Շոն Փիթեր Ռաուլ Մենդես (անգլ.՝ Shawn Peter Raul Mendes, օգոստոսի 8, 1998(1998-08-08)[1][2], Տորոնտո, Օնտարիո[1]), կանադացի երգիչ, երգերի հեղինակ։ Հայտնի է դարձել 2013 թվականից «Vine» հավելվածում` կարճ երաժշտական նյութեր տեղադրելով[3]։ 2014 թվականի դրությամբ հանդիսացել է 3-րդ ամենաշատ հետևորդներ ունեցող վայները։

Շոն Մենդես
Shawn Mendes at The Queen's Birthday Party (cropped 2).jpg
Հիմնական տվյալներ
Ծնվել էօգոստոսի 8, 1998 (21 տարեկան)
Կանադա Տորոնտո, Օնտարիո, Կանադա
ԵրկիրFlag of Canada.svg Կանադա
Ժանրերժամանակակից ժողովրդական երաժշտություն, ռիթմ էնդ բլյուզ, փոփ֊ֆոլք, փոփ երաժշտություն, ակուստիկ երաժշտություն և փոփ ռոք
Մասնագիտությունյութուբյան աստղ, երգիչ, երգահան
Երգչաձայնլիրիկական տենոր
Գործիքներկիթառ, դաշնամուր, վոկալ և ստեղնաշարային գործիքներ
ԼեյբլIsland Records
ՊարգևներԿանադայի Փառքի ծառուղի
Կայքshawnmendesofficial.com
Shawn Mendes Վիքիպահեստում

Մենդեսի կողմից թողարկված դեբյուտային «Life of the Party» սինգլը հայտնի դարձավ ծննդավայր Կանադայում։

Վաղ կյանքԽմբագրել

Ծնվել է Կանադայի Տորոնտո քաղաքում և մեծացել Պիկերինգում։ Մայրը՝ Քերենը, անշարժ գույքի գործակալ է, իսկ հայրը՝ Մանուել Մենդեսը, գործարար։ Հայրն ունի պորտուգալական արմատներ, իսկ մայրը՝ անգլիական։ Ունի փոքր քույր։

ԿարիերաԽմբագրել

 
Հարցազրույց «Ամերիկայի Ձայն»-ի լրագրողի հետ, 2014թ․

2013-2015: HandwrittenԽմբագրել

Մենդեսը սովորել է կիթառ նվագել ՅուԹյուբում տեսանյութեր դիտելով 2012 թվականին, երբ նա 13 տարեկան էր[4]: Ավելի քիչ, քան մի տարի հետո նա սկսել է քավեր-վիդեոներ տեղադրել Vine-ում՝ մի քանի ամսում հավաքելով միլիոնավոր դիտումներ և հետևորդներ: 2014 թվականի օգոստոսի տվյալներով նա հետևորդների քանակով երրորդ տեղն էր զբաղեցնում Vine-ում[5]: Մենեջեր Էնդրյու Գերտլերը հայտնաբերել է նրան 2013 թվականի նոյեմբերին՝ բերելով նրան Island Records 2014 թվականի հունվարին: Նա պաշտոնապես թողարկել է իր առաջին սինգլը՝ «Life of the Party»-ն, հունիսի 26-ին, 2014 թվական: «Something Big»-ը՝ նրա երկրորդ սինգլը, թողարկվել է նոյեմբերի 6-ին, 2014 թվական[6]:

Յութուբյան դեմք Օսթին Մահոունի հետ Մենդեսը մասնակցել է համերկրյա շրջագայությունների։ 2014 թվականին արժանացել է «Teen Choice» մրցանակի՝ Երաժշտական վեբաստղի կատեգորիայում։ 2015 թվականի ապրիլի 14-ին թողարկել է «Handwritten» կոչվող երաժշտական ալբոմը։ Ալբոմի 3-րդ կատարումը՝ «Stitches»-ը, տեղ է գտնում «Billboard Hot 100» ցանկում։ Մասնակցել է Թեյլոր Սվիֆթի «1989» ալբոմի միջազգային շրջագայությանը։

2016-2017: IlluminateԽմբագրել

 
Կենդանի համերգ, 2017 թ․

2016 թվականի հունվարի 21-ին Մենդեսը հանդես է եկել «The CW's The 100»-ի երրորդ սեզոնի պրեմիերային, որից հետո նա հայտարարել է իր երկրորդ համերկրյա շրջագայությունը Հյուսիսային Ամերիկայում եւ Եվրոպայում` տալով 38 ելույթ: Նույն թվականին Մենդեսը կնքել է պայմանագիր «Wilhelmina Models» մոդելավորման գործակալության հետ և հանդես է եկել «Forbes»-ում իրենց ամենամյա «30 Under 30» ցուցակում:

2016 թվականի հունիսին թողարկել է «Treat You Better»-ը՝ երկրորդ ստուդիական ալբոմի գլխավոր սինգլը[7], որը զբաղեցրել է «Billboard Hot 100»-ի եւ «UK Singles Chart»-ի լավագույն տասնյակի հորիզոնականը՝ հավակնելով եռակի պլատինե սերտիֆիկատ։ «Mercy»-ն՝ ալբոմի երկրորդ սինգլը, թողարկվել է 2016 թվականի օգոստոսի 18-ին, որը ԱՄՆ«Billboard 200»-ում զբաղեցրել է առաջին հորիզոնոկանը։ Սինգլի թողարկված 145․000 պատճեններից վաճառվել է 121․000 հատ և ստացել պլատինե սերտիֆիկատ։

Մենդեսի «Live at Madison Square Garden» կենդանի կատարմամբ ալբոմը թողարկվել է 2016 թվականի դեկտեմբերին: Նույն ամսին հանդես է եկել «Saturday Night Live»-ում որպես երաժշտական հյուր։ «There's Nothing Holdin' Me Back»-ը՝ նրա երրորդ սինգլը՝ թողարկված 2017 թվականիի ապրիլի 20-ին, զբաղեցրել է «Mainstream Top 40» շքերթի առաջին հորիզոնականը։ 2017 թվականի օգոստոսին նա դարձել է առաջին 20 տարեկան երաժիշտը, ում հաջողվել է զբաղեցնել «Adult Pop Songs» շքերթը 3 տարբեր կատարումներով։ 2017 թվականի ապրիլի 27-ին սկսվել է «Illuminate World Tour»-ը (համերգային շրջագայություն), որն ավարտվելու է 2017 թվականի դեկտեմբերի 18-ին:

2018 – ներկաԽմբագրել

2018 թվականի մարտի 22-ին Մենդեսը թողարկել է երրորդ ստուդիային ալբոմի առաջատար սինգլը՝ «In My Blood»-ը, որին հաջորդեց երկրորդ՝ «Lost in Japan» սինգլը: 2018 թվականի ապրիլի 21-ին նա հանդես է եկել հեռուստատեսային համերգով, որը նվիրված էր Եղիսաբեթ II թագուհու ծննդյան 92-րդ տարեդարձին: Նրա ինքնատիպ գեղարվեստական ալբոմը թողարկվել է 2018 թվականի մայիսի 25-ին։ Այն զբաղեցրել է ԱՄՆ-ի «Billboard 200»-ի 1-ին հորիզոնականը: Ալբոմի ճանաչողությանը նպաստելու համար Մենդեսը մտադիր է շարունակել իր համերկրյա շրջագայությունը 2019 թվականին:

Երաժշտական ճաշակի ձևավորումԽմբագրել

Մենդեսը հիմնականում հայտնի էր որպես փոփ և ֆոլկ-փոփ երգիչ[8][9]։ Մենդեսի երաժշտական ճաշակի վրա մեծ ազդեցություն են ունեցել Ջոն Մեյերը, Էդ Շիրանը և Ջասթին Թիմբերլեյքը[10]։ Մեծանալով Մենդեսը սկսել է լսել ռեգգի երաժշտություն, Լեդ Զեփելինին, Գարթ Բրուքսին և իր ծնողների շնորհիվ ծանոթացել է նաև քանթրի երաժշտության հետ[11][12]: Նա բացահայտեց, որ իր երկրորդ ստուդիական ձայնասկավառը ծնվել է Մեյերից ոգեշնչվելով, իսկ երրորդ ձայնասկավառակը Թիմբերլեյքից, Քանյե Ուեսթից, Kings of Leon-ից և Դենիել Սիզրից ոգեշնչվելու արդյունքում է ի հայտ եկել[13]: Ըստ «Rolling Stone» ամսաթերթի խմբագիր Բրիթնի Սփանոսի՝ Շոն Մենդեսը միաձուլում է ռիթմիկ, ակուստիկ և ֆոլք-փոփ ելևէջներ իր երգերում, իսկ ըստ Նյու Յորք Թայմսի խմբագիր Ջո Քոսկարելիի՝ Շոնի մեղմ, երբեմն զգացմունքային փոփ-ռոք ոճի մեղեդիները առաջին հերթին գրավում են դեռահասներին, բայց դրանք արդեն տեղ են գտնում նաև մեծերի համար նախատեսված ռադիոհաղորդումներում[9][14]:

  Ես ուզում եմ մարդկանց համար հիմներ ստեղծել: Ես ցանկանում եմ հիմներ ստեղծել՝ նրանց կյանքի լավագույն պահերը իմաստավորելու համար...Ես չեմ ուզում, որ իմ երաժշտությունը մի քանի ամիս լսեն, հետո այն ընդմիշտ հեռանա: Եվ ոչ միայն դա. ես ուզում եմ անհավանական բաներ անել, որոնք նույնպես փոփոխություն կմտցնեն ու դրական ազդեցություն կունենան: Կարծում եմ կարևորը ոչ միայն երաժշտություն թողարկելն է, այլ այն զգացմունքները, որոնք ի հայտ են գալիս երաժշտությունը ստեղծելիս[15]
- նշել է Մենդեսը «Clash» թերթին տված հարցազրույցում
 

ԲարեգործությունԽմբագրել

2014 թվականին Մենդեսը եւ DoSomething.org կազմակերպեւթյունը համատեղ սկսել են իրենց նախընտրական քարոզարշավը, որը կոչվում էր «Notes from Shawn»: Քարոզարշավը ոգեշնչված էր Մենդեսի առաջին սինգլի՝ «Life of the Party»-ի բառերով և շարունակություն ստացավ հաջորդ 2 տարիներին։ Նա նաև համատեղ աշխատանքներ է տարել «Pencils of Promise» հասարակական կազմակերպության հետ Գանայում դպրոց կառուցելու համար։ 2017 թվականի սեպտեմբերին Մեքսիկայում տեղի ունեցած երկրաշարժի ավերածություններից հետո Մենդեսը ստեղծել է «Mexico Earthquake Relief» հիմնադրամը Կարմիր խաչ-ի հետ համատեղ՝ նվիրաբերելով $100,000 օգնություն:

Անձնական կյանքԽմբագրել

Մենդեսը միշտ բաց է եղել իր տագնապային խանգարման դեմ պայքարի մասին խոսելիս, որը նա հանրությանը բացահայտել է իր երրորդ ստուդիական ձայնասկավառակի «In My Blood» երգի միջոցով։ Նա խոստովանել է, որ թերապիա էր ընդունում՝ իր մտավոր առողջությունը վերականգնելու նպատակով՝ պնդելով՝ նա մի քանի անգամ խոսել է թերապիստի հետ։ Թերապիան նրան օգնում է։ Թերապիան ենթարկվում է երաժշտությանն ու վազում է վազքուղով, թերապիան քեզ և ընկերներիդ հետ միասին գալիս է ընթրիքի։ Դա մի բան է, որ կտրում է քեզ աշխարհից, օգնում է քեզ բուժվել և թերապիայի հանդեպ քո վերաբերմունքից է ամեն ինչ կախված։ Մենդեսը մեծ ջանքեր է գործադրել՝ իր հարազատների հետ ավելի մտերմանալու համար։ Նա գտնում էր, որ բոլորից կտրվել էր՝ կարծելով, որ դա կօգներ պայքարել հիվանդության դեմ, բայց միայն վերջում գիտակցեց՝ միակ միջոցը պայքարելու ամբողջովին բացվելն էր ու մարդկանց իր կյանք թողնելն էր[16]}}։

Այն, ինչ վերաբերում է իր սեռական կողմնորոշմանը, Մենդեսը պնդել է, որ առաջին հերթին նա գեյ չէ, իսկ երկրորդ հերթին դա ոչ մի նշանակություն չպիտի ունենար։ Պետք է կենտրոնանալ երաժշտության վրա, այլ ոչ թե իր սեռական կողմնորոշման[17][18][19]։

2019 թվականի հուլիսից նա հանդիպում էր կուբա-ամերիկյան երգչուհի Կամիլա Կաբելոյի հետ[20][21][22]։ Նրանց հարաբերությունները միշտ հասարակության քննարկման կիզակետում էին, քանի որ երկուսին մեղադրում էին հրապարակայնության համար հարաբերություններ կառուցելու մեջ, բայց Մենդեսը պնդել է, որ դա հաստատ մարքեթինգային հնարք չէր[23]։

Մրցանակներ և անվանակարգերԽմբագրել

Մենդեսը արժանացել է մի շարք մրցանակների եւ անվանակարգերի, այդ թվում` ութ «MTV Europe Music Awards», չորս «iHeartRadio Much Music Video Awards», «American Music Award», երեք «Juno Awards» եւ Կանադայի Փառքի ճանախարհի-ի «Allan Slaight»-ի պարգեւը:

2015 թվականին եղել է «SOCAN Awards»-ի դափնեկիրը: 2016 թվականին արժանացել է մրցանակի «People's Choice Award»-ի կողմից։ 2017 թվականին «Treat You Better» սինգլը առաջադրվել է «MTV Video Music Award»-ի լավագույն փոփ տեսահոլովակի համար: Նա նաեւ հաղթել է 2018 թվականին «Juno» մրցանակաբաշխության «Single of the Year» (տարվա լավագույն սինգլ) նոմինացիայում, իր «There’s Nothing Holding Me Back» սինգլի համար:2018 թվականին Մենդեսը նաեւ ստացել է մրցանակ SOCAN « Awards»-ի կողմից, որպես տարվա լավագույն երգահան:

ՍկավառակագրությունԽմբագրել

Ստուդիական ալբոմներԽմբագրել

ՖիլմագրությունԽմբագրել

Հեռուստատեսության եւ կինոյի դերեր
Տարեթիվ Անվանում Դեր Նշումներ
2013 Metegol Young Jake Կրկնօրինակում
2015 Yo quisiera Ինքն իրեն Դրվագ: «Yo soy la bloguera de moda»
2016 The 100 (սերիալ) Macallan Դրվագ: «Wanheda: մաս 1»

ԾանոթագրություններԽմբագրել

  1. 1,0 1,1 1,2 Allmusic — 1991.
  2. ČSFD — 2001.
  3. «Getting Honest With Shawn Mendes»։ Honest Blue 
  4. https://www.axs.com/shawn-mendes-5-things-you-didn-t-know-50268
  5. http://www.hngn.com/articles/142503/20151021/shawn-mendes-5-things-you-need-to-know-about-the-vine-star-turned-chart-topping-singer-photos.htm
  6. http://www.mtv.com/news/1990288/shawn-mendes-something-big-released/
  7. http://www.billboard.com/articles/news/7438055/shawn-mendes-treat-you-better-video
  8. David Jeffries։ «Shawn Mendes AllMusic»։ AllMusic։ Վերցված է նոյեմբերի 11, 2017 
  9. 9,0 9,1 «Shawn Mendes on Grown-Up New LP, John Mayer's Advice, Dream Acting Role»։ Rolling Stone։ սեպտեմբերի 23, 2016։ Վերցված է հոկտեմբերի 29, 2016 
  10. Lynn Jennifer (սեպտեմբերի 2, 2014)։ «MTV Meets: Shawn Mendes»։ MTV։ Վերցված է սեպտեմբերի 27, 2015 
  11. Pankey William (մայիսի 27, 2015)։ «Q&A: Shawn Mendes talks touring, musical influences and having a No. 1 album»։ AXS։ Վերցված է սեպտեմբերի 27, 2015 
  12. «Shawn Mendes Says John Mayer Was The Inspiration Behind His Second Album»։ ET Canada։ սեպտեմբերի 23, 2016։ Վերցված է ապրիլի 4, 2018 
  13. Schiller Rebecca (մարտի 23, 2018)։ «Shawn Mendes Talks Justin Timberlake-Inspired 'Lost in Japan,' Says He's 'Really Proud' of 'In My Blood': Watch»։ Billboard։ Վերցված է մարտի 23, 2018 
  14. «Shawn Mendes, Pop Idol, Is Not Banking on a Gimmick»։ The New York Times։ սեպտեմբերի 20, 2016։ Վերցված է հոկտեմբերի 18, 2016 
  15. «Shawn Mendes Is The First Face Of Issue 104»։ Clash Magazine։ Վերցված է 23 August 2017 
  16. «Shawn Mendes undergoes therapy to cure anxiety»։ Business Standard։ ապրիլի 21, 2018։ Վերցված է ապրիլի 22, 2018 
  17. Real Evan (հունիսի 24, 2016)։ «Shawn Mendes Responds to Rumors About His Sexuality»։ Us Weekly։ Վերցված է նոյեմբերի 27, 2018 
  18. Brammer John Paul (մայիսի 9, 2018)։ «Let Shawn Mendes Be Heterosexual in Peace»։ them.։ Վերցված է նոյեմբերի 27, 2018 
  19. Doyle Patrick (նոյեմբերի 26, 2018)։ «Shawn Mendes: Confessions of a Neurotic Teen Idol»։ Rolling Stone։ Վերցված է նոյեմբերի 27, 2018 
  20. «Inside Shawn Mendes and Camila Cabello's relationship»։ Capital FM։ 2019-09-12։ Վերցված է 2019-10-10 
  21. Cooper Leonie (սեպտեմբերի 13, 2019)։ «Bad fauxmance: when celebrity couples become PR stunts»։ The Guardian (en-GB)։ Վերցված է հոկտեմբերի 10, 2019 
  22. Bonner Mehera (2019-07-30)։ «Shawn Mendes and Camila Cabello's Relationship Timeline»։ Cosmopolitan.com։ Վերցված է 2019-10-10 
  23. Bailey Alyssa (2019-09-19)։ «Shawn Mendes Wants You To Know His Relationship With Camila Cabello Is 'Not A Publicity Stunt'»։ elle.com։ Վերցված է 2019-10-20