Միլթոն Սիլլս

Միլթոն Սիլլս
Ծնվել է	1882 հունվարի 12
Ծննդավայր	Չիկագո, Իլլինոյս, ԱՄՆ
Մահացել է	1930, սեպտեմբերի 15 (48 տարեկան)
Մահվան վայր	Սանտա Բարբարա, Կալիֆոռնիա
Գերեզման	Ռոուզհիլի գերեզմանատուն
Կրթություն	Չիկագոյի համալսարան
Քաղաքացիություն	ԱՄՆ
Մասնագիտություն	դերասան; կինոդերասան; թատրոնի դերասան
Ամուսին(ներ)	Դորիս Քենիոն
Պարգևներ և մրցանակներ	Հոլիվուդյան փառքի ծառուղու աստղ

Միլթոն Ջորջ Գուստավուս Սիլլս (անգլ․՝ Milton Sills, հունվարի 12, 1882(1882-01-12)^[2]^[3], Չիկագո, Իլինոյս, ԱՄՆ - սեպտեմբերի 15, 1930(1930-09-15)^[2]^[3]^[4], Բրենթվուդ, Լոս Անջելես, Լոս Անջելես, Կալիֆոռնիա, ԱՄՆ^[4]), թատրոնի և համր կինոյի ամերիկացի հայտնի դերասան, Ամերիկյան կինոարվեստի ակադեմիայի հիմնադիրներից մեկը^[5]։

Կենսագրություն խմբագրել

Ծնվել է հարուստ ընտանիքում։ Հայրը զբաղվում էր օգտակար հանածոների վաճառքով, իսկ մայրը բարգավաճող բանկիրի ժառանգ էր․ զբաղված է եղել բանկային ոլորտում։ Սիլլսը սովորել է Չիկագոյի համալսարանում՝ հոգեբանության և փիլիսոփայության ֆակուլտետում։ Աշխատել է որպես ուսուցիչ։

1905-ին թատրոնի մենեջեր Դոնալդ Ռոբերթսոնը, ով Չիկագոյում ստեղծել էր նոր թատրոն, համալսարանում դասախոսություններ է կարդում հայտնի դրամատուրգների մասին և Մ. Սիլլսին առաջարկում խաղալ թատրոնում։ Նա համաձայնում է, թողնում մանկավարժական կարիերան, միանում Ռոբերթսոնի թատերախմբին և սկսում շրջագայել երկրով։

Երեք տարի անց Մ. Սիլլսը մեկնում է Նյու Յորք, որտեղ հաջողության է հասնում՝ խաղալով Բրոդվեյյան թատրոններում։1908-1914 թվականներին նա խաղացել է Բրոդվեյի շատ ներկայացումներում, դարձել է թատրոնի աստղ և մեծ հռչակ ձեռք բերել։

1910 թվականին ամուսնանում է անգլիացի դերասանուհի Գլեդիս Ուիննի՝ Էդիթ Ուինն Մեթթիսոնի զարմուհու հետ։ Նրանք ունենում են դուստր՝ Դորոթի անունով։

1914 թվականին Մ. Սիլլսը սկսում է նկարահանվել կինոյում։ Նրա դեբյուտը դարձավ Համաշխարհային կինոընկերության բարձր բյուջետային «Փոսը» դրաման։ Այս դերի շնորհիվ Սիլլսը պայմանագիր է կնքում պրոդյուսեր Ուիլյամ Ա Բրեյդի հետ։ Ֆիլմը չափազանց մեծ պահանջարկ է ունենում։

1915-ին Մ. Սիլլսը նկարահանվում է ոչ պակաս հանրաճանաչ դրամայում`«The Deep Purple»- ը՝ գերմանացի կինոաստղ Կլարա Քիմբալ Յանգի հետ (Clara Kimball Young): 1917 թվականին նա հայտնվում է «Պատվի համակարգում», որը համարվում էր այդ ժամանակի լավագույն ֆիլմերից մեկը։

1920-ականների սկզբին Մ. Սիլլսը, ունենալով մեծ համբավ, աշխատում էր այնպիսի հայտնի կինոստուդիաների հետ, ինչպիսիք են MGM, Paramount Pictures и Pathé: Նկարահանվել է 86 ֆիլմում։

248x248փքս(չաշխատող հղում)

Մ. Սիլլսը հաճախ նկարահանվել է այդ ժամանակաշրջանի հայտնի կին աստղերի՝ Ջերալդին Ֆառարի, Գլորիա Սվանսոնի և Վիոլա Դանայի հետ։

1925-ին բաժանվում է առաջին կնոջից։ 1926-ին ամուսնանում է դերասանուհի Դորիս Քենոնի հետ, ունենում են որդի։

1927 թվականի մայիսին նա Կինոարվեստի և գիտության ակադեմիայի (AMPAS) 36 հիմնադիրներից մեկն էր։

Միլթոն Սիլլսը նկարահանվել է միայն մեկ ձայնային ֆիլմում՝ «Շրջանակվածը» (1927)՝ հնչեցնելով իր հիանալի ձայնը։

Միլթոն Սիլլսը հանկարծամահ է եղել սրտի կաթվածից 1930 թվականի սեպտեմբերի 15-ին՝ Կալիֆոռնիայի Սանտա Բարբարա քաղաքում՝ երկրորդ կնոջ՝ դերասանուհի Դորիս Քենիոնի հետ թենիս խաղալիս։

«Ծովային(չաշխատող հղում) գայլ» ֆիլմի պաստառը, 1927

Կինոարտադրության մեջ ունեցած ներդրման համար Հոլիվուդյան փառքի ծառուղում արժանացել է աստղի։

Ընտրյալ ֆիլմագրություն խմբագրել


Տարեթիվ	Հայերեն անվանում	Բնագիր անվանում	Դեր
1918	Հավերժ պայքար	The Struggle Everlasting	Գիտակցություն, նույն ինքը՝ Բրյուս
1919	Երիտասարդության աչքերը	Eyes of Youth	Լուիս Էնթոնի
1919	Ինչ սովորում է յուրաքանչյուր կին	What Every Woman Learns	Վալտեր Մելռոս
1920	Քաղցր նարդոս	Sweet Lavender	Հորացիյ Բարն
1921	Հիմարիկը	The Little Fool	Դիկ
1922	Վառվող ավազներ	Burning Sands	Դանիել Լայն
1923	Ի՞նչ սովորեց կինը	What a Wife Learned	Ռուդոլֆ Մարթին
1924	Ծովային բազե	The Sea Hawk	պարոն Օլիվեր Թրեսսիլիան
1925	Ինչպես ուզում է տղամարդը	As Man Desires	Մայոր Ջոն Քրեյգ
1926	Դրախտ	Paradise	Թոնի
1927	Ծովային վագր	The Sea Tiger	Ջասթին Ռամոս
1928	Վթարը	The Crash	Ջիմ Ֆլաննագան
1929	Սերը և Սատանան	Love and the Devil	Լորդ Դրիան
1930	Ծովային գայլը	The Sea Wolf	«Գայլ» Լարսեն (վերջին դեր)

Պակերասրահ խմբագրել

Ծանոթագրություններ խմբագրել

↑ Find A Grave — 1996.
↑ ^2,0 ^2,1 ^2,2 Internet Broadway Database — 2000.
↑ ^3,0 ^3,1 ^3,2 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^4,0 ^4,1 ^4,2 ^4,3 Los Angeles Times — LA: 1881. — ISSN 0458-3035; 2165-1736
↑ «History of the Academy» (անգլերեն). Կինոարվեստի և գիտության ակադեմիա. Արխիվացված է օրիգինալից 2017 թ․ հունիսի 16-ին. Վերցված է 2017 թ․ փետրվարի 26-ին.

Արտաքին հղումներ խմբագրել

Միլթոն Սիլլս Internet Movie Database կայքում
Milton Sills(լեհ.)

Վիքիպահեստն ունի նյութեր, որոնք վերաբերում են «Միլթոն Սիլլս» հոդվածին։

[_988d00e803fff1a9-1] Find A Grave — 1996.

[_510cc87a06fdf0dd-2] 2,0 ^2,1 ^2,2 Internet Broadway Database — 2000.

[_6e27db22ea18c54e-3] 3,0 ^3,1 ^3,2 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_30e232b1baa1fadd-4] 4,0 ^4,1 ^4,2 ^4,3 Los Angeles Times — LA: 1881. — ISSN 0458-3035; 2165-1736

[hollywoodgoldenguy.com2-5] «History of the Academy» (անգլերեն). Կինոարվեստի և գիտության ակադեմիա. Արխիվացված է օրիգինալից 2017 թ․ հունիսի 16-ին. Վերցված է 2017 թ․ փետրվարի 26-ին.

[2]

[3]

[4]

[5]

[1]