Վիքիպեդիա

Էթել Բերիմոր

Էթել Բերիմոր (անգլ.՝ Ethel Barrymore, Օգոստոսի 15, 1879 – Հունիսի 18, 1959), ամերիկացի դերասանուհի, Բերիմորների դերասանական ընտանիքի անդամներից մեկը[7][8]:

Էթել Բերիմոր
անգլ.՝ Ethel Barrymore
Դիմանկար
Ծնվել էօգոստոսի 15, 1879(1879-08-15)[1][2][3][…]
ԾննդավայրՖիլադելֆիա, ԱՄՆ
Մահացել էհունիսի 18, 1959(1959-06-18)[1][2][4][…] (79 տարեկան)
Մահվան վայրԲևերլի Հիլզ, ԱՄՆ
ԳերեզմանCalvary Cemetery
ՔաղաքացիությունFlag of the United States (1912-1959).svg ԱՄՆ
Մասնագիտությունթատրոնի դերասանուհի, կինոդերասանուհի և դերասանուհի
ԱմուսինRussell Griswold Colt?
Ծնողներհայր՝ Մորիս Բերիմոր, մայր՝ Ջեորջիանա Դրյու
Պարգևներ և
մրցանակներ		Օսկար երկրորդ պլանի լավագույն դերասանուհու համար[5] և Օսկար
ԵրեխաներSamuel Colt?[6]
Ethel Barrymore Վիքիպահեստում

ԿենսագրությունԽմբագրել

ԿարիերաԽմբագրել

Էթել Մեյ Բլայթը (անգլ.՝ Ethel Mae Blythe) ծնվել է 1879 թվականի օգոստոսի 15-ին Ֆիլադելֆիայում, Փենսիլվանիա, եղել է դերասաններ Մորիս Բերիմորի և Ջորջիանա Դրյուի ընտանիքի երկրորդ երեխան[9]: Նա դերասաններ Ջոն Բերիմորի և Լայոնել Բերիմորի քույրն է, ինչպես նաև Դրյու Բերիմորի ոչ հարազատ տատիկն է։ Իր մանկությունը դերասանուհին անցկացրել է Ֆիլադելֆիայում, որտեղ հաճախել է կաթոլիկ դպրոց։

Իր առաջին հայտնությունը Բրոդվեյում կայացել է 1895 թվականին մի պիեսում, որտեղ նաև խաղացել են իր հորեղբայրը՝ Ջոն Դրյու Կրտսերը, և Մոդ Ադամսը։ Նրա հետ միասին նա նաև հայտնվել է «Ռոզմարի» պիեսում 1896 թվականին։ Իր բրոդվեյան դերերի շրջանում նաև հայտնի են Նորան «Տիտիկների տանը» ֆիլմում (1905) և Ջուլիետան «Ռոմեո և Ջուլիետա»-ում (1922)։ 1926 թվականին նա մեծ հաջողություն է ունեցել՝ խաղալով Ուիլյամ Սոմերսեթ Մոեմի «Մշտական կին» կատակերգական ներկայացման մեջ։

Էթել Բերիմորը Դերասանների ֆինանսական ասոցիացիայի կողմնակից է եղել և նույնիսկ մասնակցություն է ունեցել 1919 թվականի նրանց ապստամբության ժամանակ։ Դերասանուհին եղել է բեյսբոլի և բոքսի երկրպագու։ Բայց նրա սերը բոքսի նկատմամբ անցել է այն բանից հետո, երբ 1919 թվականի հուլիսի 4-ին դարձել է Ուիլյամ Դեմփսիի և Ջես Ուիլարդի գազանային մենամարտի ականատես, որտեղ Դեմփսին կոտրել է Ջեսի ծնոտը և մի քանի ատամներ։ Այդ օրվանից Բերիմորը երդվել է, որ այլևս երբեք չի այցելի և ոչ մի մենամարտի։

Առաջին անգամ մեծ էկրանին նա հայտնվել է 1914 թվականին, սակայն ակտիվ կինոկարիերան սկսել է միայն 1940-ական թվականներին՝ իր՝ Հոլիվուդ տեղափոխվելուց հետո։ Միակ երկու ֆիլմերը, որտեղ նա նկարահանվել է իր երկու եղբայրների հետ միասին, դարձել են «Կարմիր խաչի ազգային շքերթը» (1917) և «Ռասպուտինը և կայսրուհի» (1932)։

1945 թվականին «Միայն միայնակ սիրտ» ֆիլմում կատարած դերի համար Էթել Բերիմորը ստացել է «Օսկար» մրցանակը «Երկրորդ պլանի լավագույն դերասանուհի» անվանակարգում։ Մյուս հանրահայտ ֆիլմերը, որտեղ նա մասնակցություն է ունեցել, դարձել են «Աստիճան» (1945), «Փարադայնի գործը» (1947), «Ջենիի դիմանկար» (1948) և «Կեսգիշերյա համբույր» (1948)։ 1950-ական թվականներին դերասանուհին մի քանի անգամ հայտնվել է նաև հեռուստատեսությունում՝ կատարելով ոչ մեծ դերեր մի շարք հեռուստասերիալներում։

Հետաքրքիր փաստերԽմբագրել

  • 2007 թվականի մարտի 22-ին «Օսկար» մրցանակը, որը պատկանում էր Էթել Բերիմորին, eBay համացանցային աճուրդում դրվել է վաճառքի։
  • ԱՄՆ-ի ֆիլմագրության մեջ ունեցած մեծ ներդրման համար Էթել Բերիմորն արժանացել է աստղի Հոլիվուդի փառքի ծառուղում:

ՄրցանականերԽմբագրել

  • 1945 — «Օսկար» երկրորդ պլանի լավագույն դերասանուհու համար, «Միայն միայնակ սիրտը» ֆիլմի համար։

ԾանոթագրություններԽմբագրել

  1. ↑ 1,0 1,1 Encyclopædia Britannica
  2. ↑ 2,0 2,1 Internet Broadway Database — 2000.
  3. ↑ Munzinger Archiv (нем.) — 1913.
  4. ↑ FemBio: Банк данных о выдающихся женщинах, Frauerdatenbank
  5. ↑ (unspecified title)
  6. ↑ Pas L. v. Genealogics — 2003. — ed. size: 683713
  7. ↑ Obituary Variety, June 24, 1959.
  8. ↑ Ethel Barrymore - North American Theatre Online
  9. ↑ Famous Actors and Actresses On The American Stage Vol.1 A-J by William C. Young c. 1975 (Ethel Barrymore entry pages56-60)

Արտաքին հղումներԽմբագրել

Ստացված է «https://hy.wikipedia.org/w/index.php?title=Էթել_Բերիմոր&oldid=7236156» էջից