Արմեն Հախնազարյան

Արմեն Հախնազարյան;
Ի ծնե	Արմեն Հախնազարյան
Ծնվել է	1941 մայիսի 5
Ծննդավայր	Թեհրան, Իրան
Մահացել է	փետրվարի 19, 2009 (տարիքը 67)
Վախճանի վայր	Աախեն
Ազգություն	հայ
Ճյուղ(եր)	ճարտարապետություն
Գործունեություն	ճարտարապետ
	Armen Haghnazarian Վիքիպահեստում

Արմեն Հախնազարյան (մայիսի 5, 1941(1941-05-05)^[2], Թեհրան, Իրան - փետրվարի 19, 2009(2009-02-19)^[1], Աախեն, Aachen, Քյոլնի վարչական շրջան, Հյուսիսային Հռենոս-Վեստֆալիա, Գերմանիա^[3]), ճարտարապետության դոկտոր, Հայկական ճարտարապետությունն ուսումնասիրող հիմնադրամի հիմնադիր։

Կենսագրություն

Արմեն Հախնազարյան

Ագուլիսցի լեզվաբան, դոկտոր Հովհաննես Հախնազարյանի որդին է։

1959 թվականին ավարտել է Թեհրանի Քուշեշ-Դավթյան դպրոցը, 1969 թվականին՝ Աախենի Հռենոս-Վեսթֆալիայի բարձրագույն տեխնիկական դպրոցի ճարտարապետության և քաղաքացիական ճարտարագիտության ֆակուլտետի ճարտարապետության բաժինը, իսկ 1973 թ.՝ քաղաքաշինության բաժինը՝ որպես Ճարտարապետության դոկտոր (Dr. Ing. Architekt-Planer)։

Ուսումնասիրական գործունեությունը սկսել է 1968 թ.՝ չափագրելով Արտազ գավառի Սուրբ Թադևոսի վանքը։

1970-ական թթ. իրագործել է դեպի Արևմտյան Հայաստան թվով վեց, յուրաքանչյուրը շուրջ երկամսյա տևողությամբ գիտարշավներ։

Ավելի ուշ զրկվելով գիտարշավներին անձամբ մասնակցելու հնարավորությունից՝ մինչև կյանքի ավարտը շարունակել է կազմակերպել գիտարշավներ դեպի Արևմտյան Հայաստան, Փոքր Հայք և Կիլիկիա։

1969 թ. Աախենում հիմնում է Հայկական ճարտարապետությունն ուսումնասիրող կազմակերպությունը:

1973 թ. ամուսնացել է ճարտարապետ Մարգրիթ Բունեմաննի (Margrit Bunemann) հետ և ունեցել է երկու դուստր՝ Թալին և Շահրիզ։

1974 թ. Թեհրանում հիմնադրել և ղեկավարել է «Մոնիտ» (Monit) ճարտարապետական ընկերությունը։

1982 թ. Աախենում պաշտոնապես հիմնում է Հայկական ճարտարապետությունն ուսումնասիրող հասարակական կազմակերպությունը (2010 թվականից՝ հիմնադրամ), որը 1996 թ. գրանցվում է ԱՄՆ-ում, իսկ 1998 թ.՝ Հայաստանում։

1983 թվականից երկար տարիներ դասավանդել է Աախենի համալսարանի քաղաքաշինության ֆակուլտետում։

Վախճանվել է Աախենում, իսկ աճյունափոշին ամփոփվել է Աախենում և Արտաշավան (գյուղ)ի գերեզմանոցում։

Վերանորոգումներ

Ծործորի վանքի տեղափոխման աշխատանքների մասնակիցները, Արմեն Հախնազարյանը աջից երկրորդը

Վանաքի Սուրբ Սարգիս եկեղեցի
Թեհրանի Սուրբ Գևորգ եկեղեցի
Դարաշամբի Սուրբ Ստեփանոս վանք
Արտազի Սուրբ Թադեոս վանք
Ծոր Ծորի Սուրբ Աստվածածին վանք
Քարինտակի Սուրբ Աստվածածին եկեղեցի
Դադիվանք համալիրի տարբեր շինություններ
Տաթև գյուղի եկեղեցի
Դավիթ Բեկ գյուղի եկեղեցի
Սաղմոսավանք
Ուշի գյուղի Սուրբ Սարգիս վանքի միանավ եկեղեցի
Քեսաբի Գարատուրան գյուղի Սուրբ Ստեփանոս եկեղեցի
Քեսաբ ավանում մի քանի պատմական բնակելի տներ

Հրատարակություններ

1983-1989 թթ. “Armenian Architecture” մանրաժապավենների 7 հատորյակներ
Ակնարկ Հայկական ճարտարապետութեան, 1988 թ.
Documents of Armenian Architecture։ Nor Djulfa. Venezia, 1992
Սբ. Թադէոս առաքեալի և Սբ. Ստեփանոս նախավկայի վանքերը Արխիվացված 2016-10-19 Wayback Machine
Julfa: The Annihilation of the Armenian Cemetery by Nakhijevan’s Azerbaijani Authorities Արխիվացված 2016-10-19 Wayback Machine
Արտազի երեք վանքերը Արխիվացված 2016-10-19 Wayback Machine

Պարգևներ

Արմեն Հախնազարյան

2008 թ. հունիսի 10-ին Հայաստանի Ազգային ժողովի պատվո շքանշան
2009 թ. հունվարի 29-ին՝ Հայաստանի Ազգային գրադարանի Հակոբ Մեղապարտի անվան շքանշան
2009 թ. Հայաստանի քաղաքաշինության նախարարության պատվոգիր

Ծանոթագրություններ

↑ ^1,0 ^1,1 http://am.hayazg.info/index.php?curid=5591
↑ Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^3,0 ^3,1 Deutsche Nationalbibliothek Record #133726762 // Gemeinsame Normdatei (գերմ.) — 2012—2016.

Արտաքին հղումներ

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Արմեն Հախնազարյան կատեգորիայում։

[_c308d9aeb9ecf5c3-1] 1,0 ^1,1 http://am.hayazg.info/index.php?curid=5591

[_de205a5aa490efce-2] Bibliothèque nationale de France data.bnf.fr (ֆր.): տվյալների բաց շտեմարան — 2011.

[_18628695f153df23-3] 3,0 ^3,1 Deutsche Nationalbibliothek Record #133726762 // Gemeinsame Normdatei (գերմ.) — 2012—2016.

[2]

[1]

[3]