Պոչեր (մուլտֆիլմ)

«Պոչեր» (ռուս.՝ «Хвосты»), 1966 թվականի խորհրդային նկարված մուլտիպլիկացիոն ֆիլմ՝ նկարահանված ռեժիսոր Վլադիմիր Պոլկովնիկովի կողմից։ Սցենարի հեղինակը Վլադիմիր Սուտեևն է։ Մուլտֆիլմի հերոսները անտառային գազաններն են՝ օժտված մարդկային վառ հատկանիշներով։

Պոչեր
Տեսակ	մուլտֆիլմ
Ռեժիսոր	Վլադիմիր Պոլկովնիկով
Սցենարիստ	Վլադիմիր Սուտեև
Հնչյունավորում	Ելենա Պոնսովա, Անատոլի Պապանով, Օլգա Արոսևա, Գեորգի Վիցին և Սերգեյ Ցեյց
Երաժշտություն	Վադիմ Գամալիա
Երկիր	ԽՍՀՄ
Ընկերություն	Սոյուզմուլտֆիլմ
Տևողություն	16 րոպե
Թվական	1966

Սյուժե

Մի անգամ Աղվեսը, որին հետապնդում էին որսորդական շները, պատահաբար կորցնում է պոչը։ Այդ ամենի ականատես Ճերմակակող կաչաղակն անտառի անցնող գազաններին առաջարկում է իրենց վերցնել այդ պոչը։ Նապաստակը Ճերմակակող կաչաղակի խորհրդով այն կցում է իր պոչի փոխարեն։

Աղվեսը, վերադառնալով ու չգտնելով իր պոչը, նույն Կաչաղակի խորհրդով իրեն է ամրացնում Նապաստակի թողած պոչը։ Միևնույն ժամանակ նապաստակների ընտանիքը խայտառակելով վտարում է աղվեսի պոչով Նապաստակին և պահանջում վերադարձնել իր պոչը։ Խորամանկ աղվեսը, հանդիպելով Գայլին, նապաստակի պոչը փոխում է գայլի պոչով։

Ունենալով իրենց համար օտար պոչեր՝ Նապաստակը, Աղվեսն ու Գայլն անտառում բախվում են անսպասելի խնդիրների և այդժամ փորձում վերադարձնել իրենց հարազատ պոչերը։ Իմաստուն Ոզնին Նապաստակին օգնում է գայլից ետ վերցնել իր պոչը՝ փոխելով Աղվեսի պոչի հետ։ Գայլն էլ, ստանալով Աղվեսի պոչը, չի պատրաստվում այն վերադարձնել իր տիրոջը, ինչի արդյունքում նրանց միջև ծեծկռտուք է առաջանում, որի արդյունքում նրանք նորից կորցնում են իրենց պոչերը։

Մուլտֆիլմի բարոյախոսությունն է՝ «Եթե քեզ ինչ-որ լավություն են արել, մի պահանջիր ավելին»։

Մուլտֆիլմի վրա աշխատել են

Ստեղծողներ

• Սցենարի հեղինակ – Վլադիմիր Սուտեև
• Ռեժիսոր – Վլադիմիր Պոլկովնիկով
• Բեմադրող նկարիչ – Ալեքսանդր Վոլկով
• Կոմպոզիտոր – Վադիմ Գամալիա
• Օպերատոր – Ն. Կլիմովա
• Հնչյունային օպերատոր – Բորիս Ֆիլչիկով
• Խմբագիր – Զ. Պավլովա
• Ռեժիսորի օգնական – Ե. Տուրանովա
• Մոնտաժող – Լյուբով Գեորգիևա
• Նկարչի օգնական – Վ. Մոռոզով
• Նկարիչներ – Ռենատա Միրենկովա, Տատյանա Տարանովիչ, Օլգա Օռլովա, Յուրի Բուտիրին, Լեոնիդ Կայուկով, Վլադիմիր Կռումին, Դմիտրի Անպիլով, Մարինա Ռոգովա, Վ. Ռոգով
• Դերերը հնչյունավորել են՝ Ելենա Պոնսովա – Ճերմակակող կաչաղակ, Օլգա Արոսևա – Աղվես, Գեորգի Վիցին — Շլդիկ նապաստակ, Անատոլի Պապանով – Գայլ, Սերգեյ Ցեյց – Ոզնի, Կլարա Ռումյանովա – սկյուռներ (տիտրերում նշված չէ)։
• Տնօրեն – Ֆյոդոր Իվանով

DVD

2005 թվականին մուլտֆիլմը DVD-ով թողարկվել է «Союз-видео» ընկերության կողմից։ Ձայնագրության ժամանակ պատկեների ու ձայնի թվային ռեստավրացիա չի կիրառվել։ Բովանդակությունը՝ «Պոչեր», «Աղվես Պատրիկեևնա», «Շինարար աղվեսը», «Ներկված աղվեսը», «Աղվեսն ու գայլը», «Աղվեսն ու նապաստակը», «Ագռավը և աղվեսը, կկուն և աքաղաղը», «Պոյգան ու աղվեսը»։

• Ձայն՝ ռուսերեն Dolby Digital 1.0 Mono, շրջանային կոդը՝ 0 (All), պատկեր՝ Standart 4:3 (1,33:1), գույն՝ PAL, տարածող՝ «Крупный План»:

Արտաքին հղումներ

• «Պոչեր» մուլտֆիլմը «Անիմատոր.ռու» կայքում
• Մուլտֆիլմի առցանց դիտում։