Բյութիֆուլ
«Բյութիֆուլ» (իսպ.՝ Biutiful), Ալեխանդրո Գոնսալես Ինյարիտուի՝ 2010 թվականին նկարահանված դրամատիկ ֆիլմը։ 2010 թվականի Կաննի փառատոնի հիմնական մրցույթի մասնակից[14]։
Սյուժե
խմբագրելՖիլմը պատմում է Ուզբելի մասին, ով ամուսնալուծված է, ապրում է երկու երեխաների հետ։ Նա իմանում է, որ տառապում է անբուժելի հիվանդությամբ։ Ֆիլմի ընթացքում նա պատրաստվում է իրա մոտալուտ մահվանը. հիշում ա անցյալն ու կարգավորում գործերը ներկայում։ Գլխավոր հերոսը ներգրավված է անօրինական զբաղմունքի մեջ. օգնում է անօրինական իմիգրանտներին աշխատանք գտնել՝ դրանից որոշակի շահույթ ունենալով։ Նրա խնամատարության ներքո էին մի քանի տասնյակ չինացիներ, ովքեր տարբեր բանվորական աշխատանքներ էին կատարում։ Խնայողության նպատակով այդ իմիգրանտների բնակավայր հանդիսացող նկուղի համար նա գնում է էժանագին ջեռուցիչներ, որոնց պատճառով աշխատողները մահանում են շնչահեղձությունից։ Նրան սկսում է սաստիկ տանջել խղճի զգացումը, նրան հետևում են մահացածների պատկերները։ Շուտով նրա կրպակում է հայտնվում ոստիկանությունը, որն ավելի վաղ արդեն բացահայտել էր Բարսելոնայի փողոցներում նրա անօրինական վաճառքի կետերն ու ձերբակալել էր դրանց աշխատողներին։ Միաժամանակ Ուզբալն իմանում է իր նախկին կնոջ ու հարազատ եղբոր կապի մասին։ Նա իր տուն է բերում մի կնոջ՝ Իգեին՝ իր երեխայի հետ (երկրից արտաքսված իմիգրանտներից մեկի կինը)։ Վերջինս օգնում է Ուզբալին պայքարել հասունացող հիվանդության դեմ և խնամել երեխաներին, որոնց մայրը ինքն իր մասին անգամ չէր կարողանում հոգ տանել և շուտով հայտնվում է հիվանդանոցում։ Ուզբալը լուռ մահանում է անկողնում՝ դստեր կողքը պառկած։
Դերերում
խմբագրել| Դերակատար | Դեր |
|---|---|
| Խավիեր Բարդեմ | Ուզբալ |
| Մարիսել Ալվարես | Մարամբրա |
| Հաննա Բուշաիբ | Անա |
| Գիլյերմո Էստրելյա | Մատեո |
| Էդուարդ Ֆերնանդես | Տիտո |
| Դիարյատու Դաֆ | Իգե |
| Ռուբեն Օչանդիանո | Սանկ՝ ոստիկան |
| Անա Վագեներ | Բեա |
| Բլանկա Պորտիլիո | |
| Կարա Էլեխալդե | Մենդոսա |
Ստեղծումը
խմբագրել- Ֆիլմի նկարահանման աշխատանքները սկսվել են 2008 թվականի հոկտեմբերին Բարսելոնայում (Իսպանիա)[15][16]։
- Նկարահանումների ընթացքում՝ 2009 թվականի փետրվարի 12-ին, գլխավոր դերակատար Խավիեր Բարդեմը տարել է միջողնային ճողվածքի հեռացման վիրահատություն[17]։
- Այս ֆիլմը Ինյարիտուի առաջին ֆիլմն է, որը նա նկարահանել է առանց իր հիմնական սցենարիստ Գիլյերմո Արիագայի։ Ռեժիսորն ինքն է գրել ֆիլմի սցենարը[18]։
- Ֆիլմում հիմնականում նկարահանվել են ոչ պրոֆեսիոնալ դերասաններ[19]։
- Դիարյատա Դաֆը սենեգալացի իմիգրանտուհի է, ով ասշխատում է Բարսելոնայից ոչ հեռու գտնվող մի վարաավիրանոցում, Նրա ճակատագիրը գրեթե համընկնում է ֆիլմի հերոսուհի Իգեի ճակատագրի հետ[19]։
Պարգևներ ու անվանակարգեր
խմբագրել
- 2010՝ Կաննի կինոփառատոնի լավագույն դերասանի մրցանակ (Խավիեր Բարդեմ)։
- 2011՝ «Օսկար»-ի երկու անվանակարգ. Լավագույն օտարալեզու ֆիլմ, լավագույն դերասան (Խավիեր Բարդեմ)։
- 2011՝ երկու անվանակարգ BAFTA-ում. լավագույն օտարալեզու ֆիլմ (Ալեխանդրո Գոնսալես Ինյարիտու), լավագույն դերասան (Խավիեր Բարդեմ)։
- 2011՝ «Ոսկե գլոբուս»-ի լավագույն օտարալեզու ֆիլմ նոմինացիա։
- 2011՝ Գոյայի 7 անվանակարգեր՝ երկրորդ պլանի լավագույն դերասան (Էդուարդ Ֆերնանդես), երկրորդ պլանի լավագույն դերասանուհի (Անա Վեգեներ), լավագույն ինքնատիպ սցենար, լավագույն օպերատորական աշխատանք, լավագույն մոնտաժ, լավագույն ինքնատիպ սաունդթրեք, բեմադրող նկարչի լավագույն աշխատանք, և 1 հաղթանակ՝ լավագույն դերասան (Խավիեր Բարդեմ)։
Առաջին ցուցադրություն
խմբագրել- Ֆրանսիա՝ 2010 մայիսի 17 (Կաննի կինոփառատոն 2010); 2010 հոկտեմբերի 20՝ լայն էկրան[20]։
- ԱՄՆ՝ 2010 սեպտեմբերի 4 (կինոփառատոն Տելյուրայդում); 2010 հոկտեմբերի 8 (Միլ-Վոլիի կինոփառատոն); 2010 դեկտեմբերի 29 (սահմանափակ ցուցադրություն)[20]։
- Կանադա՝ 2010 սեպտեմբերի 10 (Միջազգային կինոփառատոն Տորոնտոյում)[20]։
- Մեծ Բրիտանիա՝ 2010 հոկտեմբերի 26 (Կինոփառատոն Լոնդոնում); 2011 հունվարի 28 (լայն էկրան)[20]։
- Էստոնիա՝ 2010 նոյեմբերի 25 («Սև գիշերներ» կինոփառատոնը Թալինում); 2011 փետրվարի 4 (լայն էկրան)[20]։
- Ինդոնեզիա՝ 2010 դեկտեմբերի 5 (Միջազգային կինոփառատոն Ջակարտայում); 2011 փետրվարի 9 (լայն էկրան)[20]։
- ՄԱԷ՝ 2010 դեկտեմբերի 18 (Միջազգային կինոփառատոն Դուբայում)[20]։
- Ռուսաստան՝ 2011 փետրվարի 24[20]։ Պրևեմիերայից հետո ընկած մեկ ամսվա ընթացքում ՌԴ-ում ցուցադրվել է միայն 11 քաղաքներում՝ Մոսկվա, Սանկտ Պետերբուրգ, Սուրգութ, Սամարա, Տագանրոգ, Օմսկ, Եկատերինբուրգ, Նովոսիբիրսկ, Նիժնի Նովգորոդ, Վորոնեժ[21]։
Ծանոթագրություններ
խմբագրել- ↑ http://www.nytimes.com/2010/12/29/movies/29biut.html
- ↑ 2,0 2,1 http://www.imdb.com/title/tt1164999/
- ↑ http://www.filmaffinity.com/es/film336820.html
- ↑ 4,0 4,1 4,2 4,3 4,4 4,5 4,6 Cakarel E. MUBI — 2007.
- ↑ Internet Movie Database — 1990.
- ↑ 6,0 6,1 6,2 6,3 http://www.allocine.fr/film/fichefilm_gen_cfilm=140139.html
- ↑ 7,0 7,1 7,2 http://www.bbfc.co.uk/releases/biutiful-film
- ↑ 8,0 8,1 ČSFD (չեխերեն) — 2001.
- ↑ 9,0 9,1 http://stopklatka.pl/film/biutiful
- ↑ 10,0 10,1 10,2 10,3 http://www.criticalia.com/pelicula/biutiful
- ↑ 11,00 11,01 11,02 11,03 11,04 11,05 11,06 11,07 11,08 11,09 11,10 11,11 http://www.imdb.com/title/tt1164999/fullcredits
- ↑ 12,0 12,1 12,2 12,3 Internet Movie Database — 1990.
- ↑ https://www.webcitation.org/68W4ISGP7?url=http://www.boxofficemojo.com/movies/?page=main
- ↑ «Գեղեցկություն»-ը չտպավորեց Կաննի փառատոնում(չաշխատող հղում)
- ↑ «Filming locations for Biutiful» at IMDB Retrieved September 5, 2009
- ↑ «Inarritu’s Biutiful with Bardem, Prieto and Santaolalla - Author: Susan Thea Posnock» Retrieved September 5, 2009
- ↑ «INJURY TO BLAME FOR BARDEM MISSING CRUZ’S OSCAR WIN» Retrieved September 5, 2009
- ↑ «Иньярриту показал в Канне фильм «Красата»». ՌԻԱ Նովոստի. 17 мая 2010. Արխիվացված օրիգինալից 2012 թ․ ապրիլի 27-ին. Վերցված է 2010 թ․ օգոստոսի 13-ին.
- ↑ 19,0 19,1 «Ամեն ինչի մասին հոգ կտանի տիեզերքը»՝ «Музыкальная правда» թերթ № 04 от 04.03.2011
- ↑ 20,0 20,1 20,2 20,3 20,4 20,5 20,6 20,7 релиз на imdb
- ↑ Բյութիֆուլ Արխիվացված 2015-06-26 Wayback Machinevolgafilm.ru կայքում
Արտաքին հղումներ
խմբագրել- Ֆիլմի պաշտոնական կայքէջ
- «Բյութիֆուլ»(անգլ.) ֆիլմը Internet Movie Database կայքում
- «Բյութիֆուլ» Rotten Tomatoes-ում
- Բյուջեն և շահույթը boxofficemojo.com կայքում
- Բյութիֆուլը Գուգլ փլեյում
- Լավ կինո. «Բյութիֆուլ» (Մեքսիկա, Իսպանիա, 2009)(չաշխատող հղում)