Վիքիպեդիա

Եվգենյա Ումինսկա

Եվգենյա Ումինսկա (լեհ.՝ Eugenia Umińska), հոկտեմբերի 4, 1910(1910-10-04)[1], Վարշավա, Ռուսական կայսրություն - նոյեմբերի 20, 1980(1980-11-20)[2], Կրակով, Լեհաստանի Ժողովրդական Հանրապետություն, լեհ ջութակահարուհի։

Եվգենյա Ումինսկա
Դիմանկար
Ծնվել էհոկտեմբերի 4, 1910(1910-10-04)[1]
ԾննդավայրՎարշավա, Ռուսական կայսրություն
Մահացել էնոյեմբերի 20, 1980(1980-11-20)[2] (70 տարեկան)
Մահվան վայրԿրակով, Լեհաստանի Ժողովրդական Հանրապետություն
ԳերեզմանՌակովիցկի գերեզմանատուն
Քաղաքացիություն Լեհաստան
ԿրթությունՖրիդերիկ Շոպենի անվան երաժշտական համալսարան
Մասնագիտություներաժշտության ուսուցիչ, կոնցերտմայստեր և ջութակահարուհի
Պարգևներ և
մրցանակներ
«Աշխատանքի դրոշ» 1-ին աստիճանի շքանշան և Աշխատանքի դրոշ 2-րդ աստիճանի շքանշան
 Eugenia Umińska Վիքիպահեստում

Կենսագրություն խմբագրել

Ջութակ նվագել սովորել է 5 տարեկանից Գ. Յաբլոնսկայայի և Մ. Միխալովիչի մոտ։ Սովորել է Վարշավայի կոնսերվատորիայում Յուզեֆ Յաժեմբսկու մոտ, ապա Պրահայի կոնսերվատորիայում՝ Օթակար Շևչիկի մոտ և վերջապես Փարիզում ՝ Ջորջե Էնեսկուի մոտ։ 1930-ականների սկզբին նվագել է նվագախմբում, այնուհետև եղել է Լեհական ռադիոյի և ֆիլհարմոնիայի մեներգչուհի, ղեկավարել է Վարշավայի լարային քառյակը։ 1927 թվականից նա մի շարք հյուրախաղերով շրջագայել է Եվրոպայում, սատարել է լեհ կոմպոզիտոր Կարոլ Շիմանովսկուն։

1930-ականների վերջին և 40-ականների վերջին Եվգենյա Ումինսկան ելույթ է ունեցել Խորհրդային Միության քաղաքներում։ Երկրորդ համաշխարհային պատերազմի ժամանակ նա եղել է օկուպացված Վարշավայում, մասնակցել է ընդհատակյա համերգների։ Հետպատերազմյան շրջանում նա շարունակել է իր ելույթները, առանձնահատուկ ճանաչման են արժանացել Ումինսկայայի զուգերգը մեկ այլ նշանակալից ջութակահար Իրենա Դուբիսկայի հետ։

1945 թվականից Եվգենյա Ումինսկան եղել է Կրակովի կոնսերվատորիայի պրոֆեսոր, 1964-1966 թվականներին՝ Կրակովի կոնսերվատորիայի ռեկտոր։ Նրա մոտ սովորել են Կ.Դանչովսկայան, Վ.Կվասնին, որոշ ժամանակ սովորել են Վ.Վիլկոմիրսկայան[3]։

Ումինսկայի ձայնագրություններից նշանակալից են Շիմանովսկու առասպելների առաջին ձայնագրությունը (1938թ., դաշնակահար Զիգմունտ Դիգաթի հետ) և նրա Առաջին կոնցերտը (1948թ., դիրիժոր Գրժեգորժ Ֆիտելբերգ)[4]։

Եղել է ջութակի միջազգային մրցույթների ժյուրիի անդամ։

Եվգենյա Ումինսկան մահացել է 1980 թվականի նոյեմբերի 20-ին։ Թաղվել է Կրակովի Ռակովիցկի գերեզմանատանը։

2005 թվականին Պոզնանում տեղի է ունեցել Եվգենիա Ումինսկայի անվան երիտասարդ ջութակահարների առաջին համալեհական մրցույթը[5]։

Ծանոթագրություններ խմբագրել

  1. ↑ 1,0 1,1 FemBio տվյալների շտեմարան (գերմ.)
  2. ↑ 2,0 2,1 2,2 https://mugi.hfmt-hamburg.de/artikel/Eugenia_Umińska.html
  3. ↑ Музыкальная энциклопедия / Гл. ред. Ю.В. Келдыш. — «Советская энциклопедия», 1981. — С. 728. — 1056 с.
  4. ↑ Jonathan Woolf. Warsaw Philharmonic Archive. David Oistrakh. Karol Szymanowski. Violin Concerto No. 1. Johannes Brahms. Violin Concerto
  5. ↑ I Ogólnopolski Konkurs Młodych Skrzypków im. Eugenii Umińskiej w Poznaniu Արխիվացված 2008-10-23 Wayback Machine (լեհ.)

Արտաքին հղումներ խմբագրել

 Վիքիպահեստն ունի նյութեր, որոնք վերաբերում են «Եվգենյա Ումինսկա» հոդվածին։
Ստացված է «https://hy.wikipedia.org/w/index.php?title=Եվգենյա_Ումինսկա&oldid=8996002» էջից