Վիքիպեդիա

Արտակ Ղուլյան

հայ ճարտարապետ

Արտակ Բենիկի Ղուլյան (դեկտեմբերի 28, 1958(1958-12-28), Գյուլիստան, Շահումյանի շրջան (Ադրբեջանի ԽՍՀ), Ադրբեջանական ԽՍՀ, ԽՍՀՄ - ապրիլի 16, 2025(2025-04-16)[1], Երևան, Հայաստան), հայ ճարտարապետ, ճարտարապետության թեկնածու, դոցենտ, Հայաստանի Հանրապետության վաստակավոր ճարտարապետ (2013)[2], Հայաստանի պետական մրցանակի դափնեկիր։

Արտակ Ղուլյան
Ծնվել էդեկտեմբերի 28, 1958(1958-12-28)
ԾննդավայրԳյուլիստան, Շահումյանի շրջան (Ադրբեջանի ԽՍՀ), Ադրբեջանական ԽՍՀ, ԽՍՀՄ
Մահացել էապրիլի 16, 2025(2025-04-16)[1] (66 տարեկան)
Վախճանի վայրԵրևան, Հայաստան
ԿրթությունՀԱՊՀ (1981)
Ուշագրավ աշխատանքներՍուրբ Հովհաննես Մկրտիչ Եկեղեցի
Պարգևներ
 Artak Ghulyan Վիքիպահեստում

Կենսագրություն

խմբագրել

Ծնվել է 1958 թվականի դեկտեմբերի 28-ին, Լեռնային Ղարաբաղի Շահումյանի շրջանի Գյուլիստան գյուղում, ուսուցիչների ընտանիքում։ 1976 թվականին ոսկե մեդալով ավարտել է տեղի միջնակարգ դպրոցը։ 1976-1981 թթ. սովորել է Երևանի Պոլիտեխնիկական ինստիտուտի ճարտարապետաշինարարական ֆակուլտետի ճարտարապետության բաժնում։ 2006 թվականին ավարտել է ԵրՃՇՊՀ դոկտորանտուրան։ 2013 թվականին, Հայաստանի անկախության հռչակման 22-րդ տարեդարձի կապակցությամբ, բազմամյա վաստակի և ստեղծագործական նվաճումների համար արժանացել է Հայաստանի վաստակավոր ճարտարապետի կոչման[2]։ Նույն թվականին, ճարտարապետության և քաղաքաշինության բնագավառում՝ Մայր Աթոռ Սուրբ Էջմիածնի Վաչե և Թամար Մանուկյան մատենադարանի համար ճարտարապետ Արտակ Ղուլյանն արժանացել է ՀՀ պետական մրցանակի[3]։ 2014 թվականին, ճարտարապետության միջազգային ակադեմիայի մոսկովյան մասնաճյուղի նիստի որոշմամբ՝ ընտրվել է ակադեմիայի անդամ, պրոֆեսորի կոչումով։ Ամուսնացած է, ունի երկու որդի և հինգ թոռ։

Մահացել է 2025 թվականի ապրիլի 16-ին Երևանում[4]։

 
Սուրբ Պայծառակերպության եկեղեցին և Սուրբ Խաչ մատուռը Մոսկվայում
 
Սուրբ Կարապետ եկեղեցին Հորդանանում՝ Քրիստոսի մկրտության վայրում
 
Աբովյան քաղաքի Սուրբ Հովհաննես եկեղեցին

Աշխատանքային գործունեություն

խմբագրել

1981-1988 թթ. աշխատել է ԵրՊԻ ճարտարապետության ամբիոնում, նախ՝ որպես լաբորանտ, ապա՝ ճարտարապետության կաբինետի վարիչ, միաժամանակ դասավանդելով ճարտարապետական նախագծման հիմունքներ առարկան։ 1988-1991 թթ. ՀՀ գիտությունների ազգային ակադեմիայի արվեստի ինստիտուտի ճարտարապետության բաժնի գիտական աշխատակից։ 1991-1994 թթ. Հայաստանի Հանրապետության Հուշարձանների պահպանության վարչության գիտաարտադրական արվեստանոցի միջնադարի բաժնի վարիչ։ 1994 թվականից ՀՀ գիտությունների ազգային ակադեմիայի Արվեստի ինստիտուտի ճարտարապետության բաժնի ավագ գիտական աշխատակից է։ 1988-2010 թթ. համատեղությամբ դասավանդել է ԵրՊԻ, ԵրՃՇԻ, ԵրՃՇՊՀ այժմ՝ ՃՇՀԱՀ ճարտարապետության տեսության, պատմության և հուշարձանների վերականգնման ամբիոնում։

2002 թվականից նույն ամբիոնի դոցենտ է. ղեկավարում է կուրսային և դիպլոմային նախագծեր հուշարձանների վերականգնման թեմաներով, ինչպես նաև ասպիրանտներ՝ ճարտարապետության տեսության ու պատմության գծով։

 
Մայր Աթոռ Սուրբ Էջմիածնի «Վաչէ և Թամար Մանուկեան» մատենադարանը

Գիտական աշխատանքներ

խմբագրել
  • 1981 թվականից զբաղվում է Արցախի և Հայաստանի պատմաճարտարապետական հուշարձանների ուսումնասիրությամբ. չափագրել է բազմաթիվ հուշարձաններ, հանդես եկել զեկուցումներով, հրատարակել հոդվածներ։
  • 1999 թվականին պաշտպանել է ատենախոսություն «Արցախի և Սյունիքի մելիքական ապարանքները» խորագրով, ստացել ճարտարապետության թեկնածուի գիտական աստիճան։
  • 2001 թվականին աշխատությունը լրամշակելով, հրատարակել է առանձին գրքով։ /Երևան, 2001 թ./[5][6]

Ստեղծագործական աշխատանքներ

խմբագրել

Տպագրված աշխատանքներ

խմբագրել
  • «Արցախի և Սյունիքի մելիքական ապարանքները», Երևան, 2001 թ. /մենագրություն/[5][6]
  • 20 հոդված և հրապարակում՝ նվիրված Արցախի, հայ պալատական ճարտարապետության և Անիի ճարտարապետական դպրոցի հուշարձաններին։

Ծանոթագրություններ

խմբագրել
  1. ↑ 1,0 1,1 1,2 Կյանքից հեռացել է ՀՀ վաստակավոր ճարտարապետ Արտակ Ղուլյանը
  2. ↑ 2,0 2,1 Հայաստանի պատվավոր կոչումներ շնորհելու մասին
  3. ↑ https://president.am/hy/decrees/item/1084/
  4. ↑ «Կյանքից հեռացել է ՀՀ վաստակավոր ճարտարապետ Արտակ Ղուլյանը». ՓԱՍՏԻՆՖՈ | Իրավական լուրեր, իրադարձություններ, վերլուծություններ, տեսանյութեր. Վերցված է 2025 թ․ ապրիլի 16-ին.
  5. ↑ 5,0 5,1 «Արխիվացված պատճենը». Արխիվացված է օրիգինալից 2016 թ․ մարտի 4-ին. Վերցված է 2014 թ․ նոյեմբերի 12-ին.
  6. ↑ 6,0 6,1 https://books.google.am/books?id=elWEAAAACAAJ&dq=%D4%B1%D6%80%D5%BF%D5%A1%D5%AF+%D5%82%D5%B8%D6%82%D5%AC%D5%B5%D5%A1%D5%B6&hl=en&sa=X&ei=Rk1kVJNiiYbMA46VgtAE&ved=0CBwQ6AEwAA
  7. ↑ http://www.azg.am/AM/2006090616
  8. ↑ http://www.azg.am/AM/2009011314
  9. ↑ http://www.azg.am/AM/2009100715
  10. ↑ 10,0 10,1 https://president.am/hy/press-release/item/2015/05/31/President-Serzh-Sargsyan-attended-Artashat-and-Sevan-churches/#!prettyPhoto
  11. ↑ «Արխիվացված պատճենը». Արխիվացված է օրիգինալից 2014 թ․ հուլիսի 5-ին. Վերցված է 2014 թ․ նոյեմբերի 13-ին.
  12. ↑ «Արխիվացված պատճենը». Արխիվացված է օրիգինալից 2015 թ․ մարտի 27-ին. Վերցված է 2015 թ․ հունիսի 5-ին.
  13. ↑ http://www.azg.am/AM/2006072220
  14. ↑ https://www.youtube.com/watch?v=BUVacHzCJto&feature=youtu.be
  15. ↑ http://ter-hambardzum.net/archives/9877(չաշխատող հղում)
  16. ↑ http://www.armeniatv.am/hy/news/57137(չաշխատող հղում)
  17. ↑ https://armenpress.am/arm/news/736748/volgogradum-haykakan-nor-ekexeci-kkarucvi.html
  18. ↑ «Արխիվացված պատճենը». Արխիվացված է օրիգինալից 2016 թ․ մարտի 10-ին. Վերցված է 2015 թ․ հունիսի 5-ին.
  19. ↑ http://ezidipress.com/blog/neuer-tempel-in-armenien-grundsteinlegung-im-september/
  20. ↑ «Արխիվացված պատճենը». Արխիվացված է օրիգինալից 2016 թ․ մարտի 9-ին. Վերցված է 2015 թ․ հունիսի 5-ին.

Արտաքին հղումներ

խմբագրել
Ստացված է «https://hy.wikipedia.org/w/index.php?title=Արտակ_Ղուլյան&oldid=10312395» էջից