Նավարշավ Սենտ-Ադրեսում

Նավարշավ Սենտ-Ադրեսում;
տեսակ	գեղանկար
նկարիչ	Կլոդ Մոնե
տարի	1867
բարձրություն	75,2 սանտիմետր
լայնություն	101,6 սանտիմետր
ուղղություն	իմպրեսիոնիզմ
ժանր	ծովանկար
նյութ	յուղաներկ և կտավ
գտնվում է	Մետրոպոլիտեն թանգարան
հավաքածու	Մետրոպոլիտեն թանգարան
սեփականատեր	Henri Hecht?
	պատկերված են
	Ծանոթագրություններ;

«Նավարշավ^[2] Սենտ-Ադրեսում» (ֆր.՝ Régates à Sainte-Adresse), ֆրանսիացի նկարիչ Կլոդ Մոնեի՝ 1867 թվականին վրձնած նկարը (Claude Monet, 1840—1926)։ Նկարի չափսերն են՝ 75,2 × 101,6 սմ^[3]^[4]։

Պատմություն և նկարագրություն խմբագրել

1867 թվականի ամռանը Մոնեն իր ընտանիքով բնակվել է Սենտ–Ադրես փոքրիկ քաղաքում, որը գտնվում է Լա Մանշի մերձափնյա շրջանում՝ Հավրից 3-4 կիլոմետր դեպի հյուսիս։ Այնտեղ նա վրձնել է մի շարք բնապատկերներ, որոնցից էր նաև «Նավարշավ Սենտ-Ադրեսում» նկարը (հայտնի է նաև «Սենտ–Անդրեսի լողափը») անվանումով^[5]։

Մոնեն իր գործընկեր Ֆրեդերիկ Բազիլին ուղարկված նամակում այսպես է նկարագրել բնապատկերը․ «Ծովային բնապատկերների թվում ես նկարել եմ Հավրի առագաստանավերի մրցաշարը՝ ափին կանգնած մարդկանցով և նախանավահանգստով, որը ծածկված է բազմաթիվ փոքրիկ առագաստներով»։ «Նավարշավ Սենտ-Ադրեսում» բնապատկերում դեպի ափ ուղղված համարձակ հայացքը բնանկարի ոճային բազմաթիվ հնարքներից միայն մեկն է, որը հետագայում քննադատների կողմից ստացել է արհամարհական անվանում՝ «իմպրեսիոնիզմ»^[3]^[5]։

Մոնեի նկարի թեման, որը պատկերել է ինչպես բնության գրկում հանգստացողներին, այնպես էլ՝ ինքնին բնությունը, իմպրեսիոնիստների շրջանում շատ հայտնի է դարձել։ Ջրի՝ կապտավուն և կանաչավուն պատկերի լայն ներկապնակը, նկարի առաջին պլանում մարդկանց հետնամասի կապույտ ստվերը և բոլորովին այլ կապույտը, որն օգտագործվել է ափի նավակների պատկերման համար, վկայում են այն մասին, որ նկարիչը մեծ հետաքրքրություն է ցուցաբերել լույսին և առանձին մթնոլորտային պայմաններին գույնի հաղորդմանը^[5]։

Նույն թվականին և գրեթե նույն կետից Մոնեն վրձնել է ևս մեկ նկար՝ «Սենտ–Անդրեսի լողափը (ֆր.՝ «La Plage de Sainte-Adresse») (չափսը՝75.8 × 102.5 սմ)։ Թեմայի և չափսերի նույնատիպ լինելու պատճառով «Լողափ» և «Առագաստանավերի մրցաշար» կտավները երբեմն դիտարկվում են որպես «զույգ նկարներ»։ Ներկայումս «Սենտ-Ադրեսի լողափը» պատկանում է Չիկագոյի արվեստի ինստիտուտին^[6]։

Ծանոթագրություններ խմբագրել

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 Regatta at Sainte-Adresse — Metropolitan Museum of Art.
↑ ««Նավարշավ» բառը Ժամանակակից հայոց լեզվի բացատրական բառարան».
↑ ^3,0 ^3,1 «Regatta at Sainte-Adresse — Claude Monet» (HTML). The Metropolitan Museum of Art. Վերցված է 08.07.2017-ին.
↑ «Regatta at Sainte-Adresse, 1867, Claude Monet» (HTML). Heilbrunn Timeline of Art History, The Metropolitan Museum of Art. Վերցված է 16.07.2015-ին.
↑ ^5,0 ^5,1 ^5,2 The Metropolitan Museum of Art. Vol. 8, Modern Europe / Gary Tinterow. — New York, 1987. — P. 30—31. — 170 p. — ISBN 0-87099-457-3
↑ «Claude Monet — The Beach at Sainte-Adresse, 1867» (HTML). Art Institute of Chicago. Վերցված է 21.07.2017-ին.

Արտաքին հղումներ խմբագրել

«Նավարշավ Սենտ-Ադրեսում» Մետրոպոլիտեն թանգարանի տվյալների շտեմարանում

[_c6c2baa9cf77c3c1-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 Regatta at Sainte-Adresse — Metropolitan Museum of Art.

[2] ««Նավարշավ» բառը Ժամանակակից հայոց լեզվի բացատրական բառարան».

[metmus_regatta-3] 3,0 ^3,1 «Regatta at Sainte-Adresse — Claude Monet» (HTML). The Metropolitan Museum of Art. Վերցված է 08.07.2017-ին.

[metmus_toah_regatta-4] «Regatta at Sainte-Adresse, 1867, Claude Monet» (HTML). Heilbrunn Timeline of Art History, The Metropolitan Museum of Art. Վերցված է 16.07.2015-ին.

[modern_europe-5] 5,0 ^5,1 ^5,2 The Metropolitan Museum of Art. Vol. 8, Modern Europe / Gary Tinterow. — New York, 1987. — P. 30—31. — 170 p. — ISBN 0-87099-457-3

[artic_beach-6] «Claude Monet — The Beach at Sainte-Adresse, 1867» (HTML). Art Institute of Chicago. Վերցված է 21.07.2017-ին.

[2]

[3]

[4]

[1]

[5]

[6]