Լեռնահովիտ (գյուղ, Լոռու մարզ)
Անվան այլ կիրառումների համար տե՛ս՝ Լեռնահովիտ (այլ կիրառումներ)
Լեռնահովիտ, գյուղ Հայաստանի Հանրապետության Լոռու մարզի Տաշիր համայնքում[1]։
| Գյուղ | |||
|---|---|---|---|
| Լեռնահովիտ | |||
 | |||
| Երկիր |  Հայաստան | ||
| Մարզ | Լոռու մարզ | ||
| Համայնք | Տաշիր համայնք[1] | ||
| Գյուղապետ | Գագիկ Սուքիասյան | ||
| Հիմնադրված է | 1822 - 1823 թ. թ. | ||
| Այլ անվանումներ | Լեռնհովիտ | ||
| Տվյալ կարգավիճակում | 1978 թվականից | ||
| Մակերես | 20,68 կմ² | ||
| ԲԾՄ | 1650 մ | ||
| Կլիմայի տեսակ | Բարեխառն | ||
| Պաշտոնական լեզու | Հայերեն | ||
| Բնակչություն | 1302[2] մարդ (2011) | ||
| Ազգային կազմ | Հայեր | ||
| Կրոնական կազմ | Հայ Առաքելական եկեղեցի | ||
| Տեղաբնականուն | լեռնահովիտցի | ||
| Ժամային գոտի | UTC+4 | ||
| Պաշտոնական կայք | lori.mtad.am/about-communities/501 (հայ.) | ||
| |||
Աշխարհագրություն
խմբագրելԳտնվում է Տաշիր քաղաքից մոտ 8 կմ հյուսիս-արևելք։ Բարձրությունը ծովի մակարդակից կազմում է 1650 մետր։ 2017 թվականից մտնում է Տաշիր համայնքի կազմի մեջ։
Կլիմա
խմբագրելԿլիման բարեխառն է, ձմեռը երկարատև ու ցրտաշունչ, ամառը՝ զով։
Պատմություն
խմբագրելԳյուղը հիմնադրվել է 1822-1823 թվականներին և կոչվել Ղարաքիլիսա։ Գյուղի բնակիչները գաղթել են Մուշից և Էրզրումից։ Վերանվանվել է Լեռնահովիտ 1978 թվականի [ունվարի 25-ին[3]։
Պատմամշակութային կառույցներ
խմբագրելԼեռնահովիտում առկա է մեկ գերեզմանոց, մեկ եկեղեցի և միջնադարյան գյուղատեղի։ Գյուղից հարավ-արևելք գտնվում է բրոնզեդարյան բնակատեղի, իսկ հարավ-արևմուտքում է գտնվում «Մամուռդոշ» ամրոցը։
Գյուղում և շրջակայքում պահպանվել են «Զարգարաքենդ» գյուղատեղին, եկեղեցի (12-13-րդ դարեր), գերեզմանոցներ (12-19–րդ դարեր)։
-
Սուրբ Սարգիս եկեղեցին գյուղի հարակից բլրի գագաթին -
Մատուռ բնակավայրի հարևանությամբ
.jpg)
.jpg)
Բնակչություն
խմբագրելԸստ ՀՀ 2011 թ. մարդահամարի արդյունքների՝ Լեռնահովիտի մշտական բնակչությունը կազմել է 1302, առկա բնակչությունը՝ 1028 մարդ[2], բնակչության փոփոխությունը ժամանակի ընթացքում՝ ստորև[4].
| Տարի | 1897 | 1926 | 1939 | 1959 | 1970 | 1979 | 2001 | 2011 |
|---|---|---|---|---|---|---|---|---|
| Բնակիչ | 715 | 1411 | 1978 | 1642 | 2110 | 1882 | 1623 | 1302[2] |
Տնտեսություն
խմբագրելԳյուղատնտեսական նշանակության հողերը՝ 1716,7 հա, որից՝ 707,9 հա վարելահող, 176,4 հա խոտհարք, 783,9 հա արոտ։
Բնակիչները հիմնականում զբաղվում են անասնապահությամբ, ցորենի, գարու, կարտոֆիլի, կաղամբի և այլ բանջարաբոստանային կուլտուրաների արտադրությամբ։
Կրթություն
խմբագրելԳյուղում գործում է միջնակարգ դպրոց, որի կառուցումը ֆինանսավորել է «Տաշիր գրուպը»։ Գործում է նաև մանկապարտեզ։
Ծանոթագրություններ
խմբագրել- ↑ 1,0 1,1 Տեղեկություններ Տաշիր համայնքի մասին Լոռու մարզի մարզպետարանի կայքում, (արխիվացված 05․07․2023 թվական)։
- ↑ 2,0 2,1 2,2 2011 թ Հայաստանի մարդահամարի արդյունքները
- ↑ Հակոբյան Թ. Խ., Մելիք-Բախշյան Ստ. Տ., Բարսեղյան Հ. Խ., Հայաստանի և հարակից շրջանների տեղանունների բառարան, հ. 2 [Դ-Կ] (խմբ. Մանուկյան Լ. Գ.), Երևան, «Երևանի Համալսարանի Հրատարակչություն», 1986, էջ 580 — 992 էջ։
- ↑ «Հայաստանի հանրապետության բնակավայրերի բառարան, էջ 37» (PDF). Արխիվացված է օրիգինալից (PDF) 2014 թ․ սեպտեմբերի 12-ին. Վերցված է 2013 Նոյեմբերի 9-ին.