Ջեսսի Այզենբերգ
Ջեսսի Ադամ Այզենբերգ (անգլ.՝ Jesse Eisenberg, հոկտեմբերի 5, 1983[1][2][3][…], Քուինս, Նյու Յորք[5]), թատրոնի և կինոյի ամերիկացի դերասան, դրամատուրգ։ Ծնվել է Նյու Յորքում, մեծացել` Նյու Ջերսիում։ Իր դերասանական կարիերան Ջեսսին սկսել է վաղ տարիքից. իր հեռուստատեսային դեբյուտը կարճամետրաժ "Get Real"(1999–2000) կատակերգություն-դրաման էր։ "Roger Dodger"(2002) կատակերգական-դրամա ֆիլմում, առաջին առաջատար դերից հետո, նկարահանվում է "The Emperor's Club" (2002) դրամայում, "The Village"(2004) հոգեբանական թրիլերում, "The Squid and the Whale" (2005) և "The Education of Charlie Banks"(2007) ֆիլմերում։ 2016 թվականին Ջեսսին "Vail Film" Փառատոնի "Rising Star" մրցանակը ստացավ "The Living Wake"-ում իր դերի համար։ 2009 թվականինին Այզենբերգն առաջխաղացում ունեցավ "Adventureland"-ում և "Zombieland" սարսափ-կատակերգությունում։ Առաջադրվել է «Օսկար» (2011) և «Ոսկե Գլոբուս» (2011) մրցանակների «Սոցիալական Ցանց» (2010) ֆիլմում Մարկ Ցուկերբերգ-ի դերը խաղալու համար։
 | |
|---|---|
 | |
| Ծնվել է | հոկտեմբերի 5, 1983[1][2][3][…] (41 տարեկան) |
| Ծննդավայր | Կուինս, Նյու-Յորք, ԱՄՆ |
| Կրթություն | Նոր Դպրոց[4], Նյու Յորքի համալսարան, Կատարողական արվեստի մասնագիտական դպրոց և East Brunswick High School? |
| Քաղաքացիություն |  ԱՄՆ |
| Ազգություն | ամերիկացի |
| Կրոն | Kristendomen: en historisk introduktion? |
| Մասնագիտություն | հնչյունավորող, կինոդերասան, հեռուստատեսային դերասան, թատրոնի դերասան, դերասան, սցենարիստ և կինոռեժիսոր |
| Ակտիվ շրջան | 1999 թ. -այժմ |
| Ընտրանի | Սոցիալական ցանց, Բարի գալուստ Զոմբիլենդ, Հիմա դու տեսնում ես ինձ, Ռիո և Ռիո 2 |
Նա գրել և դերեր է ունեցել երեք պիեսներում`Նյու Յորքի բեմի համար. Asuncion, The Revisionist և The Spoils: 2015 թվականի սեպտեմբերին տպագրվել է նրա առաջին գիրքը` "Bream Gives Me Hiccups: and Other Stories" կարճ պատմվածքների հավաքածուն։
Կենսագրություն
խմբագրելՋեսսին ծնվել է Կուինսում, Նյու Յորքում հրեաների ընտանիքում, որոնք գաղթել էին Ուկրաինայից և Լեհաստանից։ Նրա մայրը՝ Էմին, ծաղրածու էր աշխատում, հայրը՝ Բարրին, հիվանդանոցում աշխատում էր ադմինիստրատոր, իսկ հետագայում նշանակվեց քոլեջի պրոֆեսոր։ Այզենբերգը ուներ երկու հարազատ քույրեր. ավագ քույրը՝ Կերրի Լին և կրտսեր քույրը՝ Հելլի Կեյտը՝ մանկական դերերի նախկին դերասանուհի։ Լինելով հրեա` նա մեծացել է ծագումով Լեհաստանից և Ուկրաինայից աշխարհիկ հրեական ընտանիքում։ Ջեսսին մեծացել է Կուինսում և Նյու Ջերսիում, հաճախում էր Իստ-Բռունսվիկսկյան հանրակրթական դպրոցները, ավելի ուշ տեղափոխվելով բարձրագույն դպրոցի երկրորդ կուրս՝ առաջին հերթին Այզենբերգը ցանկանում էր ընդունվել Նյու-Յորքյան համալսարան, բայց մտափոխվեց և որոշեց ավարտել իր դերը ֆիլմում։ Հետագայում նա ընդունվեց Նյու Յորքյան «Առաջին Դպրոց»-ը։
Կարիերա
խմբագրել1996 թ. Ջեսսի Այզենբերգը դարձավ հայտնի «The Broadway Kids» երաժշտական խմբի անդամ և ելույթ ունեցավ Բրոդվեյան մյուզիքլներում։ Այդ տարի նա իր «առաջին քայլերը» արեց Բրոդվեյում, «Ամառ և Ծուխ» բեմադրությանը։ 1999 թ., դեռ դպրոցում սովորելով, նա ստացավ իր առաջին դերը «Եղիր այնպիսին ինչպիսին,որ կաս» հեռուստատեսային սերիալում, որտեղ իր հետ միասին անում էր իր առաջին քայլերը դերասանուհի Էնն Հետուեյը։ 2001 թ. Այզենբերգը նկարահանվեց «Կայծակ։ Կրակ երկնքից» հեռուստատեսային ֆիլմում, դրան հետևում էր «Կանանց Ֆավորիտ»-ը ֆիլմը, որի դերի համար Ջեսսին Սան Դիեգոյում կինոփառատոնին ստացավ մրցանակ որպես «Ամենախոստումնալից Նոր Դերասան»։ Հաջորդ Այզենբերգի ֆիլմը դարձավ «Կայսեր Ակումբ»-ը, որը թողարկվեց 2002 թ.-ին։ 2005 թ. նկարահանվեց Ուես Կրեյվենի «Մարդագայլը» սարսափ և «Կաղամար ու Կետ» դրամա ժանրի ֆիլմերում։ Հաջորդ երկու տարիների ընթացքում նա հիմնականում աշխատում էր թատրոնում, իսկ 2007 թ.-ին նկարահանվեց Ռիչարդ Գիրի հետ «Հանթի Որսը» թրիլլերում, որտեղ նա տանում էր լրագրողի դեր։ Հենց այդ տարի թողարկվեց «Բարի Գալուստ Զոմբիլենդ» սարսափ կատակերգությունը, բերելով Ջեսսիյին մեծ ճանաչում։ 2010 թ.-ին իր քրոջ՝ Հելլի Կեյտի հետ խաղաց Մարկ Ցուկերբերգի դերը։ Այս դերի համար նա արժանացավ «Ոսկե Գլոբուս» և «Օսկար» մրցանակներին։ 2009 թ. նա Կրիստեն Ստյուարտի հետ խաղաց «Մշակույթի և Հանգստի Այգի» երիտասարդական կատակերգությունում, որի պրեմիերան կայացավ «Սանդենս» կինոփառատոնում։
2011 թ. Ջեսսին ի հայտ եկավ արդեն հաղորդավարի տեսքով և որպես հրավիրված աստղ «Saturday Night Live» կատակերգության 36 սեզոնի 13 սերիայում։ 2012 թ. նկարահանվեց «Ինչու Կանգնել Հիմա» դրամայում և Վուդի Ալլենի «Հռոմեական Արկածներ» կատակերգությունում։ 2013 թ. Ջեսսին խաղաց Հիմա դու ինձ տեսնում ես աճպարարների մասին կրիմինալ թրիլլերում։ 2015 թ. լույս տեսավ «Ուլտրաամերակիցենրը» կատակերգական մարտաֆիլում։ 2016 թ. սպասվում է «Հիմա դու ինձ տեսնում ես։ Երկրորդ Գործողություն» ֆիլմի պրեմիերան։ Նաև 2016 թ.-ին Ջեսսին կհայտնվի DC Universe-ի «Բեթմենն ընդդեմ Սուպերմենի։ Արդարության արշալույսին» ֆիլմում, որտեղ նա կատարում է սուպեր ավազակի՝ Լեկս Լյուտորի դերը։
Գրող
խմբագրելՈրպես դրամատուրգ, Այզենբերգը գրել է «Ասունսյոն» և «Վերաքննիչը» պիեսները։ 2011 թ. հոկտեմբերին «Ասունսյոն» պիեսը ներկայացվեց ներկայացման տեսքով, որտեղ նրա հետ միասին խաղացել են Ջասթին Բարտը և Կամիլ Մենան։ Արդեն 2013 թ.-ին Այզենբերգի «Վերաքննիչը» պիեսայի հիման վրա բեմադրվեց ներկայացում, նրա հետ միասին խաղաց Վանեսսա Րեդգրեյվը։
Անձնական կյանք
խմբագրելՋեսսին հանդիսանում է OneUpMe.com կայքի ստեղծողը, մասնագիտացված բառախաղերի վրա։ Նրա ամենա սիրելի երաժշտական խումբը Ween է, մասնավորապես «Chocolate and Cheese» ալբոմը։ 2002-2012 թ. հանդիպում էր Աննա Ստրաուտի հետ, ով մեծ էր Ջեսսիյից վեց տարով։ Այզենբերգը նրա հետ ծանոթացավ «Կայսեր Ակումբ»-ը ֆիլմի նկարահանումների ժամանակ, որտեղ նա աշխատում էր պրոդյուսերի օգնական։ 2013-2015 թ. հանդիպում էր Միա Վասիկովսկայի հետ, ով «Կրկնորդը» ֆիլմում իր զուգընկերն էր։ 2015 թ. վերականգնեց իր հարաբերությունները Աննա Ստրաուտի հետ։ 2017 թվականին նրանք ամուսնացան և նույն թվականի ապրլին որդի ունեցան։
Ֆիլմագրություն
խմբագրել| Թիվ | Ֆիլմի անուն | Բնօրինակի անվանումը | Դերը |
|---|---|---|---|
| 2000 | Եղիր այնպիսին ինչպիսին որ կաս | Get Real | Կեննի Գրին |
| 2001 | Կայծակ։ Կրակ երկնքից | Lightning: Fire from the Sky | Էրիկ Դոբս |
| 2002 | Կանանց Ֆավորիտը | Roger Dodger | Նիք |
| 2002 | Կայսեր Ակումբը | The Emperor’s Club | Լուի Մասոուդի |
| 2004 | Խորհրդավոր Անտառ | The Village | Ջեյմիսոն |
| 2005 | Մարդագայլերը | Cursed | Ջիմմի |
| 2005 | Կաղամար և Կետ | The Squid and the Whale | Ուոլտ Բերկման |
| 2007 | Չարլսի Բենքսի Կրթությունը | The Education of Charlie Banks | Չարլի Բենկս |
| 2007 | Կենդանի Հետքը | The Living Wake | Միլս |
| 2007 | Ամեն օր, ինչպես անձրևը | One Day Like Rain | Մարկ |
| 2007 | Հանտի Որսը | The Hunting Party | Բենջամին Շտրաուս |
| 2009 | Մշակույթի և Հանգստի Այգի | Adventureland | Ջեյմս Բրեննան |
| 2009 | Բարի Գալուստ Զոմբիլենդ | Zombieland | Կոլամբուս |
| 2009 | Սեքսամոլը | Solitary man | Դենիել Չեստոն |
| 2009 | Որոշ տղաներ չեն գնում | Some Boys Don't Leave | երիտասարդ |
| 2010 | Սուրբ Ռոլլերները | Holly Rollers | Սեմ Գոլդ |
| 2010 | Հույսի Ճամբար | Camp Hell | Դենիել |
| 2010 | Սոցիալական Ցանց | The Social Network | Մարկ Ցուկերբերգ |
| 2011 | Րիո | Rio | Աղավնյակ |
| 2011 | Հասցնել 30 րոպեում | 30 Minutes or Less | Նիք |
| 2012 | Նորություններ | The Newsroom | Էրիկ Նիլ |
| 2012 | Ինչու Կանգնել Հիմա | Why Stop Now | Էլայ Բլում |
| 2012 | Վերաբերմունքը Փառքի Հանդեպ | Addicted to Fame | Էրիկ Դոբս |
| 2012 | Անվճար Նմուշներ | Free samples | Տեքս |
| 2012 | Հռոմեական Արկածներ | To Rome with love | Ջեք |
| 2013 | Նա Քեզնից Ավելի Հանրահայտ է | He's Way More Famous Than You | Կամեո |
| 2013 | Հիմա Դու Ինձ Տեսնում ես | Now You See Me | Ջեյ Դենիել Ատլաս |
| 2013 | Գիշերային Շարժումները | Night Moves | Ջոշ Ստեյմոս |
| 2013 | Կրկնորդը | The Double | Սայմոն / Ջեյմս |
| 2014 | Րիո 2 | Rio 2 | Աղավնյակ |
| 2014 | Ամերիկյան Ընտանիք | Modern Family | Աշեռ |
| 2015 | Մրցաշարի Վերջը | The End of the Tour | Դեվիդ Լիպսկի |
| 2015 | Ավելի բարձր, քան ռումբը | Louder Than Bombs | Ջոնա |
| 2015 | Ուլտրաամերիկացիները | American Ultra | Մայկ Խաուելլ |
| 2016 | Բեթմենն ընդդեմ Սուպերմենի։ Արդարության արշալույսին | Batman v Superman: Dawn of Justice | Լեքս Լյուտոր |
| 2016 | Հիմա Դու Ինձ Տեսնում ես 2 | Now You See Me 2 | Ջեյ Դենիել Ատլաս |
| 2018 | Կեսգիշերային Արևը | Midnight Sun |
Ծանոթագրություններ
խմբագրել- ↑ 1,0 1,1 Internet Broadway Database — 2000.
- ↑ 2,0 2,1 filmportal.de — 2005.
- ↑ 3,0 3,1 Discogs — 2000.
- ↑ https://celebsgraphy.com/jesse-eisenberg/
- ↑ 5,0 5,1 Deutsche Nationalbibliothek Record #141517662 // Gemeinsame Normdatei (գերմ.) — 2012—2016.
 | Վիքիպահեստն ունի նյութեր, որոնք վերաբերում են «Ջեսսի Այզենբերգ» հոդվածին։ |