Հայկ Մելիքյան
Հայկ Ավետիքի Մելիքյան (նոյեմբերի 29, 1980, Երևան, Հայկական ԽՍՀ, ԽՍՀՄ), հայ դաշնակահար։ Հայաստանի վաստակավոր արտիստ (2013)[1]։
| Հայկ Մելիքյան | |
|---|---|
 Հայկ Մելիքյանը կատարում է Արվո Պյարտի «Լամենտատե»-ն դաշնամուրի և նվագախմբի համար։ Հայաստանյան պրեմիերա՝ Հայաստանի ազգային ֆիլհարմոնիկ նվագախմբի հետ։ Դիրիժոր՝ Ռուբեն Ասատրյան։ 16.11.2018 | |
| Հիմնական տվյալներ | |
| Ծնվել է | նոյեմբերի 29, 1980 (43 տարեկան) Երևան, Հայկական ԽՍՀ, ԽՍՀՄ |
| Երկիր |  ԽՍՀՄ և  Հայաստան |
| Մասնագիտություն | դաշնակահար և կոմպոզիտոր |
| Գործիքներ | դաշնամուր |
| Կրթություն | Երևանի Կոմիտասի անվան պետական կոնսերվատորիա |
| Պարգևներ |  |
| Կայք | haykmelikyan.com |
Պրոֆեսոր, հրապարակախոս Սոկրատ Խանյանի թոռը։
Կենսագրություն խմբագրել
Հայկ Մելիքյանը ծնվել է Երևանում։ Ավարտել է Երևանի Կոմիտասի անվան պետական կոնսերվատորիայի դաշնամուրային բաժինը (պրոֆեսոր Ալեքսանդր Գուրգենովի դասարան), այնուհետև՝ ստեղծագործական բաժինը (պրոֆեսոր Վարդան Աճեմյանի դասարան)։ «Concerto di Concerti» 20-րդ դարի և ժամանակակից երաժշտության միջազգային փառատոնի շրջանակներում 2000 թվականին Հռոմում տեղի է ունեցել նրա միջազգային բեմելը։ Բազմաթիվ միջազգային դաշնամուրային և կոմպոզիտորական մրցույթների դափնեկիր է։
Հայ և արտասահմանյան շատ կոմպոզիտորների ստեղծագործությունների առաջին կատարողն է, որոնցից շատերը հատուկ գրվել են նրա համար։ 2007 թվականից նրա կատարումները թողարկվել են սոլո ալբոմների ձևաչափով, ինչպես նաև հավաքածուներում[2], այդ թվում նաև դասական երաժշտության ամենահեղինակավոր լեյբլի կողմից՝ Naxos Grand Piano[3]: Հյուրախաղերով հանդես է գալիս Եվրոպայի, Ասիայի, Հյուսիսային և Հարավային Ամերիկաների տարբեր երկրներում։
Հայկ Մելիքյանի նախաձեռնությամբ 2009 թվականին Երևանում մեկնարկել է 1900+[4] նախագիծ-համերգաշարը՝ նվիրված 20-րդ դարի և ժամանակակից համաշխարհային դաշնամուրային երաժշտությանը[5][6]։
Մասնակցում է այնպիսի միջազգային փառատոների, ինչպիսիք են Festival de Valmagne (Ֆրանսիա), Festival de Musique en Côte de Nacre (Ֆրանսիա), Festival O/MODƏRNT (Շվեդիա), Warsaw Royal Arcades of Art Festival (Լեհաստան), San Leo Music Festival (Իտալիա), Les Musicales de Baabdath International Music Festival (Լիբանան), Yerevan International Music Festival և Aram Khachaturian International Music Festival (Հայաստան) և այլն։ Դրանցից շատերը նվիրված են ժամանակակից երաժշտությանը, այդ թվում՝ Pharos Contemporary Music Festival (Կիպրոս), Lviv Contrasts Contemporary Music Festival (Ուկրաինա), Kyiv GogolFest International Festival of Contemporary Art (Ուկրաինա), Sofia ppIANISSIMO Contemporary Piano Music Festival (Բուլղարիա), Nuovi Spazi Musicali Festival (Իտալիա) և այլն։
Մրցանակներ, պարգևներ խմբագրել
- «Ibla Grand Prize» դաշնամուրային մրցույթի հատուկ մրցանակ, Ռագուսա, Իտալիա, 1999
- Հռոմում կայացած “Premio Valentino Bucchi” միջազգային մրցույթի 2-րդ կարգի մրցանակ, 2000
- Ֆրանսիայի Օրլեան քաղաքում կայացած դաշնամուրային մրցույթում Սամսոն Ֆրանսուայի անվան հատուկ մրցանակ, 2008
- Ղազարոս Սարյանի անվան կոմպոզիտորների մրցույթի 1-ին կարգի մրցանակ, Երևան, 2008
- «Yvar Mikhashoff Trust for New Music», Բուֆֆալո, դափնեկրի կոչում, ԱՄՆ, 2012
- Օրլեանի միջազգային դաշնամուրային մրցույթի Անդրե Բուկուրեշլիևի անվան հատուկ մրցանակ, Ֆրանսիա, 2012
- Մոսկվայի կոմպոզիտորների տան պարգև և ոսկե մեդալ, 2012
- ՀՀ վաստակավոր արտիստ, 2013
- Լավագույն դասական երաժշտության ալբոմ, «Ծիծեռնակ» ազգային երաժշտական մրցանակաբաշխություն, 2018
Մեջբերումներ Հայկ Մելիքյանի մասին խմբագրել
|
Դուք ասում եք գոյության տոնական զգացողություն, ասում եք ապրելու անխառն ուրախություն… Կարծում եմ սրանք և այս շարքի շքեղությունները Հայկ Մելիքյանն առավել խորքով վայելում է այն պահերին, երբ դաշնամուրի առջև է, երբ նվագում է։ Այս պահերին է, որ նա հավասարապես մերթ դաշնակահար է, մերթ կոմպոզիտոր։ Ապրվող մնացյալ ժամերը նա նվիրում է այս պահերն առավել հասուն դարձնելուն, հնարավոր խորքով կայացնելուն։ Ինչ կա ավելի հրաշալի, քան երբ մեկը ինքն է ստեղծում իր ուրախությունը` վայելելու համար այն և բաժանելու նրանց, ովքեր ունակ են այդ ուրախությունը իրենցը դարձնելու։ |
|
|
|
Ամեն անգամ, երբ ես լսում եմ այն, հմայվում եմ մի համակող կրքով, անկոտրունությամբ, որը հիրավի բխում է Միշել Կարսկու դաշնամուրային պիեսից։ Եվ ես մեծապես երախտապարտ եմ Հայկ Մելիքյանին, որ նա ռիսկի դիմեց կատարելու այդ պիեսը։ Նրան պետք է լսել առանց նախապաշարմունքների, պարզապես թողնել, որ այս յուրօրինակ և այդքան անձնական լեզուն բացի դռներն առ գրություն, որն ապրել և տառապել է իր ստեղծողը։ - Գյորգի Կուրտագ
|
|
|
|
Հայկ Մելիքյանն իր կատարողական զորությամբ և կենսականությամբ տրվում է ստեղծագործությանը` համակ ուշադրությամբ հետևելով իր ներքին ձայներին… - “Fanfare” ամսագիր
|
|
Ծանոթագրություններ խմբագրել
- ↑ ՀՀ նախագահի հրամանագրեր, Հանրապետության պատվավոր կոչումներ շնորհելու մասին
- ↑ «h a y k m e l i k y a n». www.haykmelikyan.com. Վերցված է 2019 թ․ փետրվարի 17-ին.
- ↑ «GRAND PIANO | Arno Babadjanian». www.naxos.com (անգլերեն). Վերցված է 2019 թ․ փետրվարի 17-ին.
- ↑ «h a y k m e l i k y a n». www.haykmelikyan.com. Վերցված է 2019 թ․ փետրվարի 17-ին.
- ↑ «20-րդ դարի եւ ժամանակակից դաշնամուրային երաժշտության համերգաշար», Հայկ Մելիքյան
- ↑ «Հայկ Մելիքյանի կենսագրությունը avproduction.am կայքում». Արխիվացված է օրիգինալից 2021 թ․ նոյեմբերի 22-ին. Վերցված է 2020 թ․ մայիսի 14-ին.
- ↑ Մեջբերումներ Հայկ Մելիքյանի մասին anunner.com կայքում