Էմմա Պետրոսյան (երգչուհի)
Անվան այլ կիրառումների համար տե՛ս՝ Էմմա Պետրոսյան (այլ կիրառումներ)
Էմմա Ալբերտի Պետրոսյան (հոկտեմբերի 9, 1965, Երևան, Հայկական ԽՍՀ, ԽՍՀՄ), հայ երգչուհի։ ՀՀ վաստակավոր արտիստ (2017)[1]։
| Էմմա Պետրոսյան | |
|---|---|
| Ծնվել է | հոկտեմբերի 9, 1965 (57 տարեկան) Երևան, Հայկական ԽՍՀ, ԽՍՀՄ |
| Երկիր |  ԽՍՀՄ և  Հայաստան |
| Մասնագիտություն | երգչուհի |
| Գործիքներ | վոկալ |
| Կրթություն | Նար-Դոսի անվան թիվ 14 դպրոց, Ալեքսանդր Սպենդիարյանի անվան երաժշտական մասնագիտական դպրոց, Ռոմանոս Մելիքյանի անվան պետական երաժշտական քոլեջ և Երևանի Կոմիտասի անվան պետական կոնսերվատորիա |
| Ամուսին | Արամո |
Երգիչ, դերասան Արամոյի կինն է։
Կենսագրություն Խմբագրել
Էմմա Պետրոսյանը ծնվել է 1965 թվականին Երևանում։ Սովորել է Երևանի Նար-Դոսի անվան թիվ 14-րդ միջնակարգ և Երևանի Ալեքսանդր Սպենդիարյանի անվան երաժշտական մասնագիտական դպրոցներում, այնուհետև` Ռոմանոս Մելիքյանի անվան երաժշտական ուսումնարանում, 1985-1989 թվականներին՝ Երևանի Կոմիտասի անվան պետական կոնսերվատորիայի ջութակի բաժնում[2]։ 1989 թվականից աշխատել է Հայաստանի ազգային ռադիոյի սիմֆոնիկ նվագախմբում։ Հայաստանի Երգի պետական թատրոնի առաջին սերնդի ներկայացուցիչներից է։ Համերգներով հանդես է եկել Հայաստանում և արտերկրում, 2014 և 2015 թվականներին մենահամերգով հանդես է եկել Հայաստանի պետական կամերային նվագախմբի հետ։ 1998 թվականից դասավանդում է Երևանի Կոմիտասի անվան պետական կոնսերվատորիայի ջազ-վոկալ բաժնում, 2009 թվականից` դոցենտ[2]։
Ձայնասկավառակներ Խմբագրել
| Վերնագիր | Տարթիվ | Այլ |
|---|---|---|
| «Սև ու սպիտակ» | 2000 | Արամոյի հետ |
| «Աղոթք» | 2008 | |
| «Վերադարձ դեպի տուն» | 2010 | Արամոյի հետ |
Ծանոթագրություններ Խմբագրել
- ↑ «ՀՀ Նախագահի հրամանագրերը - Փաստաթղթեր - Հայաստանի Հանրապետության Նախագահ»։ նախագահ.հայ։ Վերցված է 2017-06-27
- ↑ 2,0 2,1 Baghdasaryan Aram։ «AV Production - Էմմա Պետրոսյան»։ avproduction.am։ Արխիվացված է օրիգինալից 2021-09-24-ին։ Վերցված է 2017-06-27