Պոլինա Պորիզկովա
Պոլինա Պորիզկովա-Օկեյսեկ[4] (չեխ․՝ Pavlína Pořízková, ˈpavliːna ˈpor̝iːskovaː, անգլ.՝ Paulina Porizkova-Ocasek, ապրիլի 9, 1965[1][2], Պրոստեյով, Չեխոսլովակիա[2]), ամերիկացի սուպերմոդել, դերասանուհի և չեխական ծագմամբ գրող։ Նա առավել հայտնի է 1998 թվականի «Արյունոտ հինգշաբթի» քրեական մարտաֆիլմում Դալլասի դերակատարմամբ։
| Պոլինա Պորիզկովա | |
|---|---|
 | |
| Ծննդյան թիվ՝ | ապրիլի 9, 1965[1][2] (59 տարեկան) |
| Ծննդավայր՝ | Պրոստեյով, Չեխոսլովակիա[2] |
| Քաղաքացիություն՝ |  ԱՄՆ Շվեդիա Չեխոսլովակիա |
| Մասնագիտություն՝ | դերասանուհի, մոդել, կինոդերասանուհի, հեռուստատեսային դերասանուհի և մանկագիր |
| Պարգևներ՝ | |
| IMDb։ | ID 0005320 |
Կենսագրություն խմբագրել
Ծնվել է 1965 թվականի ապրիլի 9-ին, Չեխոսլովակիայի Պրոստեև քաղաքում։ 1968 թվականին «Պրահայի գարնան» դեպքերից և խորհրդային զորքերի հետագա մուտքից հետո, նրա ծնողները Չեխոսլովակիայից մեկնել են Շվեդիա՝ թողնելով իրենց փոքրիկ դստերը տատիկի խնամքի տակ։ Պոլինային հաջողվել է հեռանալ Չեխոսլովակիայից միայն յոթ տարի անց՝ Շվեդիայի վարչապետ և հասարակական գործիչ Ուլոֆ Պալմեի աջակցությամբ։
Նա իր մոդելային կարիերան սկսել է 1980-ական թվականներին Փարիզում։ 1984 թվականին՝ 18 տարեկանում, նա դարձել է Արևելյան Եվրոպայի առաջին մոդելը, որը հայտնվել է «Sports Illustrated Swimsuit Issue» ամսագրի շապիկին։ 1987 թվականի օգոստոսին նկարահանվել է տղամարդկանց համար նախատեսված «Փլեյբոյ» ամսագիր համար։
1993 թվականին իր առաջին որդու ծնվելուց հետո նա ստիպված է եղել լքել մոդելային բիզնեսը և դառնալ կինոդերասանուհի։ Նրա կինոկարիերան սկսվել է 1987 թվականին, իսկ 1989 թվականին նրան առաջադրել են «Ոսկե ազնվամորի» հակամրցանակի` «Նրա այլուրեքությունը» ֆիլմում վատագույն դերասանուհի լինելու համար։ Պորիզկովան նկարահանվել է այնպիսի հայտնի ռեժիսորների մոտ, ինչպիսիք են Էմիր Կուստուրիցան (1993 թվականին նկարահանված «Արիզոնյան երազանք» ֆիլմում) և նույնպես հայտնի դերասաններ Ջոնի Դեփի, Միքի Ռուրկի և Ռուտգեր Հաուերի հետ։
Բացի այդ, նա հայտնի է նաև որպես գրող. նրա առաջին գիրքը կոչվում է A Model Summer, մյուս մանկական գիրքը` The Adventures of Ralphie the Roach, որը համահեղինակել է Ջոան Ռասելի հետ։
3 եթերաշրջան եղել է «Թոփ մոդել ամերիկյան ձևով» հեռուստաշոուի դատավորներից մեկը։
1989 թվականի օգոստոսի 23-ին ամուսնացել է երաժիշտ և դերասան, The Cars խմբի առաջնորդ Ռիկ Օկասեկի հետ։ Ունի երկու որդի՝ Ջոնաթան Ռեյվեն Օկասեկը (ծնվ. 04.11.1993) և Օլիվեր Օրիոն Օկասեկը (ծնվ. 23.05.1998): 2018 թվականի մայիսի 3-ին հայտնի է դարձել, որ ամուսինները մեկ տարի է՝ միասին չեն ապրում[5]։ 2019 թվականի սեպտեմբերի 15-ին Պորիզկովան Օկասեկին գտել է մահացած` Նյու Յորքի նրա բնակարանում։
Ֆիլմագրություն խմբագրել
| Տարի | Հայերեն անվանում | Բնօրինակ անվանում | Դեր | |
|---|---|---|---|---|
| 1983 | ֆ | Թղթապանակ | Portfolio | բարձրակարգ մոդել |
| 1984 | ֆ | Շապիկի վրայի աղջիկը | Covergirl | անանուն դերասանուհի |
| 1984 | ս | Շաբաթ երեկոյան ուղիղ եթերում | Saturday Night Live | տարբեր հերոսներ |
| 1987 | ֆ | Աննա | Anna | Քրիստինա |
| 1989 | ֆ | Նրա այլուրեքությունը | Her Alibi | Նինա Լոնեսկի |
| 1993 | ֆ | Արիզոնյան երազանք | Arizona Dream | Միլլի |
| 1995 | ս | Նեդ և Սթեյսի | Ned and Stacey | Ալեքսա Միրոսլավ |
| 1996 | ֆ | Կանացի այլանդակվածություն | Female Perversions | Լենգլի Ֆլինն |
| 1996 | ֆ | Հարսանեկան զանգերի բլյուզ | Wedding Bell Blues | Տանյա Տուչև |
| 1998 | ֆ | Արյունոտ հինգշաբթի | Thursday | Դալլաս |
| 1998 | ֆ | Անցյալի գաղտնիքները | Long Time Since | Դայան Տուեյտ |
| 2000 | ֆ | Պրակտիկանտուհին | The Intern | Չի Չի Չեմիզ |
| 2000 | ֆ | Զուգընկերներ | Partners in Crime | Ուոլլիս Պ. Լոնգսպորտ |
| 2000 | ս | Խոսիր ինձ հետ | Talk to Me | Թերեզա |
| 2000 | ֆ | Անձրևից հետո | After the Rain | Էլլեն Մաքսֆիլդ |
| 2001 | ֆ | Խավարի լաբիրինթոսներ | Dark Asylum | Մեգիի |
| 2001 | ֆ | Սենյակակիցներ | Roomates | Էլայզա |
| 2002 | ֆ | Դրախտին շատ մոտ | Au plus près du paradis | Մերի Ռեյֆելսոն |
| 2002 | ֆ | Պահանջված մարդիկ | People I Know | բժիշկ Աննա Ֆարի |
| 2004 | ֆ | Երկրորդ, բայց լավագույն | Second Best | Էլլիսոն |
| 2004 | ֆ | Կապեր | Knots | Լիլի Քիլդեր |
| 2009-2010 | ս | Ինչպե՞ս է պտտվում աշխարհը | As the World Turns | Կլարիսսա |
| 2010 | ս | Հուսահատ տնտեսուհիները | Desperate Housewives | ինքն իր դերում |
| 2011 | ս | Դե ինչ, գնացի՞նք | Are We There Yet? | Կատրինա |
| 2012 | ս | Ջեյնի ոճում | Jane By Design | իր դերում |
| 2015 | ս | Լաուրայի գաղտնիքները | The Mysteries of Laura | Շառլոտա Բերնիս |
| 2016-2017 | ս | Նայելով գիշերվան | Nightcap | Անա |
| 2017 | ս | Բուլլ | Bull | Նելլա Ուեսթերս |
Ծանոթագրություններ խմբագրել
- ↑ 1,0 1,1 Չեխիայի ազգային գրադարանի կատալոգ
- ↑ 2,0 2,1 2,2 2,3 2,4 Vědecká knihovna v Olomouci REGO (չեխերեն)
- ↑ https://www.carnegie.org/awards/great-immigrants/2010-great-immigrants/
- ↑ Rick Ocasek pronunciation: How to pronounce Rick Ocasek in English
- ↑ The Cars' Ric Ocasek and Wife Paulina Porizkova Announce Split After 28 Years of Marriage
 | Վիքիպահեստն ունի նյութեր, որոնք վերաբերում են «Պոլինա Պորիզկովա» հոդվածին։ |