ՀՏ Հայկո
Հայկ Մարգարյան (հունիսի 28, 1985, Երևան, Հայկական ԽՍՀ, ԽՍՀՄ), հայ ռեփեր, ավելի հայտնի է իր բեմական անվամբ՝ ՀՏ Հայկո[1][2][3][4]։
| ՀՏ Հայկո | |
|---|---|
| Նաև հայտնի է որպես | HT Hayko |
| Ծնվել է | հունիսի 28, 1985 (39 տարեկան) Երևան, Հայկական ԽՍՀ, ԽՍՀՄ |
| Երկիր |  Հայաստան |
| Ժանրեր | հիփ հոփ |
| Մասնագիտություն | ռեփեր |
| Գործիքներ | վոկալ |
Վաղ կյանք
խմբագրելՀայկ Մարգարյանը ծնվել է 1985 թվականի հունիսի 28-ին Երևանում[4]։ 2002 թվականին ավարտել է Անտոն Չեխովի անվան թիվ 55 դպրոցը[4]։ Այնուհետև ուսումը շարունակել է Սայաթ-Նովայի անվան երաժշտական դպրոցում, որտեղ սովորել է նվագել դաշնամուր և շեփոր[4]։ Ավելի ուշ Հայկը ավարտել է Հայաստանի պետական ճարտարագիտական համալսարանը՝ էլեկտրատեխնիկ մասնագիտացմամբ[4]։
Երաժշտական գործունեություն
խմբագրելՀայկոն իր երաժշտական գործունեությունը սկսել է 2001 թվականին, երբ ռեփեր Միշոյի հետ հիմնադրել են «Հայ Տղեք» խումբը[4]։ Այն առաջին ռեփ խումբն էր Հայաստանում[4]։ Միասին նրանք թողարկել են երկու ալբոմ, ութ երաժշտական տեսահոլովակ և համերգներով հանդես են եկել ինչպես Հայաստանում, այնպես էլ այլ երկրներում[4]։ Խումբն իր գործունեությունն ավարտել է 2007 թվականին (պաշտոնապես՝ 2008), որից հետո տղաները շարունակել են իրենց գործունեությունն առանձին[5][4]։ Հայկոն սկսել է անհատական երաժշտական գործունեությունը[4]։ 2008 թվականին թողարկել է առաջին «Անցած էտապ» ձայնասկավառակը, որը Հայաստանի ազգային երաժշտական մրցանակաբաշխության ժամանակ արժանացել է «Տարվա լավագույն ալբոմ» մրցանակին[4]։
Աշխատել է բազմաթիվ հայ երգիչների հետ, մասնակցել է տարբեր հեռուստահաղորդումների, նկարահանել է 8 տեսահոլովակ` «Քո ցավը տանեմ», «Քոչարի», «Անցած էտապ» և այլն[4]: Երաժշտական գործունեությունից բացի, զբաղվել է դերասանությամբ[4]: 2008 թվականին խաղացել է «Տաքսի, էլի լավա» ֆիլմում, 2009 թվականին` Հայաստանի հանրային հեռուստաընկերության «Որբերը-2» հեռուստասերիալում[4]: 2009-2010 թվականներին հյուրախաղերով եղել է արտասահմանյան բազմաթիվ քաղաքներում[4]: 2010 թվականին հանդես է եկել 5 մենահամերգով Մոսկվայում, Սանկտ Պետերբուրգում, Կիևում, Կրիվոյ Ռոգում և Դնեպրոպետրովսկում[4]: Նույն թվականին կայացել է երգչի առաջին մենահամերգը Երևանի «Դինամո» մարզադահլիճում: Թողարկել է «Անցած էտապ» (2008 թ.), «Քուանշ» (2009 թ.), «ՀՏ Հայկո - The Best» (2010 թ.), «Թափառական երաժիշտ» (2012 թ.) ձայնասկավառակները[4]: Հիմնադրել և ղեկավարում է «ՀՏ Փրոդաքշն» պրոդյուսերական կենտրոնը[4]: 2015 թվականին նկարահանվել է «Հյուսիս-Հարավ» գեղարվեստական ֆիլմում[4]:
AntiSystem
խմբագրել2012 թվականի մայիսի 15-ին ՀՏ Հայկոյի յութուբյան ալիքում բեռնվել է նոր երգ՝ AntiSystem անվանումով[6]։ Այն քաղաքական հիփ հոփ կատարում է՝ գրված «Մաշտոցի պուրակ» շարժման ազդեցության տակ։ Սա հատկապես երիտասարդներին ոգեշնչել է Հայաստանում անարդարության դեմ գործողությունների։ Երգում խոսվում է նաև Սուրեն Զոլյանին Երևանի Վալերի Բրյուսովի անվան պետական լեզվահասարակագիտական համալսարանի ռեկտորի պաշտոնից ազատելու մասին, ինչը բողոքարկվել է հարյուրավոր ուսանողների կողմից։ Մեկ ամիս անց հոլովակը գրանցել է 50,000-ից ավելի դիտում։
Ձայնասկավառակներ
խմբագրելՀայ Տղեք
խմբագրելՍոլո ալբոմներ
խմբագրել- «Անցած էտապ» - 2008
- «Քուանշ» - 2009
Ծանոթագրություններ
խմբագրել- ↑ «Հայ աստղեր (Հայկ Մարգարյան`ՀՏ Հայկո)». Արխիվացված է օրիգինալից 2021 թ․ օգոստոսի 13-ին. Վերցված է 2021 թ․ սեպտեմբերի 16-ին.
- ↑ ՀՏ Հայկո. «Ես բողոքներ շատ ունեմ…» Արխիվացված 2010-03-28 Wayback Machine
- ↑ «Armenia Rap Rapprochement: Hay Tgheq Misho and Hayko reach peace over "puppy" protocols». Արխիվացված է օրիգինալից 2010 թ․ դեկտեմբերի 15-ին. Վերցված է 2021 թ․ սեպտեմբերի 16-ին.
- ↑ 4,00 4,01 4,02 4,03 4,04 4,05 4,06 4,07 4,08 4,09 4,10 4,11 4,12 4,13 4,14 4,15 4,16 4,17 4,18 4,19 4,20 «ZARK Foundation՝ ՀՏ Հայկո».
- ↑ «ՀՏ ՀԱՅԿՈ». Արխիվացված է օրիգինալից 2021 թ․ հոկտեմբերի 2-ին. Վերցված է 2021 թ․ հոկտեմբերի 2-ին.
- ↑ HT Hayko - AntiSystem on YouTube