Մարկոս Արզումանյան
- Վիքիպեդիայում կան հոդվածներ Արզումանյան ազգանունով այլ մարդկանց մասին։
Մարկոս Տիգրանի Արզումանյան (սեպտեմբերի 15, 1912, Իգդիրի մարզ, Թուրքիա - հոկտեմբերի 25, 1991, Երևան, Հայաստան), հայ նկարիչ։ ՀԽՍՀ վաստակավոր նկարիչ (1985): Հայկական ԽՍՀ արվեստի վաստակավոր գործիչ։ ԽՄԿԿ անդամ (1943): Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) մասնակից[1]։
Մարկոս Արզումանյան | |
|---|---|
| Ծնվել է | սեպտեմբերի 15, 1912 |
| Ծննդավայր | Իգդիրի մարզ, Թուրքիա |
| Վախճանվել է | հոկտեմբերի 25, 1991 (79 տարեկան) |
| Մահվան վայր | Երևան, Հայաստան |
| Քաղաքացիություն |  Թուրքիա,  ԽՍՀՄ և  Հայաստան |
| Կրթություն | Փանոս Թերլեմեզյանի անվան գեղարվեստի պետական քոլեջ |
| Մասնագիտություն | նկարիչ |
| Պարգևներ |  |
| Կուսակցություն | ԽՄԿԿ |
Կենսագրություն խմբագրել
Մարկոս Արզումանյանը ծնվել է 1912 թվականին Իգդիրում։ 1925-1930 թվականներին սովորել է ԵԳԱՏ-ում։
Մասնակցել է Գերմանա-խորհրդային պատերազմին։ Երկրորդ Ուկրաինական ռազմաճակատի ռազմիկների հետ մարտնչել է հիտլերյան բանակի դեմ 409-րդ հայկական հրաձգային դիվիզիայի 677-րդ գնդի մատակարարման գումարտակի մարտիկ Մարկոս Արզումանյանը։ Մոզդոկի մոտ օդային ծանր մարտերից մեկի ժամանակ, 1943 թվականին երեք անգամ վիրավորվելուց հետո կոնտուզիա է ստացել, կորցրել լսողությունն ու ընկնել հիվանդանոց։ Ռազմա-հայրենասիրական ծառայությունների համար նկարիչ, կապիտան Արզումանյանը պարգևատրվել է բազմաթիվ շքանշաններով և մեդալներով[1]։
Պատերազմից հետո վրձնել է հայ ականավոր զորահրամանատարներ, գեներալներ Հայկ Մարտիրոսյանի և Ասքանազ Կարապետյանի դիմանկարներին։ Արզումանյանը ԽՄԿԿ շարքերն է ընդունվել Հյուսիս-կովկասյան ռազմաճակատում 1943 թվականին։ Արզումանյանը Հայկական ԽՍՀ արվեստի վաստակավոր գործիչ է։ Ստեղծել է դիմանկարներ, կոմպոզիցիոն կտավներ։ Աշխատանքներից պահվում են Հայաստանի ազգային պատկերասրահում[2][3]։
Ստեղծագործություններ խմբագրել
- Սերգեյ Մերգելյանի դիմանկար (1952, ՀԱՊ)
- Մորուս Հասրաթյանի դիմանկար (1967, ՀՊՊԹ)
- Արփա-Սևան շինարարության հորատող-լեռնագործ Շալվա Սահակյանի դիմանկար (1972, ՀԱՊ)
- Գայի` Հայկ Բժշկյանի դիմանկար (1980, Թբիլիսի)
- Հովհաննես Բաղրամյանի, Համազասպ Բաբաջանյանի և Հովհաննես Իսակովի կոմպոզիցիոն խմբանկար (1988)
Ծանոթագրություններ խմբագրել
- ↑ 1,0 1,1 Մուսաները չլռեցին։ Հայաստանի մշակույթի գործիչները 1941-1945 թթ. հայրենական մեծ պատերազմում, զոհված հայ արվեստագետներ։ Գիրք I. - Եր.: Խորհրդային գրող, 1989 թ., 392 էջ:
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
- ↑ Մարկոս Արզումանյանի ստեղծագործություններից ՀԱՊ-ում