին նշանակվել է Հայաստանի Ազգային ֆիլհարմոնիկ գործակալության նախագահ, մինչ 1994 թվականը ղեկավարել է Հայաստանի պետական ջազ նվագախումբը։ 1994 թվականից հիմնադրել է Հայաստանի երգի պետական թատրոնը և եղել դրա գեղարվեստական ղեկավարը։ 1995-1998 թվականներին եղել է Երևանի Երիտասարդական պալատի տնօրենը։ 2001 թվականից հանդիսացել է Հայաստանի Հանրային հեռուստառադիոընկերության խորհրդի անդամ, 2009 թվականից՝ խորհրդատու։
Հեղինակել է «Այո», «777», «Ասուպ», «Ընծա» մրցանակաբաշխությունները, «Հենց այսպես», «Տես» հեռուստահաղորդումները, «Կանաչ գոտի», «Արցախի ձայներ» նախագծերը, Հայաստանի «Զաքյան» ֆոնդի հովանավորչական ամենամյա հեղինակ-կատարողների մրցանակաբաշխությունը։ Նախաձեռնել և ղեկավարել է Երևանի գեղարվեստա-թատերական ինստիտուտի էստրադային կուրսը։ Հեղինակել է բազմաթիվ երգեր, մանկական մյուզիքլներ, մասսայական միջոցառումներ, փառատոներ, թեմատիկ և էստրադային համերգներ[1][2][3]։
Մահացել է 2022 թվականի փետրվարի 4-ին, երկարատև հիվանդությունից հետո, հիվանդանոցում[4]։
Պարգևներ և մրցանակներ
խմբագրելԾանոթագրություններ
խմբագրել- ↑ «Արթուր Գրիգորյանի կենսագրությունը zarkfoundation.com կայքում».
- ↑ Արթուր Գրիգորյան, «Եթե կա սեր, ապա այն սուս ու փուս հաղթում է»
- ↑ Արթուր Գրիգորյան.«Հիշողությունիցս անվերադարձ կջնջեի ծնողիս կորուստը»
- ↑ «Մահացել է կոմպոզիտոր Արթուր Գրիգորյանը». CIVILNET. 2022 թ․ փետրվարի 4. Վերցված է 2022 թ․ փետրվարի 4-ին.
- ↑ Հայաստանի Հանրապետության պատվավոր կոչումներ շնորհելու մասին