Եղեգնուտ (Արմավիրի մարզ)
Անվան այլ կիրառումների համար տե՛ս՝ Եղեգնուտ (այլ կիրառումներ)
Եղեգնուտ (նախկին անվանումը՝ Մոլա Բադալ), գյուղ Հայաստանի Արմավիրի մարզի Արմավիրի տարածաշրջանում, Արմավիր քաղաքից մոտ 10 կմ հարավ-արևելք, ծովի մակարդակից 845 մետր բարձրության վրա։ Եղեգնուտ համայնքի պատմական անվանումներն են՝ Բադալ, Ղամիշլու, Ղամշկուտ, Մոլլա Բադալ, Ռահիմաբադ, Սեֆիաբատ։ Վերանվանվել է Եղեգնուտ 1946 թ. ապրիլի 4-ին[5]։
| Գյուղ | |||
|---|---|---|---|
| Եղեգնուտ | |||
| Երկիր |  Հայաստան | ||
| Մարզ | Արմավիրի | ||
| Շրջան | Արմավիրի տարածաշրջան | ||
| Գյուղ | Մեծամոր (համայնք) | Մեծամոր համայնք[1] | ||
| Մակերես | 15 կմ² | ||
| ԲԾՄ | 845 մ | ||
| Պաշտոնական լեզու | Հայերեն | ||
| Բնակչություն | 2203[2] մարդ (2011) | ||
| Ազգային կազմ | Հայեր, | ||
| Կրոնական կազմ |  Հայ Առաքելական եկեղեցի | ||
| Տեղաբնականուն | եղեգնուտցի | ||
| Ժամային գոտի | UTC+4 | ||
| Հեռախոսային կոդ | +374 237[3] | ||
| Փոստային ինդեքս | 0923[4] | ||
| |||
Պատմություն
խմբագրելԱրմավիրի մարզի Եղեգնուտ հանայնքը հիմնականում բնակեցված է՝ Արևմտյան Հայաստանի Ալաշկերտ, Վան և Մուշ գավառներից գաղթած մեր հայրենակիցներով։ Ըստ ավանդության՝ հայ գաղթականները՝ 1897-ական թվականների վաղ գարնանն անցնում են՝ վարարած Արաքս գետը և հասնում են՝ մինչև Մոլա Բադալ գյուղը, որտեղ բնակվելիս են լինում թուրքերը. հայերը առաջարկում են նրանց համատեղ ապրել գյուղում, սակայն թուրքերը հրաժարվում են։ Հայ գաղթականները գտնվում էին հոգնած, հիվանդ վիճակում, նրանց ուղեկցող մի քանի տղամարդիկ՝ առավոտյան ստիպված են լինում մտնել գյուղ, սակայն գյուղը լինում է դատարկ. գիշերը թուրքերը լքել էին գյուղը[6]։
Համայնքի նկարագրություն
խմբագրելՍահմանակից համայնքներն են՝ Արևիկ, Զարթոնք, Արտաշար, Երասխահուն, Վարդանաշեն, Արազափ, Արգավանդ, Տանձուտ։ Համայնքի մակերեսը կազմում է 2160.2 հա։ Հեռավորությունը մայրաքաղաքից 37 կմ է։ Բնակչության թիվը 2053 է։ Բնակչության մեծ մասը կազմում են հայերը, սակայն, հայերի հետ միասին՝ բարի-դրացիական հարաբերությունով ապրում են նաև եզդիներ։ Համայնքն ունի մոտ 460 տնտեսություն։ Համայնքի օգտակար հանածոներն են համարվում ավազակոպճային խառնուրդները։ Համայնքը ունի միջնակարգ դպրոց և նախակրթական հաստատություն։
Համայնքում գործունեություն են ծավալում արտադրական ձեռնարկություններ, ինչպիսիք են՝ «ԳԱՎ-ԱՎԱԶ» ՍՊԸ, «Արզնու տոհմային ԹՏԽ» ԲԲԸ, «ՍԵՆՏՈՒՐԻՈՆ» ՍՊԸ։
Բնակչությունը հիմնականում զբաղվում է բանջարաբուծությամբ, պտղաբուծությամբ, անասնապահությամբ։ Համայնքում կա 3 մատուռ, որոնք կառուցվել են համայնքի բնակիչների կողմից։
Բնակչություն
խմբագրելԸստ Հայաստանի 2011 թ. մարդահամարի արդյունքների՝ Եղեգնուտի մշտական բնակչությունը կազմել է 2203, առկա բնակչությունը՝ 2050 մարդ[2]։ Մինչև 1918 թ. եղել է ադրբեջանաբնակ[7]։ Եղեգնուտի բնակչության փոփոխությունը ժամանակի ընթացքում՝ ստորև[8].
| Տարի | 1873 | 1897 | 1926 | 1939 | 1959 | 1970 | 1979 | 1989 | 2001 | 2004 | 2011 |
|---|---|---|---|---|---|---|---|---|---|---|---|
| Բնակիչ | 300[7] | 360 | 375 | 364 | 497 | 636 | 670 | 523[9] | 1867 | 2031 | 2203[2] |
Տնտեսություն
խմբագրելԲնակչությունը զբաղվում է այգեգործությամբ, բանջարաբուծությամբ, անասնապահությամբ և հացահատիկի մշակությամբ։
Արտաքին հղումներ
խմբագրել- Էջը Արմավիրի մարզպետարանի կայքում(չաշխատող հղում)
- Համայնքի ղեկավարի Էջը Արմավիրի մարզպետարանի կայքում(չաշխատող հղում)
Ծանոթագրություններ
խմբագրել- ↑ Տեղեկություններ Մեծամոր համայնքի մասին Արմավիրի մարզպետարանի կայքում, (արխիվացված 09․11․2023 թվական)։
- ↑ 2,0 2,1 2,2 2011 թ Հայաստանի մարդահամարի արդյունքները
- ↑ ՀՀ մարզերի կոդեր(չաշխատող հղում)
- ↑ Code database of Armenia, Արմավիր
- ↑ «Հայաստանի և հարակից շրջանների տեղանունների բառարան», հտ. 2, էջ 185
- ↑ «Արմավիրի մարզպետարան». armavir.mtad.am. Վերցված է 2020 թ․ հոկտեմբերի 8-ին.
- ↑ 7,0 7,1 Զավեն Կորկոտյան, «Խորհրդային Հայաստանի բնակչությունը վերջին հարյուրամյակում (1831-1931)»
- ↑ «Հայաստանի հանրապետության բնակավայրերի բառարան, էջ 72» (PDF). Արխիվացված է օրիգինալից (PDF) 2014 թ․ սեպտեմբերի 12-ին. Վերցված է 2015 Մարտի 27-ին.
- ↑ «Հայաստանի և հարակից շրջանների տեղանունների բառարան», հտ. 5, էջ 663