Պիտեր Կոռնելիսզոն Հոֆթ
Պիտեր Կոռնելիսզոն Հոֆթ ( հոլ.՝ Pieter Corneliszoon Hooft, IPA : [ˈpitər kɔrˈne:lɪˌso:n ˈɦo:ft]. մարտի 15, 1581[1] կամ մարտի 16, 1581, Ամստերդամ, Հոլանդիա, Միացյալ պրովինցիաների հանրապետություն - մայիսի 21, 1647[2][3][1][…], Հաագա, Միացյալ պրովինցիաների հանրապետություն), հոլանդացի բանաստեղծ, թատերագիր, գրական Վերածննդի («ոսկեդար») առավել բնորոշ ներկայացուցիչներից մեկը՝ առևտրական կապիտալի դարաշրջանում։ Մայդերսլոտ ամրոցի սեփականատերն էր։
Պիտեր Կոռնելիսզոն Հոֆթ | |
---|---|
![]() | |
Ծնվել է | մարտի 15, 1581[1] կամ մարտի 16, 1581 |
Ծննդավայր | Ամստերդամ, Հոլանդիա, Միացյալ պրովինցիաների հանրապետություն |
Վախճանվել է | մայիսի 21, 1647[2][3][1][…] (66 տարեկան) |
Վախճանի վայր | Հաագա, Միացյալ պրովինցիաների հանրապետություն |
Գերեզման | Nieuwe Kerk |
Մասնագիտություն | գրող, քաղաքական գործիչ, պատմաբան, դրամատուրգ և բանաստեղծ |
Քաղաքացիություն | ![]() |
Ամուսին | Christina van Erp?[4] և Leonora Hellemans?[4] |
Զավակներ | Arnout Hellemans Hooft? |
Ազգականներ | Louis De Geer? |
![]() |
Կենսագրություն
խմբագրելԾնվել է 1581 թվականի մարտի 15-ին Ամստերդամ քաղաքում, տեղի վաճառական Կոռնելիս Հոֆթի ընտանիքում։
Շատ է ճանապարհորդել Իտալիայում, ապրել է Վենետիկում և Ֆլորենցիայում։ Թարգմանել է Պետրարկային, Տակիտուսին և այլ գրողների։
Հոֆթը Հոլանդիայում Վերածննդի գաղափարների հիմնական տարածողներից մեկն էր, նա հիմնել ու ղեկավարում էր ոսկեդարյան գրողների ու արվեստագետների Մյուդերքրինգ խմբակը, որի հավաքույթներն անց էին կացվում նրա Մայդերսլոտ ամրոցում։
Գրել է հիմնականում սիրային բանաստեղծություններ («Afbeeldingen van Minne», «Minneliederen», «Sonetten»): Ընդ որում՝ չափազանց նրբագեղ ձևերի մեջ փորձել է համատեղել հոլանդական միջնադարյան ժողովրդական երգի պարզությունը պետրարկայական սոնետի բարդության հետ։ Նրա դրամաներից, որոնք գրված են պարզ, սեղմ ու դիպուկ ոճով, առավել սիրված ու տարածված են՝ « Գրանիդա » («Granida», 1605 թ.), «Գերարդ վան Վելզեն» («Geeraedt van Velsen», 1612-1613) և «Բատո, կամ հոլանդացիների ծագումը» (« Baeto, oft Oorsprongder Höllanderen», 1616-1617) երկերը։ Եղել է նաև Իսպանիայի դեմ հոլանդացիների մղած ազատագրական պատերազմը ներկայացրած պատմաբան («Հենդրիկ IV», 1626; «Նիդերլանդական պատմություններ» «Nederlandsche Historiën», 1642, անավարտ)։
Ի տարբերություն Վոնդելի և Վերածննդի որոշ այլ գրողների՝ նա ատում էր քրիստոնեական ուղղափառությունը և քարոզում էր ստոիցիզմ և էպիկուրիզմ։
1947 թվականին սահմանվել է Նիդերլանդների գրական բարձրագույն պետական մրցանակը, որը կրում է Պ.Կ.Հոֆթի անունը։
Երկեր
խմբագրելԹատերախաղեր
խմբագրել- Geeraerdt van Velsen ( 1613)
- Achilles en Polyxena (1614)
- Theseus en Ariane (1614)
- Granida (1615)
- Warenar (1616)
- Baeto, oft oorsprong der Holanderen (1626)
Բանաստեղծություններ
խմբագրել- Emblemata amatoria: afbeeldingen van minne (1611)
Պատմություն
խմբագրել- Nederduytsche Historiën (1642-1656)
Ծանոթագրություններ
խմբագրել- ↑ 1,0 1,1 1,2 1,3 1,4 Biografisch Portaal — 2009.
- ↑ 2,0 2,1 2,2 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 3,0 3,1 3,2 Encyclopædia Britannica
- ↑ 4,0 4,1 https://de.wikisource.org/wiki/ADB:Hooft,_Pieter
Մատենագրություն
խմբագրել- Chisholm, Hugh, ed. (1911). . Encyclopædia Britannica (անգլերեն). Vol. 13 (11th ed.). Cambridge University Press. էջեր 668–669.
- Gedichten van P. C. Hooft, 2 druk, uitgegeven door F. Ա. Stoett, Amst., 1899 թ.
- Hooft's Brieven, uitg., 1855 թ.
- Breen J. C., P. C. Hooft als schrijver der Nederlandsche Historiën, Amst., 1894 թ.
- Prinsen J., P. C. Hooft, Amst.,, 1922 թ.
- de Haan J. C., Studiën over de Romeinsche elementen Hooft-ի niet-dramatische poëzie, Santpoort, 1923 թ.
Արտաքին հղումներ
խմբագրել- Works of Hooft in the Laurens Janszoon Coster project (Dutch)
- P.C. Hooft (1581-1647) - pictures of P.C. Hooft
- Pieter Corneliszoon Hooftի գործերը Գուտենբերգ նախագծում
Վիքիպահեստն ունի նյութեր, որոնք վերաբերում են «Պիտեր Կոռնելիսզոն Հոֆթ» հոդվածին։ |