Սուրեն Զոլյան
- Վիքիպեդիայում կան հոդվածներ Զոլյան ազգանունով այլ մարդկանց մասին։
Սուրեն Տիգրանի Զոլյան (ապրիլի 16, 1955, Երևան, Հայկական ԽՍՀ, ԽՍՀՄ), հայ գիտնական, հասարակական գործիչ, գրող, հրապարակախոս, քաղաքագետ։ Բանասիրական գիտությունների դոկտոր (1988), պրոֆեսոր (1989)։ Երևանի Վ. Բրյուսովի անվան լեզվահասարակագիտական համալսարանի ռեկտոր (1997-2012)։
Սուրեն Զոլյան | |
|---|---|
| Ծնվել է | ապրիլի 16, 1955 (69 տարեկան) Երևան, Հայկական ԽՍՀ, ԽՍՀՄ |
| Քաղաքացիություն |  ԽՍՀՄ և  Հայաստան |
| Մասնագիտություն | գիտնական և համալսարանի դասախոս |
| Հաստատություն(ներ) | Երևանի պետական համալսարան և Վ․ Բրյուսովի անվան պետական համալսարան |
| Գործունեության ոլորտ | հերմենևտիկա |
| Պաշտոն(ներ) | ռեկտոր |
| Ալմա մատեր | ԵՊՀ ռուս բանասիրության ֆակուլտետ (1977) |
| Գիտական աստիճան | բանասիրական գիտությունների դոկտոր (1988) և պրոֆեսոր (1989) |
| Մայր | Սեդա Վերմիշևա |
Կենսագրություն խմբագրել
Սուրեն Զոլյանը ծնվել է 1955 թվականին Երևանում՝ Տիգրան Զոլյանի և Սեդա Վերմիշևայի ընտանիքում։ 1972 թվականին ավարտել է Երևանի թիվ 8 միջնակարգ դպրոցը և ընդունվել Երևանի պետական համալսարանի ռուսաց լեզվի և գրականության բանասիրական ֆակուլտետ, որն ավարտել է 1977 թվականին։ Նույն թվականից որպես ավագ լաբորանտ աշխատել է Երևանի պետական համալսարանում, 1979 թվականից դասավանդել է նույն հաստատությունում, դոցենտ՝ 1983 թվականից, ամբիոնի վարիչ՝ 1988-1992 թվականներին, պրոֆեսոր՝ 1995-1997 թվականներին, 1997-2012 թվականներին՝ Երևանի Վ. Բրյուսովի անվան լեզվահասարակագիտական համալսարանի ռեկտոր, 1998 թվականից՝ Եվրախորհրդի լեզվական քաղաքականության բաժանմունքի ազգային համակարգող-թղթակից։
Աշխատությունները վերաբերում են ընդհանուր և ռուսերեն լեզվաբանության, նշանագիտության, հայագիտության, քաղաքագիտության և հակամարտությունների խնդիրներին։
Անդամակցություն խմբագրել
- Հայաստանի գիտաարտադրական և քաղաքացիական միության նախագահ (1995-1996)
- ՀՀ նախագահին առընթեր մարդու իրավունքների հանձնաժողովի անդամ (1998-2004)
- Եվրախորհրդի ժամանակակից կենտրոնի կառավարող խորհրդի անդամ (2001)
- Եվրախորհրդի տարածաշրջանային և փոքրամասնությունների լեզուների պաշտպանության փորձագետների կոմիտեի անդամ (2003)
- ՀՀ ԳԽ Արցախի հարցերի հատուկ հանձնաժողովի քարտուղար
- «Արցախ» պատգամավորական խմբի համանախագահ[1]
Ծանոթագրություններ խմբագրել
- ↑ «National Assembly of Armenia | Official Web Site | parliament.am». www.parliament.am. Վերցված է 2017 թ․ հուլիսի 5-ին.
 | Վիքիդարանն ունի նյութեր, որոնք վերաբերում են «Սուրեն Զոլյան» հոդվածին։ |