Չեռնոբիլ (ֆիլմ, 2021)
«Չեռնոբիլ» (ռուս.՝ «Чернобыль», ֆիլմի աշխատանքային անվանումները՝ «Վտանգավոր ջուր» (ռուս.՝ «Опасная вода»[2]) և «Երբ ցած էին ընկնում արագիլները» (ռուս.՝ «Когда падали аисты»[3]), 2021 թվականի ռուսական լիամետրաժ պատմադրամատիկական գեղարվեստական ֆիլմը, որը նկարահանել է ռեժիսոր Դանիլա Կոզլովսկին[4][5][6]։
Չեռնոբիլ ռուս.՝ Чернобыль | |
---|---|
![]() | |
Երկիր | ![]() |
Ժանր | դրամա և պատմական ֆիլմ |
Թեմա | Չեռնոբիլի ատոմակայանի վթար և Լիկվիդատորներ |
Թվական | 2021 |
Լեզու | ռուսերեն |
Ռեժիսոր | Դանիլա Կոզլովսկի |
Պրոդյուսեր | Ալեքսանդր Ռոդնյանսկի, Դանիլա Կոզլովսկի և Սերգեյ Մելքումով |
Դերակատարներ | Դանիլա Կոզլովսկի, Օքսանա Ակինշինա, Ֆիլիպ Ավդեև, Ռավշանա Կուրկովա և Nikolay Kozak? |
Օպերատոր | Քսենիա Սերեդա |
Պատմվածքի վայր | Չեռնոբիլի ատոմակայան և Պրիպյատ |
Նկարահանման վայր | Kursk Nuclear Power Plant? |
Տևողություն | 132 րոպե |
Բյուջե | 690 000 000 ₽[1] |
IMDb | ID 10648714 |
Հիմնված է իրական ողբերգության վրա, բայց հեռու է պատմական իրադարձություններից։ Ֆիլմը գեղարվեստական է և չի պատմում Չեռնոբիլի ատոմակայանում տեխնածին աղետի հետևանքները վերացնողների կյանքի և հերոսական աշխատանքի մասին, որը տեղի է ունեցել 1986 թվականի ապրիլի 26-ին Ուկրաինական ԽՍՀ Կիևի մարզի Պրիպյատ քաղաքի մոտակայքում։ Ֆիլմը չի վերստեղծում այդ ողբերգական իրադարձությունների ժամանակագրությունը, այն միայն ոգեշնչված է դրանցից, իսկ նրա բոլոր կերպարները և նրանց ճակատագրերը հորինված են[7]։
Գլխավոր դերերում նկարահանվել են Դանիլա Կոզլովսկին, Օքսանա Ակինշինան, Ֆիլիպ Ավդեևը և Նիկոլայ Կոզակը։
Ֆիլմի պրեմիերան Ռուսաստանում նախատեսված է եղել 2020 թվականի հոկտեմբերի 8-ին[3], բայց ավելի ուշ հետաձգվել է COVID-19 համավարակի պատճառով[8]։ Ֆիլմի թողարկումը տեղի է ունեցել 2021 թվականի ապրիլի 15-ին[4][7][9]՝ Չեռնոբիլի ողբերգության 35-ամյա տարելիցի նախօրեին։ 2020 թվականի հուլիսին Հյուսիսային Ամերիկայում ֆիլմի տարածման իրավունքը ձեռք է բերել Capelight Pictures ընկերությունը[10]։ 2021 թվականի հունիսի 3-ին ֆիլմը հեռարձակվել է ամերիկյան Netflix սթրիմինգային ծառայությունում[11]։
Սյուժե
խմբագրել1986 թվականի ապրիլ, Ուկրաինական ԽՍՀ Կիևի մարզի Պրիպյատ քաղաք։ Պահեստազորի երեսնամյա կապիտան Ալեքսեյ Կարպուշինը, որն աշխատում է որպես հրշեջ, քաղաքում հանդիպում է իր սիրած աղջկան՝ Օլգա Սավոստինային, որին լքել է տասը տարի առաջ, և իմանում է, որ նա ունի տասնամյա որդի՝ Ալյոշան։ Կարպուշինը կասկածում է, որ դա իր որդին է։ Նա կարողանում է Պրիպյատից Կիևում աշխատելու տեղափոխելու թույլտվություն ստանալ և պատրաստվում է այնտեղ մեկնել Օլգայի ու որդու հետ։
Ապրիլի 25-ին՝ ուրբաթ օրը, Կարպուշինը հեռանում է հրշեջ ծառայությունից։ Աշխատակիցների ու ընկերների հետ միասին նրանք կազմակերպում են երեկոյան խնջույք, որի ժամանակ Կարպուշինը հարբում է։ Նույն գիշեր Օլգայի որդին՝ Ալյոշան, ընկերների հետ հեծանիվով գնում է Չեռնոբիլի ատոմակայան, որտեղ նրանք ականատես են լինում միջուկային ռեակտորի պայթյունին։ Ալյոշան կատարվածը նկարահանում է կինոխցիկով և ճառագայթահարվում։
Առավոտյան դեռևս լիովին չսթափված Կարպուշինը գնում է Օլգայի մոտ, բայց, վախենալով երկնքից ընկնող թռչուններից, թողնում է մեքենան։ Ճանապարհին նա հանդիպում է հրշեջ մեքենաների շարասյունի, որոնք շարժվում են դեպի ատոմակայան, և կանխագուշակելով իրավիճակը՝ միանում է անձնակազմերից մեկին։ Հրդեհաշիջման աշխատանքների ժամանակ նա գտնում է իր նախկին ջոկատին, որն առաջինն է ժամանել է այնտեղ. նրանց ուղարկել են տանիք, որտեղ այրվում է բիտում։ Ընկերները գտնվում են ծանր վիճակում, փսխում են, նրանց մաշկն այրվում է ռադիոակտիվ ճառագայթումից։ Կարպուշինը երկու ընկերներին տանում է շտապօգնության մեքենաների մոտ։ Նրան նույնպես տեղափոխում են հիվանդանոց, բայց նա միայն ճառագայթման փոքր չափաբաժին էր ստացել։
Կարպուշինը ներգրավվում է հանձնաժողովի աշխատանքներում, որի եզրակացություններն հուսադրող չեն. վթարային բլոկի տակ ջրով լցված ջրամբար է, եթե տաք վառելիքը այնտեղ ընկնի, տեղի կունենա նոր ջերմային պայթյուն, որի հետևանքով ռադիոակտիվ արտանետումները կարող են ծածկել ոչ միայն Կիևը, այլև Մոսկվան (այսինքն՝ Խորհրդային Միությունը, և Եվրամիության մի մասը)։ Որոշում է կայացվում ինժեներների խումբ ուղարկել այնտեղ՝ ավտոմատացումը գործարկելու և ջուրը դուրս մղելու կամ, ծայրահեղ դեպքում, ձեռքով բացելու փականը։ Բարձրաստիճան պաշտոնյան պատմում է, որ գործողության մասնակիցների համար տեղեր են ամրագրվելու Շվեյցարիա թռչող ինքնաթիռում, որտեղ հերոսներին սպասում է ճառագայթման հետևանքների բուժում մասնագիտացված կլինիկայում։ Կարպուշինը, որն աշխատում էր հրդեհային հսկողությունում, հիանալի գիտի կայանը իր կառուցման պահից և հուշում է գաղտնի անցման մասին, բայց ինքը հրաժարվում է գնալ։ Գալով Օլգայի մոտ՝ նա իմանում է, որ Ալյոշան ծանր հիվանդացել է։ Բոլոր բնակիչները տարհանվում են ավտոբուսներով, Ալյոշայի վիճակը ճանապարհին ավելի ու ավելի է վատանում։ Կարպուշինը իջնում է ավտոբուսից և վերադառնում։ Նա պայմանավորվում է պաշտոնյայի հետ, որպեսզի իր փոխարեն Շվեյցարիա ուղարկեն Ալյոշային։
Երկուշաբթի օրը՝ ապրիլի 28-ի առավոտյան, չորս մարդ՝ հրշեջ Կարպուշինը, նրա օգնական Նիկիտան, ինժեներ Վալերան և ջրասուզակ Բորիսը, իջնում են էներգաբլոկի հեղեղված նկուղ։ Ճանապարհին հանդիպում է բարոխցիկ, որտեղ զոհվում է Նիկիտան։ Մնացածներին հաջողվում է գտնել կառավարման վահանակը, քաշել մետաղալարը և լարման գործարկումից առաջ վերջին րոպեին միացնել այն։ Այնուամենայնիվ, ավտոմատ ջրահեռացումը չի գործում, և նրանք ստիպված են լինում ձեռքով գործել։ Փնտրելով կափույրը՝ Բորիսը գտնում է տաք վառելիքով սենյակ։ Ստացված ճառագայթումից նրա մոտ հալյուցինացիաներ են սկսվում, և նա շուտով մահանում։ Կարպուշինը և Վալերան երկրորդ անգամ իջնում են էներգաբլոկի նկուղ և բացում են կափույրը, ջուրը հոսում է ջրամբարից. առաջադրանքը կատարված է։ Խուճապի մատնված Վալերան կտրում է ճոպանը, Կարպուշինը շտապում է նրա հետևից։
Ալյոշային ուղարկում են Շվեյցարիա։ Օլգան գնում է հիվանդանոց, որտեղ ռադիոլոգը ասում է, որ Կարպուշինին փրկարարները դուրս են բերել ջրի հատնելուց հետո։ Նրա վիճակն այնքան ծանր է, որ բժիշկները չեն համարձակվում նրան տեղափոխել, քանի որ նա ինքն է ճառագայթման աղբյուր։ Օլգան շտապում է հիվանդասենյակ, որտեղ գտնում է այլանդակված, այրված Կարպուշինին։ Երեք ամիս անց Ալյոշան Շվեյցարիայում բուժվելուց հետո վերադառնում է Կիև, նրան դիմավորում է միայն Օլգան։
Դերերում
խմբագրելԳլխավոր դերակատարներ
խմբագրել- Դանիլա Կոզլովսկի - Ալեքսեյ Կարպուշին, կապիտան, փրկարար, հրշեջ
- Օքսանա Ակինշինա - Օլգա Սավոստինա, վարսահարդար
- Պյոտր Տերեշչենկո - Ալյոշա, Օլգա Սավոստինայի որդին
- Ֆիլիպ Ավդեև - Վալերի Գոնչարուկ, ինժեներ
- Նիկոլայ Կոզակ - Բորիս Նիկոնովիչ Բոբիլին, գնդապետ, ռազմական ջրասուզակ
Դերակատարներ
խմբագրել- Մաքսիմ Բլինով - Նիկիտա
- Իգոր Չեռնևիչ - Տրոպին
- Արթուր Բեսչաստնի - Միխայիլ Վլադիմիրովիչ Ստիսին
- Անդրեյ Կազակով - Սերգեյ, հրշեջ
- Ռավշանա Կուրկովա - Դինա, ռադիոլոգ
- Ալեքսանդր Ալյաբև - Իվան
- Դմիտրի Մատվեև - Յուրի Կոնդրատյուկ, հրշեջ
- Նիկիտա Կարպինսկի - Դմիտրի, հրշեջ
- Սամվել Թադևոսյան - Տիգրան, հրշեջ
- Մարիա Ուլյանովա - հրշեջ Կոլյայի կինը
- Նիկոլայ Սամսոնով - Կոլյա, հրշեջ
- Անտոն Շվարց - զինվոր
- Ալինա Միլկովա - տարհանման մասնակից
- Մարգարիտա Մեզինա - բուժքույր
- Եկատերինա Մեզինա - բուժքույր
- Պավել Դավիդով - Սեմյոն, տարհանող
- Պավել Չեռնյավսկի - տարհանման մասնակից
- Նատալյա Բլաժիևսկայա
- Կայ Ալեքս Գիտս
- Սավելի Ալբուտով
- Պոլինա Ռայկինա
- Էլվիրա Կեկեևա
- Ջուլիա Ջուլայ - Մարինա, վարսահարդար
- Աննա Մարիա Դանիլենկո
- Անաստասիա Կուիմովա - շտապօգնության բուժքույր
- Ալեքսանդր Կուդրենկո - շտապօգնության վարորդ
- Օլգա Մակեևա
- Յուրի Օբորոտով
- Վալենտին Օվսյուկ - ռադիոլոգ
- Դմիտրի Պոդնոզով
- Վլադիմիր Սիմոնով
- Վլադիմիր Սվիրսկի
- Աննա Դուբրովսկայա
- Վլադիսլավ Աբաշին
- Ելենա Վորոնչիխինա
- Տատյանա Կարգաևա-բուժքույր
- Օլեգ Ռյազանցև - տարհանման բժիշկ
- Անտոն Ֆիլիպենկո - ռադիոլոգ Կիևում
- Դմիտրի Բեսեդա - ոստիկան
- Ալեքսանդրա Չերկասովա-Սլուժիտել
- Ալեքսանդր Կազեկո
- Իվան Բորիսով
- Յուրի Մեժևիչ
- Պավել Խուդյակով
- Անդրեյ Կոլոբինին
- Դարյա Լյատեցկայա
- Անատոլի Պրոսալով - աղջկա հայրը ավտոբուսում
- Գլեբ Պուսկեպալիս
- Աննա Շատիլովա
- Անկա Բեսսոնովա
Արտադրություն
խմբագրելՍտեղծման պատմություն
խմբագրելՌեժիսոր Դանիլա Կոզլովսկու «Չեռնոբիլ» ներառվել է ռուսական այն 17 կինոնախագծերի ցանկում, որոնք ստացել են «Կինոյի ֆոնդի» ֆինանսական աջակցությունը 2019 թվականին[2][12][13]։
2021 թվականի ապրիլի 17-ին՝ ռուսական վարձույթում ֆիլմի հայտնվելուց երկու օր անց, «ՌԻԱ Նովոստի»-ին տված հարցազրույցում Դանիլա Կոզլովսկին, պատասխանելով ֆիլմի ստեղծման հիմնական նպատակի մասին հարցին, ասել է.
«Ինձ անընդհատ զարմացնում էր տխրահռչակ մարդկային գործոնի դերը թե՛ տեղի ունեցածի, թե՛ վթարի հետևանքների վերացման գործում։ Դա իսկապես հուզում էր ինձ։ Ուստի ես ուզում էի պատմել իմ ֆիլմը մարդկային ճակատագրի պրիզմայով, ցույց տալ հասարակ մարդկանց պատմությունը, ովքեր ապրում էին իրենց սովորական կյանքով, երբեմն՝ բարդ ու տարօրինակ, բայց իրենց։ Եվ հանկարծ ինչ-որ բան ներխուժում է նրանց սովորական կենցաղ։ Եվ ամեն ինչ փոխվում է։ Մարդիկ չէին կարող պարզապես վերցնել ու անցնել փողոցը մյուս կողմը։ Նրանք ստիպված էին գործ ունենալ դրա հետ։ Եվ ինչ-որ մեկը ակամա հերոս դարձավ, ինչ-որ մեկը փախավ, ինչ-որ մեկն ընկել էր ընդարմացման մեջ և դիտում էր։ Ինձ համար, պայմանականորեն ասած, գլոբալ աղետի ֆոնին մարդը շատ ավելի հետաքրքիր է, քան պատճառների մասին խոսելը և մեղավորներ փնտրելը։ Ամեն ինչի հետևում մարդ է կանգնած։ Եվ նրա մարդկային դրաման՝ 1986 թվականի իր կյանք ներխուժած իրադարձության պատճառով, ինձ համար շատ ավելի կինեմոտոգրաֆիկ և հետաքրքիր է»։
Բնօրինակ տեքստ (ռուս.)Меня всё время поражала роль пресловутого человеческого фактора — и в том, что произошло, и в ликвидации последствий аварии. Это по-настоящему трогало. Потому я захотел рассказать свою картину через призму человеческой судьбы, показать историю простых людей, которые жили своей обычной жизнью, местами сложной и странной, но своей. И вдруг в их привычный уклад ворвалось нечто. И всё изменилось. Люди не могли просто взять и перейти улицу на другую сторону. Они были вынуждены иметь с этим дело. И кто-то стал героем поневоле, кто-то бежал, кто-то впадал в ступор и наблюдал. Мне, условно говоря, человек на фоне глобальной катастрофы гораздо интереснее, нежели чем говорить о причинах и искать виноватых. За всем стоит человек. И его человеческая драма из-за ворвавшегося в его жизнь события 1986 года — гораздо кинемотографичнее и интереснее для меня.
— Դանիլա Կոզլովսկի, «Չեռնոբիլ» ֆիլմի գլխավոր դերակատար, ռեժիսոր և պրոդյուսեր[14]
Նկարահանումներ
խմբագրել«Չեռնոբիլ» ֆիլմի նկարահանումներն անցկացվել են 2019 թվականի հունիսի սկզբից մինչև օգոստոսի 13-ը Կուրչատով քաղաքում՝ Կուրսկի ատոմակայանի փակ օբյեկտներում, ստուդիական տաղավարներում Մոսկվայում, Բուդապեշտում (Հունգարական Origo Studios կինոստուդիայի տարածքում) և Խորվաթիայում[3][15][16]։
Նկարահանող խումբ
խմբագրել- Բեմադրող ռեժիսոր՝ Դանիլա Կոզլովսկի
- Սցենարի հեղինակներ՝ Ալեքսեյ Կազակով, Ելենա Իվանովա
- Պրոդյուսերներ՝ Սերգեյ Մելքումով, Ալեքսանդր Ռոդնյանսկի, Դանիլա Կոզլովսկի
- Համապրոդյուսերներ՝ Ռաֆայել Մինասբեկյան, Վադիմ Վերեշչագին
- Կոմպոզիտոր՝ Օլեգ Կարպաչով
- Բեմադրող օպերատոր՝ Քսենյա Սերեդա
- Բեմադրող նկարիչ՝ Թիմուր Շահիախմեդով
- Զգեստների դիզայներ՝ Վարվառա Ավդյուշկո
- Գրիմի նկարիչ՝ Եկատերինա Շախվորոստովա
- Մոնտաժի ռեժիսոր՝ Մարիա Լիխաչովա
- Հնչյունային ինժեներ՝ Ալեքսեյ Սամոդելկո
- VFX-սուպերվայզեր՝ Վյաչեսլավ Բոլտենկով
- Քասթինգը՝ Նատալյա Կրիմենսկայա
- Երկրորդ ռեժիսորներ՝ Ալեքսեյ Սմոլյար, Աննա Ֆիլիպովա
- Խմբագիր՝ Անտոն Տոկտոնով
- Ստեդիկամի օպերատոր՝ Անատոլի Սիմչենկո
- Օպերատորի օգնականներ ֆոկուսի գծով՝ Լոտոս Սունի Պարկ, Ելիզավետա Սվերանսկայա
- Լուսավորողների խմբի ղեկավար՝ Միխայիլ Ժերդին
- Ֆիլմի մասին ֆիլմի օպերատոր՝ Ալեքսանդր Զենին
- Նկարիչ-լուսանկարիչ՝ Իրինա Սերեդա
- Օպերատորի կռունկ՝ Ռոման Գուսև, Նիկոլայ Չերենկով, Ալեքսեյ Բարիշոկ, Իգոր Պոմեդիտիս
- Կոպտերի օպերատորներ՝ Ալեքսանդր Վիզգալով, Իգոր Վոլկով
- Պիրոտեխնիկական հատուկ էֆեկտների բեմադրողներ՝ Միխայիլ Մարյանով, Անդրեյ Կոսնիկով
- Հնչյունային ինժեներ նկարահանման հրապարակում՝ Վասիլի Ֆեդորով
- Ռեկվիզիտի գծով օգնականներ՝ Ռոման Օվսյաննիկով, Ալեքսանդր Լեբեդև
- Հնարքների բեմադրիչ՝ Ալեքսանդր Սամոխվալով
- Տնօրենի տեղակալներ՝ Սերգեյ Կազին, Դմիտրի Պենկով, Եվգենի Ցիգանկով
- Խորհրդատուներ՝ Ալեքսանդր Գուդկով, Վալերի Կրասնյուկ, Դմիտրի Կրուպեննիկով
- Հետարտադրության սուպերվայզեր՝ Արկադի Յագիդ
- Մոնտաժող նկարահանման հրապարակում՝ Ռոման Վորոնով
- Գործադիր պրոդյուսեր՝ Նատալյա Կոտկովան
- Տնօրեն՝ Մարիա Բորոդինա
Սաունդթրեք
խմբագրել«Չեռնոբիլ» ֆիլմի սաունդթրեքը ձայնագրել է ռուս երգիչ և կոմպոզիտոր Ալլա Պուգաչովան, որը 1986 թվականի ապրիլի 26-ին Չեռնոբիլի ատոմակայանում միջուկային ռեակտորի պայթյունից անմիջապես հետո՝ 1986 թվականի սեպտեմբերի 8-ին, վթարի հետևանքները լիկվիդացնող ինը հազար անձանց համար բացօթյա համերգ է տվել Պրիպյատ քաղաքից ոչ հեռու տեղակայված հանքագործների Զելյոնի Միս գյուղում՝ սարկոֆագով դեռևս չփակված ռեակտորից ընդամենը մի քանի կիլոմետր հեռավորության վրա։ Բարձր ճառագայթման գոտում այդ ելույթը բացասաբար է անդրադարձել երգչուհու առողջության վրա, այդ թվում՝ նրա ձայնի վրա։ Հետագայում նրան շնորհվել է «Չեռնոբիլի ԱԷԿ-ի վթարի լիկվիդատոր» պատվավոր կոչում։ Ֆիլմում Ալլա Պուգաչովան կատարել է նաև «Мы в этой жизни только гости» («Մենք այս կյանքում միայն հյուրեր ենք» երգը, որը գրել է բանաստեղծուհի և կոմպոզիտոր Տատյանա Սնեժինան, որը մահացել է 1995 թվականին ավտովթարի հետևանքով[17]։ «Չեռնոբիլ» ֆիլմի պրեմիերան կայացել է Ալլա Պուգաչովայի ծննդյան օրը՝ 2021 թվականի ապրիլի 15-ին։
Արձագանքներ
խմբագրելՌեժիսոր Դանիլա Կոզլովսկու «Չեռնոբիլ» ֆիլմն արժանացել է ռուս կինոքննադատների խառը արձագանքներին. ֆիլմի մասին կարծիքները խիստ տարբերբել են[18][19]։ Շատ քննադատներ ֆիլմը դիտարկել են որպես ռուսների պատասխանը HBO ալիքի համանուն ամերիկյան մինի սերիալին և համեմատել են դրանք (որպես կանոն՝ սերիալի օգտին)։
«Афиша» հրատարակության համար գրախոսությունում Եգոր Բելիկովը նշել է, որ «Չեռնոբիլը»՝ որպես հանդիսատեսի հետ հաղորդակցման միջոց, ավելի շուտ տապալվում է. Բայց միևնույն ժամանակ այն մանրամասն մշակված ֆիլմ է, որը կարող է և՛ գրավել, և՛ նշանառու հարվածով արցունք քամել»[20]։
Կինոքննադատ Անտոն Դոլինը լատվիական «Մեդուզա» ինտերնետ-պարբերականում գրել է. «...«Չեռնոբիլի» ամենաուժեղ կինը, պարզվում է, ֆիլմը նկարահանած 26-ամյա Քսենյա Սերեդան է[21]։ Նրա հետ համաձայն է Նիկոլայ Կորնացկին, որը «Искусство кино» ամսագրում բարձր է գնահատել օպերատոր Քսենյա Սերեդայի և ռեժիսոր Դանիլա Կոզլովսկու աշխատանքը. «Չեռնոբիլի» շնորհիվ ծնվել է մեկ այլ ռեժիսոր, և բավական հազվագյուտ որակների ռեժիսոր, որը կարողանում է ստեղծել դերասանական կինո»[22]։
Թիմուր Ալիևը «2x2» հեռուստաալիքի կայքում ֆիլմն անվանել է «առանց մարդկային դեմքի անպետք մելոդրամա», «չկայացած կինոյի բոլոր ճակատներում»[23]։
«Intermedia.ru»-ից Վադիմ Բոգդանովը նշել է, որ «...ֆիլմը միանշանակ որակյալ է։ Ուժեղ վիզուալ ոճ, Կոզլովսկու և Ակինշինայի համոզիչ դերասանական աշխատանքներ, հիշվող սաունդթրեք, ռեկվիզիտների, դեկորացիաների և էֆեկտների վրա կատարված մեծ աշխատանք»[24]։
Ծանոթագրություններ
խմբագրել- ↑ https://www.kommersant.ru/doc/3918239
- ↑ 2,0 2,1 Анна Афанасьева. «Последний богатырь» вернулся за субсидиями. — «Фонд кино» рассмотрит заявки продюсеров. «Коммерсантъ», 22 марта 2019 года
- ↑ 3,0 3,1 3,2 Сусанна Альперина. Данила Козловский завершил съёмки нового фильма о Чернобыле. Чем заинтригованы зрители? «[[Российская газета», 13 августа 2019 года
- ↑ 4,0 4,1 Художественный фильм-катастрофа «Чернобыль» (Россия, 2020 год). Информация о фильме, аннотация, трейлер, кадры из фильма, постеры, видео. «Централ Партнершип»
- ↑ Питчинг «Фонда кино»: какие фильмы станут будущим российской индустрии, 29 марта 2019 года
- ↑ Дарья Гладких. Данила Козловский снимет фильм о Чернобыльской катастрофе «Опасная вода», «Собака.ru», 21 марта 2019 года)
- ↑ 7,0 7,1 Виктория Беликова. Личная драма на фоне катастрофы: в прокат вышел «Чернобыль» Данилы Козловского, RT, 15 апреля 2021 года
- ↑ Олег Усков Фильм-катастрофа Данилы Козловского «Чернобыль» не выйдет в этом году «Российская газета», 6 октября 2020 года)
- ↑ «Художественный фильм «Чернобыль» (Россия, 2020 год). Кассовые сборы в России и СНГ, информация о фильме». Վերցված է 2021 թ․ օգոստոսի 20-ին.
{{cite web}}
: Unknown parameter|webcite=
ignored (օգնություն) - ↑ «Фильм Данилы Козловского «Чернобыль» покажут в Северной Америке. Права на дистрибуцию приобрела компания Capelight Pictures». «ТАСС». 3 июля 2020 года. Վերցված է 2020 թ․ հուլիսի 4-ին.
- ↑ Фильм Данилы Козловского «Чернобыль» вышел на Netflix, РИА «Новости», 3 июня 2021 года)
- ↑ Художественный фильм «Чернобыль» (Россия, 2020 год). Динамика кассовых сборов, посещаемости, количества сеансов
- ↑ Фонд кино и Минобороны профинансируют фильм о войне в Сирии. Бюджет не называют. Независимый информационный портал «Весьма» (Россия, Магадан) // vesma.today (10 апреля 2019 года)
- ↑ Данила Козловский: «„Чернобыль“ — история про выбор и самопожертвование». РИА «Новости» // ria.ru (17 апреля 2021 года). Дата обращения: 20 августа 2021.
- ↑ Георгий Харюнин. Вызовы «Чернобыля»: как снимали фильм о главной катастрофе XX века. Сетевое издание «Смотрим» («ВГТРК») // smotrim.ru (14 апреля 2021 года). Дата обращения: 20 августа 2021.
- ↑ Артур Чачелов. Как снимали «Чернобыль» Данилы Козловского. — Локации, подводные съёмки, восстановление эпохи. Информационный интернет-ресурс «Бюллетень кинопрокатчика» // kinometro.ru (17 апреля 2021 года). Дата обращения: 20 августа 2021.
- ↑ Наталья Михеева, Ольга Храбрых. «В фильме о ней много говорят»: Козловский объяснил, почему доверил Пугачёвой саундтрек к картине «Чернобыль». — Режиссёр и исполнитель главной роли в ленте считает появление Примадонны закономерным. // teleprogramma.pro (13 апреля 2021 года). Дата обращения: 20 августа 2021.
- ↑ Фильм «Чернобыль» (Россия, 2020 год). Критика. Сайт «КиноПоиск» // kinopoisk.ru
- ↑ Фильм «Чернобыль» (Россия, 2020 год). Рецензии на фильм, отзывы. Агрегатор рецензий «Критиканство» // kritikanstvo.ru
- ↑ Егор Беликов. Полураспад полу-СССР: рецензия на фильм «Чернобыль» Данилы Козловского. Афиша, 15 апреля 2021 года
- ↑ Антон Долин. «Чернобыль» Данилы Козловского: главный герой и тушит пожар, и водит скорую помощь, и ныряет под реактор. — Почему российский фильм получился более голливудским, чем сериал HBO. Интернет-издание «Медуза», 14 апреля 2021 года
- ↑ Николай Корнацкий. Человек идёт за солнцем: «Чернобыль» Данилы Козловского — авторский блокбастер о человеческой самонадеянности. «Искусство кино» 16 апреля 2021 года
- ↑ Тимур Алиев (2021 թ․ ապրիլի 15). «Данила, ай нид хэлп! «Чернобыль» Козловского — никудышная мелодрама без человеческого лица». 2x2 (ռուսերեն). Վերցված է 2021 թ․ ապրիլի 20-ին.
- ↑ Вадим Богданов (14 апреля 2021 года). «Рецензия на фильм «Чернобыль». Человек смотрит в бездну». Intermedia.ru (ռուսերեն). Վերցված է 2021 թ․ մայիսի 7-ին.
Արտաքին հղումներ
խմբագրել- «Չեռնոբիլ» գեղարվեստական ֆիլմ-աղետ (Ռուսաստան, 2020 թվական) «Ցենտրալ Պարտներշիպ» ընկերություն (Ռուսաստան, Մոսկվա) // centpart.ru.