Կյանքի ծարավ (ֆիլմ, 1956)
«Կյանքի ծարավ» (անգլ.՝ Lust for Life), ամերիկյան գեղարվեստական ֆիլմ, նկարահանված 1956 թվականին, հայտնի ռեժիսոր՝ Վինսենթ Մինելլիյի կողմից։ Ֆիլմի կարգախոսն է՝ «Բեսթսելլեր է կատարվում էկրանի վրա... Դրամա մի մարդու մասին, որն ապրում էր անկուշտ կիրքով»։ Առաջին անգամ էկրան է բարձրացել 1956 թվականի սեպտեմբերի 17–ին, Նյու Յորքում։ Ֆիլմը ստեղծված է նշանավոր գրող՝ Իրվինգ Սթոունի համանուն ստեղծագործության հիման վրա։ Սյուժեն ներկայացնում է աշխարհահռչակ նկարիչ՝ Վինսենթ վան Գոգի կենսագրությունը։
.PNG)
Սյուժե խմբագրել
Ֆիլմի սյուժեն ներկայացնում է հայտնի հոլանդացի իմպրեսինոստ նկարիչ՝ Վինսենթ վան Գոգի ծանր ու դաժան կյանքը։ Ցույց է տրվում Վինսենթի անսահման սերը դեպի կերպարվեստը և թե ինչպես է նա, տարիների ընթացքում հմտանում և ուսումնասիրում գեղանկարչության բոլոր կողմերը։ Սակայն դա նրան հեշտ չի տրվում։ Վան Գոգը շատ դժվար ապրելաձև է ունենում և չի կարողանում վաստակել գոյատևման ապրուստը։ Նրան ամեն ինչում փորձում է օգնության ձեռք մեկնել հարազատ եղբայրը՝ Թեոն։ Վերջինս նույնիսկ փորձեր է կատարում վաճառել եղբոր կտավները, բայց ապարդյուն։ Ներկայացված է նաև վան Գոգի և հայտնի նկարիչ՝ Պոլ Գոգենի ընկերությունն ու ճակատագրական վեճերը։ Նկարիչը չի կարողանում լիովին դուրս թափել իր տաղանդը և նույնիսկ հոգեբուժարան է ընկնում։ Այս ամենի վերջում, վան Գոգն ինքնասպանության շեմին է կանգնում։
Նկարահանող անձնակազմ խմբագրել
- ռեժիսոր - Վինսենթ Մինելլի, Ջորջ Քյուկոր
- պրոդյուսերեր - Ջոն Հաուսմեն, Ջադ Քինբերգ
- սցենարիստներ - Նորման Քորուին
- օպերատորներ - Ռասսելլ Հերլան, Ֆրեդդի Յանգ
- երաժշտություն - Միքլոշ Ռոժա
- մոնտաժ - Էդրիենն Ֆեզան
Դերակատարներ խմբագրել
| Դերակատար | Դեր |
|---|---|
| Քըրք Դուգլաս | Վինսենթ վան Գոգ |
| Էնթոնի Քուին | Պոլ Գոգեն |
| Ջեյմս Դոնալդ | Թեո վան Գոգ |
| Պամելա Բրաուն | Կրիստինա |
| Էվերեթ Սլոուն | բժիշկ Գաշե |
| Նիալլ Մակգինիս | Ռոլեն |
| Նոել Փյորսել | Անտոն Մաուվե |
| Հենրի Դենիել | Թեոդորուս վան Գոգ |
| Մեջ Քենեդի | Աննա Կոռնելիյա վան Գոգ |
| Ջիլ Բենեթ | Վիլյամինա |
Մրցանակներ և անվանակարգեր խմբագրել
- 1957 թվական - «Կյանքի ծարավ» ֆիլմն, «Օսկար» մրցանակի է արժանացել՝ երկրորդ պլանի լավագույն դերասան անվանակարգում (Էնթոնի Քուին)։ Ներկայացվել է հետևյալ 3 անվանակարգերում.
- լավագույն դերասան (Քըրք Դուգլաս)
- լավագույն ադապտացված սցենար
- լավագույն բեմադրող նկարիչ (գունավոր ֆիլմեր)։
- 1957 թվական - ֆիլմը «Ոսկե գլոբուս» մրցանակի է արժանացել՝ լավագույն դերասան անվանակարգում (Քըրք Դուգլաս)։ Ներկայացվել է հետևյալ 3 անվանակարգերում.
- լավագույն ֆիլմ (դրամա)
- լավագույն ռեժիսոր (Վինսենթ Միննելլի)
- երկրորդ պլանի լավագույն դերասան (Էնթոնի Քուին)։
Ծանոթագրություններ խմբագրել
- ↑ 1,0 1,1 1,2 http://www.filmaffinity.com/en/film440402.html
- ↑ 2,00 2,01 2,02 2,03 2,04 2,05 2,06 2,07 2,08 2,09 2,10 2,11 2,12 2,13 2,14 http://www.imdb.com/title/tt0049456/
- ↑ 3,00 3,01 3,02 3,03 3,04 3,05 3,06 3,07 3,08 3,09 3,10 3,11 3,12 3,13 3,14 3,15 3,16 3,17 Internet Movie Database — 1990.
- ↑ 4,0 4,1 4,2 4,3 4,4 4,5 http://www.allocine.fr/film/fichefilm_gen_cfilm=36147.html
- ↑ 5,00 5,01 5,02 5,03 5,04 5,05 5,06 5,07 5,08 5,09 5,10 5,11 5,12 5,13 5,14 http://www.notrecinema.com/communaute/v1_detail_film.php3?lefilm=16155
- ↑ 6,0 6,1 http://stopklatka.pl/film/pasja-zycia
- ↑ 7,0 7,1 7,2 7,3 7,4 7,5 7,6 http://www.fandango.com/lustforlife_39462/plotsummary
- ↑ 8,0 8,1 8,2 8,3 http://www.imdb.com/title/tt0049456/fullcredits
- ↑ 9,0 9,1 9,2 9,3 9,4 9,5 ČSFD (չեխերեն) — 2001.
Արտաքին հղումներ խմբագրել
- «Lust for Life»(անգլ.) ֆիլմը Internet Movie Database կայքում
- «Կյանքի ծարավ»(ռուս.) ֆիլմը ԿինոՊոիսկ կայքում։
 | Վիքիպահեստն ունի նյութեր, որոնք վերաբերում են «Կյանքի ծարավ (ֆիլմ, 1956)» հոդվածին։ |