Չեբուրաշկա (ֆիլմ)
«Չեբուրաշկա» (ռուս.՝ «Чебурашка»), ռուսական ընտանեկան կատակերգական ֆիլմ, որը նկարահանել է Դմիտրի Դյաչենկոն։ Այն պատմում է նոր աշխարհ ընկած մեծականջ կենդանու՝ Չեբուրաշկայի մասին, սակայն Էդուարդ Ուսպենսկու պատմվածքների էկրանավորումը չէ[3]։ Ֆիլմի գաղափարն առաջ է քաշվել դեռ 2020 թվականին, սակայն նկարահանումներն սկսվել են միայն 2021 թվականի սկզբին[4][5][6][7][8][9]։
 ռուս.՝ Чебурашка | |
|---|---|
.jpg) | |
| Երկիր |  Ռուսաստան |
| Ժանր | կինոկատակերգություն, ընտանեկան ֆիլմ[1] և ֆենթեզի |
| Թվական | հունվարի 1, 2023 |
| Լեզու | ռուսերեն |
| Ռեժիսոր | Դմիտրի Դյաչենկո |
| Պրոդյուսեր | Էդուարդ Իլոյան, Դենիս Ժալինսկի, Վիտալի Շլյապպո, Ալեքսեյ Տրոցյուկ, Անտոն Զլատոպոլսկի, Վյաչեսլավ Մուրուգով և Yuliana Slashcheva? |
| Սցենարի հեղինակ | Վիտալի Շլյապպո, Vasily Kutsenko?, Q108867010? և Q108867028? |
| Դերակատարներ | Սերգեյ Գարմաշ, Ելենա Յակովլևա և Olga Kuzmina? |
| Օպերատոր | Ivan Lebedev? |
| Կինոընկերություն | Սոյուզմուլտֆիլմ, Yellow, Black and White, Start (streaming service)?, Ռոսիա 1 և Ռուսաստանի կինեմատոգրաֆիայի հիմնադրամ |
| Տևողություն | 113 րոպե |
| Բյուջե | 850 000 000 ₽ |
| Շահույթ | 5 մլրդ ռուբլի[2] |
Ռուսաստանում թողարկումը կայացել է 2023 թվականի հունվարի 1-ին[10]։ 2022 թվականի հունիսի 20-ին «Ցենտրալ Փարթներշիփ» կինոընկերության YouTube-ի պաշտոնական ալիքում թողարկվել է ֆիլմի առաջին պաշտոնական թիզերը։ 2022 թվականի հոկտեմբերի 26-ին «Ցենտրալ Փարթներշիպ», «Yellow, Black & White» և «Սոյուզմուլտֆիլմ» կինոընկերությունների YouTube ալիքներում թողարկվել է ֆիլմի պաշտոնական թրեյլերը։
ՍյուժեԽմբագրել
Ֆիլմը պատմում է Չեբուրաշկա անունով թավամազ կենդանու մասին, որն ապրում է նարնջենիների պուրակում։ Մի օր նա հայտնվում է ծովի ափին գտնվող մի փոքրիկ քաղաքում, որտեղ հանդիպում է Գենային՝ ինքն իր մեջ ամփոփված մի ծերունու, որն աշխատում է որպես այգեպան պուրակում, մի տղայի, որը չի կարողանում խոսել, նրա մորը (ինչպես հետագայում պարզվում է՝ Գենայի դստերը, որի հետ նա լարված հարաբերություններ ունի) և արտասովոր մի մորաքրոջ, որը ցանկանում է գնել այդ կենդանուն և նվիրել իր թոռնուհուն, ինչպես նաև շատ ուրիշների[11]։
ԴերերումԽմբագրել
| Դերասան | Դեր |
|---|---|
| Սերգեյ Գարմաշ | այգեպան Գենադի Պետրովիչ (Գենա) |
| Օլգա Կուզմինա | Չեբուրաշկա |
| Ելենա Յակովլևա | շոկոլադի գործարանի տնօրեն Ռիմա |
| Ֆեոդոր Դոբրոնրավով | Վալերի Զավգորոդնի էկզոտիկ կենդանիների մասնագետ, Գենայի ընկերը |
| Պոլինա Մաքսիմովա | Տանյա Գրիշայի մայրը, Գենայի դուստրը |
| Սերգեյ Լավիգին | Տոլյա Գրիշայի հայրը, Տանյայի ամոսինը |
| Դմիտրի Լիսենկով | Լարիոն Ռիմայի օգնականը |
| Իլյա Կոնդրատենկո | Գրիշա Տանյայի և Տոլյայի որդին |
| Եվա Սմիռնովա | Սոնյա Ռիմայի թոռնուհին |
| Սոֆյա Զայկա | Գալյա պաղպաղակ և ըմպելիքներ վաճառող |
| Նատալյա Շչուկինա | դենդրարիումի տնօրեն, Գենայի ղեկավարը |
| Ժաննատ Կերիմբաև | բակապան |
| Օլիվիե Սիու | խոհարար |
| Արսենի Ֆոգելև | թիկնապահ |
| Արտյոմ Բիստրով | Գենան երիտասարդ տարիքում |
| Ալիսա Մինայ | Տանյան մանկության տարիներին |
| Մարինա Կոնյաշկինա | Լյուբա Գենայի կինը, Տանյայի մայրը |
| Կոնստանտին Ֆադեև | Վասիլի Ռիմայի վարորդը |
ՆկարահանումներԽմբագրել
Ֆիլմի նկարահանումները սկսվել են 2021 թվականի սեպտեմբերին Սոչիում, այդ թվում՝ Սոչիի դենդրարիումում, Օրջոնիկիձեի անվան առողջարանում և ծովափին[12]։ Նկարահանումներն անցկացվել են նաև Կիսլովոդսկում, Պյատիգորսկում և Եսենտուկիում և ավարտվել են 2022 թվականի հունիսին Մերձմոսկվայում[13]։
Մի էպիզոդի նկարահանման ժամանակ օգտագործվել է 6 տոննա նարինջ, ինչի մասին հայտնել Է «Yellow, Black and White» ընկերությունը Ինստագրամի իր էջում[14]։
ՇահույթԽմբագրել
«Չեբուրաշկա» ֆիլմը ռեկորդ է սահմանել հունվարի 1-ին թողարկված ռուսական ֆիլմերի շարքում. վարձույթի առաջին օրն այն հավաքել է ավելի քան 225 միլիոն ռուբլի, իսկ առաջին երեք օրվա ընթացքում՝ 837 միլիոն ռուբլի[15]։ 2023 թվականի հունվարի 6-ի դրությամբ ֆիլմի դրամարկղային մուտքերը կազմել են ավելի քան 2 միլիարդ ռուբլի. այն դարձել է ռուսական արտադրության վեցերորդ ֆիլմը, որը հաղթահարել է այդ շեմը[16][17]։ 2023 թվականի հունվարի 9-ին դրամարկղային մուտքերը կազմել են 3 միլիարդ ռուբլի[18]։ Ռուսական վարձույթում ընդամենը 13 ֆիլմ է անցել երկու միլիարդի նշաձողը, այդ թվում նաև այնպիսի ֆիլմեր, ինչպիսիք են՝ «Ավատար», «Առյուծ արքան» և այլն[19]։ 2023 թվականի հունվարի 10-ին «Չեբուրաշկան» դարձել է Ռուսաստանի ներքին վարձույթի պատմության մեջ ամենաշատ եկամուտ ստացած ռուսական ֆիլմը՝ հավաքելով ավելի քան 3,08 միլիարդ ռուբլի[20]։
ՔննադատությունԽմբագրել
Չեբուրաշկայի արտաքին տեսքը ներկայացնելուց անմիջապես հետո համացանցում նրան քննադատել են՝ անվանելով սարսափելի։ Թեև եղել են նաև օգտատերեր, ում դուր է եկել կերպարը։ Այդ թիզերում Չեբուրաշկան կադրում երևում է ընդամենը 2 վայրկյանում[21]։ 2022 թվականի հոկտեմբերին հրապարակված թրեյլերում Չեբուրաշկայի կերպարը տարբերվում է առաջին թիզերում եղածից, որը հրապարակվել էր հունիսին[22]։
Ըստ գրախոսությունների «Критиканство» ագրեգատորի՝ ֆիլմն ստացել է խառը արձագանքներ՝ 60/100 միջին գնահատականով՝ հիմնված 13 գրախոսությունների վրա[23]։ «Կոմսոմոլսկայա պրավդայի» կինոգրախոսող Դենիս Կորսակովը չեզոք է վերաբերվել ֆիլմի թողարկմանը։ Իր գրախոսության մեջ նա հաջող է համարել դերասան Արտյոմ Բիստրովի ընտրությունը, որը մարմնավորել է Սերգեյ Գարմաշի կերպարին երիտասարդ տարիքում և «ֆանտաստիկորեն է համապատասխանում նրան ինչպես արտաքինով, այնպես էլ ներքինով»։ Քննադատը նաև ընդգծել է, որ ֆիլմում առկա են մեծ թվով «հոգեբանական տրավմաներ», ինչի պատճառով մանկական ֆիլմն ավելի շատ դառնում է ավելի շատ «նրանց երեսուն տարեկան ծնողների» համար[24]։
«Կոմերսանտ» թերթի կինոքննադատ Յուլյա Շագելմանը ֆիլմը դիտելուց հետո կասկած է հայտնել, որ երեխաներին դուր կգա այն, իսկ մեծահասակները չեն կարողանա նոր Չեբուրաշկայի մեջ ճանաչել «իրենց մանկության սիրելի մեծականջ կենդանուն»։ Շագելմանը նշում է սցենարիստների հղումները «համաշխարհային հեքիաթային ժառանգությանը», այդ թվում՝ «Օզի զարմանահրաշ կախարդը», «Երեք հրացանակիրները», «Սայրի վրայով վազողը» և այլն։ Նկատելի է նաև անդրադարձ խորհրդային անցյալին, որը, կինոքննադատի կարծիքով, «այնքան էլ հետաքրքիր չէ երեխաների համար»։ Յուլյա Շագելմանը քննադատել է գլխավոր հերոսի կերպարը՝ այն անվանելով «անփույթ», շարժումները՝ անբնական, «իսկ կենդանի դերասանների հետ փոխգործակցության տեսարաններում շատ նկատելի է, որ նրանք բռնում են դատարկությունը և խոսում նրա հետ»[25]։
Film.ru պորտալի գրախոսող Մաքսիմ Քլեյնը ֆիլմին տվել է 10-ից 6 միավոր։ Քննադատը նշել է, որ «անճարպիկ» Չեբուրաշկան, որը ստեղծում է «իրավիճակների կատակերգություն», կհիշվի հանդիսատեսի կողմից՝ դրանով իսկ «փոխհատուցելով ստեղծողների աշխատանքը»։ Այնուամենայնիվ, գրախոսողն ուշադրություն է դարձրել այն հանգամանքի վրա, որ գրքի և մուլտֆիլմերի հետ գրեթե նմանություններ չկան։ Քլեյնը նշել է, որ «Չեբուրաշկային արդիականացնելու փորձը» բավականին հաջող է»[26]։
«Мир фантастики» ամսագրի կինոքննադատ Մարինա Բելյաևան ֆիլմի մասին ակնարկում նույնպես անդրադարձել է նոր «Չեբուրաշկայի» կերպարին։ Ըստ նրա՝ հերոսի կերպարը «շատ հարցեր է առաջացնում, և հարցն այստեղ ոչ միայն կողմնակալության և նոստալգիայի մեջ է», այլ մասնավորապես իրական աշխարհում նրա անհաջող ներգրավվածության մեջ, Չեբուրաշկայի դիզայնը «որոշ տեսանկյուններից հաջող է թվում, իսկ մյուսներում՝ ձախողված»։ Բելյաևայի կարծիքով՝ գլխավոր հերոսի փոխազդեցությունը դերասանների հետ առավել խնդրահարույց է. «Սա հատկապես վերաբերում է Գարմաշին, ով Չեբուրաշկայի հետ յուրաքանչյուր տեսարանում ակնհայտորեն ոչ թե կենդանի էակ է բռնած, այլ օդ», ինչի պատճառով կադրերը «անհամոզիչ» են թվում։ Այնուամենայնիվ, համոզիչ չէ նաև կենտրոնական դերասանների խաղը, որոնք «ոչ մի հաճույք չեն ստանում տեղի ունեցածից», ինչը, ընդհանուր առմամբ, անդրադառնում է կերպարների վրա։ Բայց մեկնաբանը նաև նշել է,որ «սցենարում կան լավ դրամատիկ լարվածությամբ տեսարաններ, մի շարք սրամիտ կատակներ և մի քանի հաջող կերպարներ»[27]։
ԾանոթագրություններԽմբագրել
- ↑ https://www.jpbox-office.com/fichfilm.php?id=22620&view=35
- ↑ «Фильмы — Чебурашка»։ ЕАИС։ Վերցված է 2023-01-22
- ↑ «НАПРОЛОМ.КИНО: В сети появился первый тизер-трейлер фильма»։ smotrim.ru։ Վերցված է 2022-06-27
- ↑ Фильм «Чебурашка» (2023) — Комсомольская правда
- ↑ Любимый герой возвращается на экраны: начались съемки фильма «Чебурашка»
- ↑ Съемки полнометражного фильма про Чебурашку начнутся в 2021 году
- ↑ Кто сыграет главную роль в художественном фильме про Чебурашку
- ↑ Что известно про фильм «Чебурашка» с Сергеем Гармашом?
- ↑ Гармаш сыграет крокодила Гену, а Чебурашка оживет в полнометражном фильме
- ↑ Премьеру семейной комедии о Чебурашке запланировали на 1 января 2023 года
- ↑ Чебурашка, 2022
- ↑ «В Сочи начали снимать фильм о Чебурашке»։ Югополис (ռուսերեն)։ Վերցված է 2023-01-08
- ↑ «Опубликован тизер «Чебурашки» с Гармашом - Газета.Ru | Новости»։ Газета.Ru (ռուսերեն)։ Վերցված է 2022-06-20
- ↑ «Все, что нужно знать о семейной комедии "Чебурашка"»։ Вести.ру։ 2022-12-21։ Վերցված է 2023-01-07
- ↑ «Мультфильм "Чебурашка" установил рекорд в прокате» (ռուսերեն)։ РИА Новости։ Վերցված է 2023-01-04
- ↑ ««Чебурашка» за пять дней проката собрал более 2 млрд рублей»։ Коммерсантъ (ռուսերեն)։ 2023-01-06։ Վերցված է 2023-01-08
- ↑ Granger (2023-01-06)։ ««Чебурашка» собрал два миллиарда рублей за пять дней»։ DTF։ Վերցված է 2023-01-07
- ↑ ««Чебурашка» собрал в прокате 3 млрд рублей»։ Коммерсантъ (ռուսերեն)։ 2023-01-09։ Վերցված է 2023-01-09
- ↑ ««Чебурашка» собрал 2 млрд рублей»։ www.kinometro.ru (անգլերեն)։ Վերցված է 2023-01-08
- ↑ Стогова Евгения (2023-01-10)։ ««Чебурашка» стал самым кассовым российским фильмом»։ РБК։ Վերցված է 2023-01-10
- ↑ Интернет (2022-06-21)։ «Уродливый Соник или Малыш Йода: в соцсетях обсуждают нового Чебурашку c человеческими зубами — Интернет на TJ»։ TJ։ Վերցված է 2022-06-22
- ↑ «Вышел трейлер полнометражного фильма «Чебурашка»»։ Лента.Ру (ռուսերեն)։ 2022-10-26։ Վերցված է 2022-10-27
- ↑ «Рецензии на фильм Чебурашка (2023)»։ Критиканство։ Վերցված է 2023-01-10
- ↑ Денис КОРСАКОВ (2022-12-24)։ «Премьера полнометражного фильма "Чебурашка": что хорошего и что плохого в новом прочтении любимой сказки»։ kp.ru (ռուսերեն)։ Վերցված է 2023-01-07
- ↑ «Ушной промысел»։ Коммерсантъ (ռուսերեն)։ 2022-12-29։ Վերցված է 2023-01-07
- ↑ Максим Клейн (2022-12-27)։ «Рецензия на фильм «Чебурашка» – адаптацию творчества Эдуарда Успенского, имеющую мало общего с оригиналом»։ Film.ru
- ↑ Марина Беляева (2023-01-01)։ ««Чебурашка»-2022: Гена-мизантроп, попузьяна и… любовь?»։ Мир фантастики
Արտաքին հղումներԽմբագրել
- ««Չեբուրաշկա» ֆիլմը»։ Yellow, Black and White կայքում։ Վերցված է 2023-01-07
- ««Չեբուրաշկա» ֆիլմը»։ Централ Партнершип կայքում։ Վերցված է 2023-01-07