Հայկական ճարտարապետությունն ուսումնասիրող հիմնադրամ
| Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
Հայկական ճարտարապետությունն ուսումնասիրող հիմնադրամ
| Հայկական ճարտարապետությունն ուսումնասիրող հիմնադրամ | |
|---|---|
| Տեսակ | հասարակական կազմակերպություն |
| Հիմնադրված | 1982 |
| Իրավ. կարգավիճակ | գործող |
| Գլխադասային գրասենյակ | Երևան, Հայաստան |
| Տեղագրություն | Հայաստան, 0019, Երևան, Մարշալ Բաղրամյան պող., 24գ շենք, 6-րդ հարկ, սեն.61 |
| Պաշտ. լեզու(ներ) | հայերեն, անգլերեն և ռուսերեն |
| Գլխավոր քարտուղար | Սամվել Կարապետյան |
| Ստորադաս կազմակերպություն(ներ) | ԱՄՆ-ի մասնաճյուղ, Կալիֆորնիա Հայաստանի մասնաճյուղ |
| Հիմնադիր | Արմեն Հախնազարյան |
| Կայք | raa.am |
Հայկական ճարտարապետությունն ուսումնասիրող կազմակերպությունը հիմնադրվել է Աախենում (Գերմանիա) 1982 թվականին որպես շահույթ չհետապնդող հասարակական կազմակերպություն պրոֆեսոր-դոկտոր Արմեն Հախնազարյանի կողմից։ ԱՄՆ-ի մասնաճյուղը հիմնադրվել է Կալիֆորնիայում 1996 թ.։ Հայաստանյան մասնաճյուղը հիմնադրվել է 1998 թվականին և գրանցվել որպես հասարակական կազմակերպություն (2010 թ.-ից՝ հիմնադրամ)[1]
Մինչև 2020 թվականը, հուշարձանագետ Սամվել Կարապետյանը եղել է ՀՃՈՒ հիմնադրամի Երևանյան մասնաճյուղի տնօրենը։ Ներկայումս հիմնադրամի Հոգաբարձուների խորհրդի նախագահն է Ժորա Մանուչարյանը, իսկ հայաստանյան գրասենյակի կառավարումն իրականացվում է Տնօրենների խորհրդի կողմից։
Տնօրենների խորհուրդ՝ գործադիր տնօրեն` Էմմա Աբրահամյան (Սամվել Կարապետյանի այրին), վարչական հարցերի և հրատարակությունների գծով փոխտնօրեն` Րաֆֆի Քորթոշյան, ճարտարապետական գործունեության գծով փոխտնօրեն` Աշոտ Հակոբյան, համակարգչային և տեխնիկական հարցերի գծով փոխտնօրեն` Արմեն Գևորգյան։ [2]
ՈւսումնասիրություններԽմբագրել
Հայկական ճարտարապետությունն ուսումնասիրող կազմակերպությունն ուսումնասիրում և վավերագրում է Պատմական Հայաստանում գտնվող հայկական հուշարձանները։ Այս ուսումնասիրությունների արդյունքում 2021 թ. դրությամբ այն ունի ավելի քան 650,000 թվայնացված պատկերներից, միկրոֆիլմերից, հատակագծերից և այլ փաստաթղթերից բաղկացած հարուստ արխիվ։ Կազմակերպությունը նաև զբաղվում է Հայաստանի և Արցախի տարածքում գտնվող մշակութային ժառանգության վերանորոգմամբ և պահպանմամբ։ Սամվել Կարապետյանի ղեկավարությամբ գործած Հայաստանյան մասնաճյուղը իրականացնում է ուսումնասիրական գործունեություն, որի արդյունքում հրատարակվում են գրքեր, գրքույկներ, «Վարձք» հանդես, ինչպես նաև պատրաստվում փաստավավերագրական ֆիլմեր։
Արտաքին հղումներԽմբագրել
ԾանոթագրություններԽմբագրել
- ↑ "Վարձք, N 1, 2010, էջ 15-23" Archived 2021-09-10 at the Wayback Machine.,
- ↑ "Asbarez, April 13, 2020,
- ↑ [https://www.golosarmenii.am/am/article/168001/artsakhi-hvoshardzannyere-myek-harthakvom