Եզեկ Նալբանդյան
Եզեկ Խաչատուրի Նալբանդյան (1918, Օձուն, Բորչալուի գավառ, Ռուսական կայսրություն), հայ մանկավարժ։ Հայրենական մեծ պատերազմի մասնակից։ ԽՄԿԿ անդամ (1939):
Եզեկ Նալբանդյան | |
---|---|
Ծնվել է | 1918 |
Ծննդավայր | Օձուն, Բորչալուի գավառ, Ռուսական կայսրություն |
Քաղաքացիություն | Ռուսական կայսրություն և ԽՍՀՄ |
Կրթություն | Հայկական պետական մանկավարժական համալսարան |
Մասնագիտություն | մանկավարժ |
Կուսակցություն | ԽՄԿԿ |
Պարգևներ և մրցանակներ |
Կենսագրություն խմբագրել
Եզեկ Նալբանդյանը ծնվել է 1918 թվականին, Թումանյանի շրջանի Օձուն գյուղում։ 1936 թվականին ավարտել է Օձունի միջնակարգ դպրոցը և ուսուցիչ նշանակվել Ճոճկան գյուղում, միաժամանակ սովորել է Երևանի հեռակա մանկավարժական ինստիտուտում։ 1939 թվականին ընդունվել է կոմունիստական կուսակցության շարքերը[1]։
Նալբանդյանը բանակ զորակոչվել է 1940 թվականին։ Պատերազմական գործողություններին մասնակցել է 1941 թվականին Մարիոպոլի շրջանում։ Մասնակցել է Ռոստովի պաշտպանությանը, որտեղ և վիրավորվել է։ Հոսպիտալում բուժվելուց հետո կրկին մեկնել է գործող բանակ, մասնակցել է Գորյաչի Կլյուչի շրջանում ծավալված կռիվներին, վիրավորվել է և տեղափոխվել հոսպիտալ։ 1943 թվականին Նալբանդյանը գործուղվել է Իվանովոյի ռազմաքաղաքական ուսումնարանը, որն ավարտելուց հետո լեյտենանտի կոչումով մեկնել է գործող բանակ։ Մասնակցել է Ուկրաինայի, Լեհաստանի և Չեխոսլովակիայի ազատագրման մարտերին և մի քանի անգամ վիրավորվել է։ Նալբանդյանը պարգևատրվել է Հայրենական պատերազմի առաջին աստիճանի շքանշանով[1]։
Նալբանդյանը բանակից զորացրվել է 1947 թվականին, վերադարձել հայրենի շրջանը, անցել ուսուցչական աշխատանքի։ Ավարտել է ՀԿԿ Կենտկոմին կից 2-ամյա կուսակցական դպրոցը և աշխատանքի անցել ներքին գործերի նախարարության մարմիններում։ 1952 թվականին ավարտել է Երևանի Խաչատուր Աբովյանի անվան մանկավարժական ինստիտուտի պատմության ֆակուլտետը։ 1971 թվականին Նալբանդյանը կրկին անցել է մանկավարժական աշխատանքի։ Եղել է Երևանի Մաքսիմ Գորկու անվան դպրոցի զինղեկը[1]։
Պարգևներ խմբագրել
- Հայրենական պատերազմի առաջին աստիճանի շքանշան