Վիքիպեդիա

Դանելիա Տուլեշովա

Դանելիա Ալեքսանդրի Տուլեշովա (հուլիսի 18, 2006(2006-07-18)[1][2][3][…], Աստանա, Ղազախստան), ղազախ երգչուհի, Ուկրաինայի «Մանկական ձայնը» հեռուստաշոուի 4-րդ եթերաշրջանի ֆինալիստ և հաղթող, «Մանկական Նոր ալիք 2015» երգի մրցույթի «Հանդիսատեսի համակրանք», «Մանկական Եվրատեսիլ 2018» երգի մրցույթի Ղազախստանի ներկայացուցիչ[4], որտեղ զբաղեցրել է 6-րդ հորիզոնականը, և «BraVo» երաժշտական մրցանակի դափնեկիր[5][6][7]։

Դանելիա Տուլեշովա
Հիմնական տվյալներ
Բնօրինակ անունղազ.՝ Данэлия Александровна Тулешова
Ծնվել էհուլիսի 18, 2006(2006-07-18)[1][2][3][…] (18 տարեկան)
Աստանա, Ղազախստան
Երկիր Ղազախստան
Ժանրերփոփ
Մասնագիտություներգչուհի
Գործիքներվոկալ
 Daneliya Tuleshova Վիքիպահեստում

Առավել հայտնի է «Stone Cold» երգի կատարմամբ, որի ձայնագրությունը «YouTube»-ում հավաքել է ավելի քան 43 միլիոն դիտում[8]։

Կենսագրություն

խմբագրել

Դանելիա Տուլեշովան ծնվել է Նուր-Սուլթանում, բայց մի քանի տարի անց ընտանիքի հետ տեղափոխվել է Ալմաթի[9]։

Մանուկ հասակից երգում է։ Նրա երաժշտական տաղանդն առաջինը նկատել է հայրը, որն ավարտել է երաժշտական դպրոցի դաշնամուրի բաժինը։ Մայրը նույնպես ունի վոկալային տվյալներ, հայրն ու մայրն ունեն լավ լսողություն։

3 տարեկանից Դանելիան հաջող կերպով զբաղվել է մարմնամարզությամբ[10][11], նա հեշտությամբ է կատարել ձգումներ, բայց ընկել է բլուրից և ստացել լուրջ տրավմաներ, ինչից հետո մի քանի տարի բուժվել է[10]։

Այնուհետև Դանելիան հաճախել է Լինա Արիֆուլինայի անվան մասնագիտացված դպրոցը, որտեղ նա յուրաքանյուր կիրակի զբաղվել է վոկալի, պարի և դերասանական վարպետության խմբային պարապմունքներով[9], վոկալով անհատական չի զբաղվել[12]։

Զուգահեռ Դանելիան հաճախել է պարի ստուդիա․ 2016 թվականից ակտիվորեն զբաղվել է փողոցային պարերով և ներկայացել «Kinder Boogie» պարային խմբի հիփ հոփի մանկական կազմում՝ Ղազախստանում և Կենտրոնական Ասիայում հաղթելով շատ փառատոններ՝ Ալեքսանդրա Ֆիլիպովայի ղեկավարությամբ[13][14][15][16]։

Մոր խոսքերով՝ հատկապես պարերի ժամանակ ուշադրություն են դարձրել նրան՝ ինչպես է Դանելիան նրբամտորեն զգում երաժշտությունը[11]։

Արվեստի դպրոցի հաշվետու համերգում Դանելիան կատարել է IOWA-ի «Улыбайся» երգը, ինչից հետո Լինա Արուֆլինան աղջկան ուղարկել է «Այալագան Աստանա» հանրապետական մրցույթի քասթինգին, որտեղ Դանելիան հաղթել է գրան-պրի և «Հանդիսատեսի համակրանք» մրցանակ[9]։ Մրցույթի մրցատյանի ներկայացուցիչ Միտյա Ֆոմինը «Smile» երգի քավեր տարբերակից հետո 8-ամյա երգչուհուն անվանել է «Մերիլին Մոնրոյի վերամարմնավորում՝ առանձնահատուկ մատնանշելով նրա արտիստիզմը[17]։

 
Դանելիա Տուլեշովան «Մանկական Նոր ալիք 2015» երգի մրցույթում (Արտեկ)

Հենց 2015 թվականին Դանելիան «Մանկական Նոր ալիք 2015» երգի մրցույթում ստացել է «Հանդիսատեսի համակրանք» մրցանակը[18]։

«Այալագան Աստանա» մրցույթից հետո 2016 թվականի կեսերին ծնողները Դանելիային ուղարկել են վոկալի ուսուցիչ Նատալյա Ալեքսանդրի Չուրակովայի մոտ, որը լրջորեն զբաղվել է պատանի երգչուհու վոկալային տեխնիկայով[9]։ Ուշագրավ է, որ Չուրակովան Դանելիային հեռուսատեսությամբ առաջին անգամ տեսել է 2015 թվականին, իսկ 1,5 տարի անց աղջկան ուղարկել են Չուրակովայի մոտ՝ սովորելու։ Ընդ որում, Դանելիան արդեն կարողանում էր երգել, ուներ բնածին վոկալային տվյալներ և ձայնի լավ տեմբր։ Վոկալի ուսուցչին մնացել էր միայն բարելավել ձայնը և ընդլայնել երգեցողական ձայնածավալը[10]։

Ինչպես ասել է Նատալյա Չուրակովան. «Աշխատել այնպիսի երեխայի հետ, ինչպիսին Դանելիան է, հաճույք է, երբ դու տանդեմում աշխատում ես և չես պահանջում նրան որևէ բան անել, որովհետև այդպես էին ցանկանում ծնողները»[11]։

Վոկալի առաջին դասերից հետո Դանելիան «Kinder Boogie» պարային խմբի կազմում ներկայացել է «Космос» երգով[19][20]։

Առաջին անգամ Դանելիայի մայրը դեմ էր դստեր երաժշտական գործունեությանը, աղջկան դրդում էր ուսմանը, բայց «Այալագան Աստանա» և «Եվրոպայի հույս» միջազգային մրցույթներում հաջողություններ գրանցելուց հետո ամեն ինչ հարթվել է[11]։

 
Դմիտրի Մոնատիկը և Դանելիա Տուլեշովան Ուկրաինայի «Մանուկների ձայն»-ում (2017), Կիև

Դանելիան նաև հանդես է եկել Վրաստանում կայացած «Մանկական Եվրատեսիլ 2017 երգի մրցույթ»-ում[11][21]՝ Andra Day-ի «Rise Up» և «Մյուսները» երգերով[22]։

Դանելիայի հայրն օգնել է դստերը խուսափել անգլերենում շեշտադրությունից (ակցենտ), հատկապես «Stone Cold» երգի նախապատրաստական աշխատանքների ժամանակ։ Կիևում Դանելիան սովորում էր օրական 5 ժամ։ «Որպեսզի չայրվի», մնացած ժամանակն անցկացնում էր քաղաքում՝ զբոսնելով քաղաքով մեկ։ Դանելիան նաև հաճախել է ուկրաիներենի դասուսույցի մոտ, որպեսզի ավելի լավ երգի։ Դանելիայի մայրը, որը նախկինում դիմահարդար էր, օգնում էր երեխային նորաոճ ներկայանալ ելույթներին, ինչպես նաև դստեր գործունեության ղեկավարն է և պրոդյուսերը[12]։

«Մյուսները» տեսահոլովակում Դանելիան նկարահանվել է կրտսեր եղբոր և քրոջ, ինչպես նաև իր անձնակազմի՝ «Kinder Boogie»-ի հետ[9]։

 
Դանելիա Տուլեշովան «Մանկական Եվրատեսիլ 2018 երգի մրցույթ»-ում, Մինսկ

«Մանկական Եվրատեսիլ 2018 երգի մրցույթ»-ում 12-ամյա երգչուհի Դանելիա Տուլեշովան զբաղեցրել է 6-րդ հորիզոնականը՝ ներկայացնելով ղազախերեն «Өзіңе сен» («Հավատա ինքդ քեզ») երգը։ Ղազախստանն առաջին անգամ էր ներկայանում հեղինակավոր վոկալային մրցույթում[23]։

Սիրելի երաժիշտներն են Դմիտրի Մոնատիկը, Ջենիֆեր Լոպեսը, Բիյոնսեն, Մայլի Սայրուսը, Թեյլոր Սվիֆթը[24], Արիանա Գրանդեն, Շոն Մենդեսը, Նիքի Մինաժը, Քարդի Բին[25]։

2019 թվականին Դանելիան համատեղում է վոկալի ուսուցումը ֆիզիկամաթեմատիկական և ամերիկյան դպրոցներում ուսման հետ[9][26]։

Զուգերգեր հայտնի երգիչների հետ

խմբագրել

Դանելիա Տուլեշովան «Մանկական Նոր ալիք»-ում ելույթ է ունեցել երգչուհի Ժասմինի հետ։ Նրանք միասին կատարել են «Берегите родных» սրտառուչ երգը։ Բացի այդ, Դանելիան երգել է երգչուհի Նյուշայի հետ։ 2016 թվականին «Ծննդյան օրերի երգ» համերգում ելույթ է ունեցել ռուս երգչուհի Վալերիայի հետ՝ կատարելով «Маленький самолет» երգը[27]։ 2018 թվականին զուգերգ է կատարել Զազի հետ[5]։

Ընտանիք

խմբագրել

Հայրը Ալեքսանդր Սերգեյի Տուլեշովն է, մայրը՝ Ելենա Տուլեշովան։ Դանելիան ունի կրտսեր եղբայր՝ Թիմուրը, և կրտսեր քույր՝ Ամելին։ Երգչուհու դաստիարակությամբ ակտիվորեն զբաղվում են պապիկները և տատիկները։ Դանելիան յուրաքանչյուր հարցազրույցում առանձնակի ընգծում է մեծ ընտանիքի դերն իր աջակցության հարցում։

  Արտաքին պատկերներ
Լուսանկարներ
  Տուլեշովյան ընտանիքի լուսանկարներ


Դանելիա անունը առաջացել է ղազախական «հատիկ» (дән) բառից։ Նրանք ուզում էին երեխային տալ Դանել անունը, բայց նրանք սխալ են թույլ տվել, երբ գրանցել են ծննդյան վկայականը, ուստի ինքնըստինքյան ստացվել է եզակի բեմական անուն[28]։

Սկավառակագրություն

խմբագրել

Սինգլներ

խմբագրել
  • «Другие» (2016)
  • «Космос» (2016)
  • «Өзіңе сен» (2018)
  • «Мама» (2019)

Տեսահոլովակներ

խմբագրել
  • «Космос» (2016)[29]
  • «Другие» (2017)[30]
  • «Өзіңе сен» (2018)[31]
  • «Каникулы off-line» feat. AlvinToday (2019)[32]
  • «Мама» (2019)[33]

Հանրահռչակ և հաջողված (ըստ YouTube-ի դիտումների) քավեր տարբերակներն են՝

Ծանոթագրություններ

խմբագրել
  1. ↑ 1,0 1,1 https://iamdaneliya.com/
  2. ↑ 2,0 2,1 https://junioreurovision.tv/participant/daneliya-tuleshova
  3. ↑ 3,0 3,1 https://kidsmusic.info/artists/daneliya-tuleshova
  4. ↑ Анастасия Вылегжанина, Алма Оразбаева (2018 թ․ սեպտեմբերի 24). «Данэлия Тулешова представит Казахстан на «Детском Евровидении»». Хабар. Վերցված է 2018 թ․ սեպտեմբերի 25-ին.
  5. ↑ 5,0 5,1 «Данэлия Тулешова стала обладательницей премии «BraVo» @ kids'music». Վերցված է 2018 թ․ մայիսի 7-ին.
  6. ↑ «Премия BraVo назовёт лучших классических и популярных музыкантов». ТАСС. Վերցված է 2018 թ․ մայիսի 7-ին.
  7. ↑ «В Москве объявили номинации международной профессиональной музыкальной премии BraVo». Առաջին ալիք. Վերցված է 2018 թ․ մայիսի 7-ին.
  8. ↑ Голос країни (2017 թ․ նոյեմբերի 5). «Данэлия Тулешова "Stone Cold" – выбор вслепую – Голос. Дети 4 сезон». Վերցված է 2018 թ․ մայիսի 7-ին.
  9. ↑ 9,0 9,1 9,2 9,3 9,4 9,5 Данэлия Тулешова для New Generation на Kazakh TV
  10. ↑ 10,0 10,1 10,2 10-летняя Данэлия Тулешова о конкурсе «Голос» и о «страшных» судьях
  11. ↑ 11,0 11,1 11,2 11,3 11,4 Данэлия Тулешова дает интервью Первому каналу Евразия
  12. ↑ 12,0 12,1 Данэлия Тулешова интервью Комсомольской Правде
  13. ↑ Данэлия Тулешова на Showtime 2016
  14. ↑ Данэлия Тулешова в полуфинале Street dance session Astana 2016
  15. ↑ Выступление Kinder Boogie на hip hop kids в Mega Park. 01.10.2016
  16. ↑ Kinder Boogie на Street dance session Astana 2016
  17. ↑ Данэлия Тулешова ft Adam Smile Аялаган Астана 2015 день 2
  18. ↑ Данэлия Тулешова (Казахстан)
  19. ↑ VK. Александр Филиппов
  20. ↑ Данэлия Тулешова и танцевальный проект Kinder Boogie - Космос (Dance Version)
  21. ↑ Данэлия Тулешова – Andra day (Выступление на Евроклубе при Детское Евровидение 2017)
  22. ↑ Данэлия Тулешова - Другие (Выступление на Евроклубе при Eurovision Junior 2017)
  23. ↑ Данэлия Тулешова заняла 6-е место на "Детском Евровидении"
  24. ↑ Данэлия Тулешова. Блиц-Интервью журналу VintageKZ
  25. ↑ Эксклюзивное интервью! ДАНЭЛИЯ ТУЛЕШОВА _ Спела KAZKA - Плакала, Детское Евровидение-2018, MONATIK
  26. ↑ kidsmusic.info Данэлия Тулешова (Казахстан)
  27. ↑ Школьные утренники, домашние концерты и большая сцена. Все выступления Данэлиы Тулешовой
  28. ↑ «Ошибка в имени и однофамилица олигарха: что известно о победителе Голос.Діти-4». Шоу. Վերցված է 2018 թ․ մայիսի 8-ին.
  29. ↑ Данэлия Тулешова — Космос (Премьера клипа!)
  30. ↑ Данэлия Тулешова - Другие / Daneliya Tuleshova - The Others / Official video
  31. ↑ Daneliya Tuleshova – «Өзіңе сен» | Seize the time
  32. ↑ Daneliya Tuleshova (2019 թ․ մարտի 11). «Данэлия Тулешова/Daneliya Tuleshova feat. AlvinToday - Каникулы off-line (OST "Каникулы off-line")». Վերցված է 2019 թ․ մարտի 11-ին.
  33. ↑ Данэлия Тулешова - МАМА | Daneliya Tuleshova - MAMA
  34. ↑ МОНАТИК - Вечность / MONATIK - Eternity / Cover By Daneliya Tuleshova
  35. ↑ Данэлия Тулешова - Тримай (Христина Соловiй cover)
  36. ↑ Rihanna - Love on the brain (cover by Daneliya Tuleshova)
  37. ↑ Sia - Everyday is Christmas, Cover by Daneliya Tuleshova, Данэлия Тулешова, Live Acoustic version
 Վիքիպահեստն ունի նյութեր, որոնք վերաբերում են «Դանելիա Տուլեշովա» հոդվածին։
Ստացված է «https://hy.wikipedia.org/w/index.php?title=Դանելիա_Տուլեշովա&oldid=9455386» էջից