Մասնակից:WikiLiis/WikiLiis
| Ադրիան Դյուտայ | |
|---|---|
| ֆր.՝ Adrien Dutaillis | |
| 12.11.1760–4.2.1851 (90 տարեկան) | |
| Ծննդավայր | Նանժի,Սեն է Մարնի դեպարտամենտ, Ֆրանսիա |
| Մահվան վայր | Փարիզ, Ֆրանսիա |
| Քաղաքացիություն |  |
| Զորատեսակ | Շտաբային, ինժեներական զորքեր |
| Ծառայության տարիներ | 1773–1814 |
| Կոչում | Դիվիզիոնի գեներալ |
| Զորամաս | Մեծ բանակ |
| Հրամանատարն էր | 6-րդ բանակային կորպուսի շտաբի պետ |
| Պաշտոնաթող | 1815 |
Ադրիան Ժան–Բատիստ Ամաբլ Ռամոն դյու Բոսկ Դյուտայ (ֆր.՝ Adrien Jean-Baptiste Amable Ramon du Bosc Dutaillis; 1760—1851)– ֆրանսիական ռազմական գործիչ, դիվիզիոնի գեներալ (29 հունիսի 1807 թիվ), հեղափոխական և նապոլեոնյան պատերազմների մասնակից։
Կենսագրություն խմբագրել
Սերվել էր ազնվական ընտանիքից․ բանակում ծառայել էր մինչև հեղափոխությունը, այնուհետև պաշտոնաթող եղել։ Սակայն հեղափոխության սկզբից դարձել էր Փարիզի Ազգային գվարդիայի սպա, հետո թեթև հետևակի 14-րդ գումարտակի կապիտան։ 1793 թվականին հեռացվել էր բանակից ռոյալիստական (միապետական) գաղափարների համար, բայց 1795 թվականին վերականգնվել էր։ Բոնապարտի իտալական ռազմարշավի ժամանակ դարձել էր գեներալ Բերտիեի համհարզը։ Հենց իտալիայում էլ սկսվել էր նրա փայլուն կարիերան։ Նա 1796 թվականին դարձել էր գումարտակի հրամանատար, իսկ 1797 թվականին՝ գնդապետ։ Աշխատելով տարբեր շտաբերում՝ նա նշանակվել էր Նեյի կորպուսի շտաբի պետ և միաժամանակ ստացել բրիգադի գեներալի կոչում 1803 թվականին, Մեծ բանակի 6–րդ կորպուսում գեներալ Դյուտայը մասնակցել է 1805, 1806 և 1807 թվականների ռազմարշավներին։ Ըստ արժանահավատ տեղեկությունների Դյուտայը կորցրել է ձեռքը 1807 թվականի հունիսի 6–ին Գուտտշտադտում հետախուզության ժամանակ։ Փոխարենը մի քանի օր հետո նա արժանացել էր դիվիզիոնի գեներալի կոչման, իսկ մեկ տարի անց Դյուտայը ստացել էր կոմսի տիտղոս և 30․000 ֆրանկ դրամական ռենտա։ 1812 թվականին Դյուտայը դարձել էր Վարշավայի պարետ, այնուհետև Տորգաուի պարետ։ Վերջին ամրոցը Դյուտայը համառորեն պաշտպանել և հանձնել էր միայն 1813 նոյեմբերի 17–ին։ 1814 թվականին գերեվարվել էր, որից հետո վերադարձել էր ֆրանսիա և 1815 թվականին պաշտոնաթող եղել։
Ռազմական կոչումներ խմբագրել
- կապիտան (օգոստոսի 3, 1791 թիվ);
- գումարտակի հրամանատար (ապրիլի 16, 1795 թիվ);
- բրիդադի հրամանատար (հունիսի 13, 1797 թիվ);
- շտաբի գնդապետ (հունվարի 7, 1801 թիվ);
- բրիգադի գեներալ (օգոստոսի 29, 1803 թիվ);
- դիվիզիոնի գեներալ (հունիսի 29, 1807 թիվ)։
Պարգևներ խմբագրել
- Պատվավոր լեգեոնի շքանշանի լեգիոներ (հոկտեմբերի 16, 1803 թիվ);
- Պատվավոր լեգեոնի շքանշանի կոմմանդան (հունիսի 14, 1804 թիվ);
- Պատվավոր լեգեոնի շքանշանի մեծ սպա (ապրիլի 29, 1834 թիվ);
- Երկաթե թագի շքանշանի ասպետ (հուլիսի 17, 1809 թիվ, Իտալիա);
- Սուրբ Լյուդվիգի շքանշանի ասպետ (1814 թիվ);
- Մաքսիմիլիան Իոսիֆի շքանշանի ռազմական կոմանդոր (1810 թիվ, Բավարիա)։
Գրականություն խմբագրել
- Օկտավ Լևավասսյոր, «Հիշողություններ նապոլեոնյան պատերազմների մասին (1802-1815)», Մ., 2014, [Մեկնաբանություններ,Սոկոլով Օ․Վ], էջ 317.
- « Adrien Jean-Baptiste du Bosc », dans Charles Mullié, Biographie des célébrités militaires des armées de terre et de mer de 1789 à 1850, 1852.