Մասնակից:ԳՄԱ1286/Ավազարկղ
ԳՄԱ1286/Ավազարկղ |
---|
Մարինե Գյուլումյան (), հայ կոմպոզիտոր, երգահան, երաժշտագետ։ Գրել է 300-ից ավելի երգեր, դասական ստեղծագործություններ, թողարկել է հեղինակային երգերի 4 ձայնասկավառակ[1]։ «Հայհեղինակ» կազմակերպության (Հայաստան)[2] և «Sacem» ընկերության (Ֆրանսիա)[3] անդամ է։
Կյանք և գործունեություն
խմբագրելՄարինե Հակոբի Գյուլումյանը ծնվել է 1979 թվականի հունիսի 7-ին Երևանում՝ արվեստագետների ընտանիքում (մայրը` նկարչուհի Կարինե Աթանեսի Հարությունյան, հայրը` նկարիչ, ոսկերիչ Հակոբ Հովհաննեսի Գյուլումյան): Ավարտել է Երևանի Մ․ Նալբանդյանի անվան 33 միջնակարգ դպրոցը։ 1996-2000 թվականներին սկզբնական երաժշտական կրթությունը ստացել է Էստրադային և Ջազային արվեստի պետական քոլեջի ստեղծագործական բաժնում՝ Ռոբերտ Ամիրխանյանի դասարանում: 2001-2005 թվականներին գերազանց ավարտել է Երևանի Կոմիտասի անվան պետական կոնսերվատորիայի ստեղծագործական բաժինը՝ Վարդան Աճեմյանի ղեկավարությամբ։ 2011-2013 թվականներին ուսումը շարունակել է Փարիզի Սորբոնի համալսարանի մագիստրատուրայում՝ էթնո-երաժշտագիտության բաժնում:
2001 թվականին «Սայաթ-Նովա» համահայկական փառատոնում Մարինե Գյուլումյանի հեղինակային՝ «Ես քո զավակն եմ, Հայաստան» երգն արժանացել է առաջին մրցանակի (խոսք՝ Արամայիս Սահակյանի)։
2005 թվականին գրել է Մետաքսեի «Ամենափրկիչը» պոեմի հիման վրա համանուն օրատորիան` սիմֆոնիկ նվագախմբի, երգչախմբի և մեներգիչների համար։
2007-2010 թվականներին հրավիրվելով Փարիզ՝ աշխատել է Շառլ Ազնավուրի ղեկավարած «Les Editions Raoul Breton» ընկերությունում[4]՝ համագործակցելով ֆրանսիացի արտիստների հետ։
2008 թվականին Տոկիոյի «Nichion» ընկերության կողմից հրավիրվել է Ճապոնիա` համագործակցելով ճապոնացի արտիստների հետ:
2008 թվականին համագործակցել է Շառլ Ազնավուրի հետ՝ գրելով «Va Cléopâtre» երգը[5], որն առաջին անգամ հնչել է 2019 թվականին Հայաստանի ազգային ֆիլհարմոնիկ նվագախմբի կատարմամբ[6]։
Մարինե Գյուլումյանը հեղինակ է 300-ից ավելի երգերի և մի շարք դասական ստեղծագործությունների։
Թողարկել է 4 հեղինակային երգերի ձայնասկավառակ՝
- Երգը իմ սերն է, 2003
- Սիրո հնչյուններ, 2007
- Հայրենի արահետներով, 2010
- Մեկուսացման ոգեշնչում, 2021[7]։
2011 թվականին լույս է տեսել Մարինե Գյուլումյանի հեղինակային երգերի «Իմ մանկության հետքերով» ժողովածուն[8]։
Մարինե Գյուլումյանի երգերը կատարվել են բազմաթիվ հայ անվանի արտիստների կողմից՝ Նունե Եսայան, Արամե, Շուշան Պետրոսյան, Սիրուշո, Սյուզան Մարգարյան, Անահիտ Մանուկյան, Անուշ և Ինգա Արշակյաններ, Քրիստինե Պեպելյան, Սոֆի Մխեյան, Լեյլա Սարիբեկյան, Արմինկա, Աննա Խաչատրյան, Արսեն Գրիգորյան (Ասո)։ Վարդան Բադալյան, Իվետա Մուկուչյան, Անի Քրիստի, Էմմա Պետրոսյան, Սոնա Շահգելդյան և այլք։
Ամուսնացած է, ունի երկու դուստր։ Մադլենը ֆլեյտահար և երգչուհի է[9], «Ֆրանսիայի ձայնը» նախագծի մասնակից, «The Voice Kids 2023»[10], Բելլան ջութակահար է, երգչուհի, Ռադիո Ֆրանսիայի «Maitrise de Radio France» երգչախմբի անդամ։ Մարինե Գյուլումյանը 2007 թվականից ապրում և ստեղծագործում է Փարիզում՝ սերտ կապ պահելով հայրենիքի հետ։
Մրցանակներ, պարգևներ
խմբագրելՍկավառակագրություն
խմբագրելՁԱՅՆԱԴԱՐԱՆ
ԵՐԳՆ ԻՄ ՍԵՐՆ Է - 2003թ – Լոս Անջելես
1. Ես քո զավակն եմ Հայաստան 2. Հրաժեշտ 3. Հայաստան 4. Կռունկներ 5. Ձոն Հայաստանին 6. Հիշիր 7. Ես չգիտեմ 8. Խաղաղություն 9. Սիրո մեղեդի 10. Հուշեր
Ծանոթագրություններ
խմբագրել- ↑ http://marinegyulumyan.fr/index.php?module=category&lang=am, Մարինե Գյուլումյանի պաշտոնական կայքէջը
- ↑ https://www.armauthor.am/sitemap.html, ՀԱՅՀԵՂԻՆԱԿ հասարակական կազմակերպություն, պաշտոնական կայք
- ↑ https://www.sacem.fr/, La Sacem - Société des Auteurs, Compositeurs et Éditeurs
- ↑ https://www.raoulbreton.com/,Les Editions Raoul Breton
- ↑ https://www.youtube.com/watch?v=gMZBmccbcAQ&t=18s, Va Cléopâtre, Մ․ Մարգարյան, Շ․ Ազնավուր
- ↑ https://www.panorama.am/en/news/2019/05/27/concert-Aznavour-Yerevan/2119941, Yerevan concert celebrates Aznavour’s 95th birthday, panorama.am, 2019
- ↑ https://nt.am/am/news/303930/, Ֆրանսիաբնակ երաժիշտ, կոմպոզիտոր Մարինե Գյուլումյանը ներկայացրել է իր «Մեկուսացման ոգեշնչում» ձայնասկավառակը, 2021
- ↑ https://zangakbookstore.am/ru/im-mankutyan-hetqerov, Իմ մանկության հետքերով ժողովածու, Երևան, 2011։
- ↑ https://alphanews.am/ru/pevitsa-madlen-ispolnila-na-armyanskom/, Певица Мадлен исполнила на армянском песню Imagine в проекте «Детский голос» во Франции, alphanews, 2023
- ↑ https://www.youtube.com/watch?v=u-ufJR0Fwq0, The Voice Kids 2023
- ↑ https://www.youtube.com/watch?v=bIMUIPPtS1M, Armenian Europe Music Awards 2017, Paris
- ↑ Նոտաներ՝ http://marinegyulumyan.fr/index.php?module=media&utility=show_album_content_cd&album_id=27&view=songs&type=album_2&lang=am Ես քո զավակն եմ Հայաստան երգի նոտաները
- ↑ https://www.youtube.com/watch?v=4SxxSWISvYw, Ես քո զավակն եմ Հայաստան, տեսահոլովակ
Արտաքին հղումներ
խմբագրել- Մարինե Գյուլումյանի պաշտոնական կայք
- Երգահան Մարինե Գյուլումյանի youtube-ալիքը
- https://tidal.com/browse/credits/13441372, Մարինե Գյուլումյանի ստեղծագործությունները TIDAL global music streaming platform հարթակում
- Մարինե Գյուլումյան, հարցազրույց, 2010, bravo.am
- Մարինե Գյուլումյան, Սպիտակ անկյուն, 2014
- Մարինե Գյուլումյան, Առավոտ լուսո, 2014
- Մարինե Գյուլումյան, Հայելու առաջ հաղորդաշար, 2019
- Մարինե Գյուլումյան, Կանչ, 2019
- Марине ГЮЛУМЯН: "ЛЮБЛЮ БЕЗУМЦЕВ, ПРОРЫВАЮЩИХ ПРЕГРАДЫ", Голос Армении, 2021
- Մարինե Գյուլումյան, Առավոտ լուսո, 2021
- Մարինե Գյուլումյան, հարցազրույց, Իրավունք թերթ, 2023