Ալվարդ Միրզոյան
- Վիքիպեդիայում կան հոդվածներ Միրզոյան ազգանունով այլ մարդկանց մասին։
Ալվարդ Հենրիկի Միրզոյան (մարտի 9, 1956, Երևան, Հայկական ԽՍՀ, ԽՍՀՄ), հայ քանոնահարուհի, Երևանի Կոմիտասի անվան պետական կոնսերվատորիայի պրոֆեսոր[1]։
| Ալվարդ Միրզոյան | |
|---|---|
| Ծնվել է | մարտի 9, 1956 (68 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Կրթություն | Երևանի Կոմիտասի անվան պետական կոնսերվատորիա |
Կենսագրություն խմբագրել
Ծնվել է 1956 թվականի մարտի 9-ին Երևանում։
1971 թվականին ընդունվել է Ռոմանոս Մելիքյանի անվան երաժշտական ուսումնարան։ Որտեղ քանոնահարուհուն նկատել է ժողգործիքների վարիչ Ալեքսանդր Շահբազյանը։ Շահբազյանը մշակեց քանոնի համար նոր ծրագիր ընդգրկելով ռուսական, եվրոպական, հայ դասական կոմպոզիտորների ստեղծագործությունները, Ալյաբև, Պագանինի, Սարասատե, Սեն-Սանս, Խաչատուրյան, Սաթյան և այլն։ Այս և մի շարք ստեղծագործությունների առաջին կատարողն էլ Ալվարդ Միրզոյանն էր։ 1973 թվականին Հանրապետական մրցույթում արժանացել է առաջին մրցանակի և ոսկե մեդալի։ 1973 թվականին Վորոնեժում կայացած միջազգային մրցույթ-փառատոնում արժանացել է ոսկե մեդալի։ Մասնակցել է նաև Գերմանիայի Վիսբադեն քաղաքում կայացած միջազգային փառատոնին։ 1970 ականներին բազմաթիվ համերգներ ու մենահամերգներ է ունենում Հայաստանում ու նրա սահմաններից դուրս։ համամիութենական ու միջազգային մրցույթ-փառատոնների դափնեկիր Միրզոյանը համերգներով հանդես է եկել Անգլիայում, Ֆրանսիայում, Հոլանդիայում, Հունաստանում, Գերմանիայում, Բելգիայում, Սիրիայում, Իրաքում, Հորդանանում, Կիպրոսում, աֆրիկյան մի շարք երկրներում։ Խորհրդային Միության մի շարք քաղաքներում, Մոսկվայի և Սանկտ-Պետերբուրգի հանրաճանաչ բեմերում։ 1975 թվականին Խաչատուր Ավետիսյանի հրավերով աշխատել է Թաթուլ Ալթունյանի անվան երգի և պարի պետական անսամբլում որպես մենակատար։ 1978 թվականին Խաչատուր Ավետիսյանի գլխավորությամբ Երևանի Կոմիտասի անվան պետական կոնսերվատորիայում բացվեց ժողովրդական նվագարանների բաժին, որտեղի առաջին ուսանողներից մեկը եղավ Ալվարդ Միրզոյանը։ Կոնսերվատորիան ավարտելուց հետո ընդունվել է որպես դասախոս ու մինչ օրս դասավանդում է Երևանի Կոմիտասի անվան պետական կոնսերվատորիայում։ 2005 թվականից Երևանի Կոմիտասի անվան պետական կոնսերվատորիայի պրոֆեսոր է։
Ալվարդ Միրզոյան կատարել է Խաչատուր Ավետիսյանի գրած նոր ստեղծագործությունների` կոնցերտների, սոնատների, տաղերի, բազմաթիվ պիեսների առաջնանվագը։ Հետևելով քանոնի ծաղկուն շրջանին, մի շարք կոմպոզիտորներ գրեցին նոր ստեղծագործություններ նվիրված քանոնահարուհուն, Երվանդ Երկանյան, Ծովակ Համբարձումյան, Գեղունի Չթչյան, Գևորգ Մանասյան, Ռոբերտ Աթայան և այլք։ Կոնսերվատորիան ավարտելուց հետո սովորել է ասպիրանտուրայում։ Մշակույթի նախարարության հատուկ հրամանով ասպիրանտուրայի տեղ է իջեցվել ու նա եղել է առաջին ասպիրանտը։ Նրա սան է եղել Ծովինար Հովհաննիսյանը[2]։ Նրանով են ոգեշնչվել ապագա քանոնահարուհիներ[3]։
Ծանոթագրություններ խմբագրել
- ↑ «Ալվարդ Միրզոյան. Կենսագրություն (լուսանկարներ)». NewsDay. Արխիվացված է օրիգինալից 2020 թ․ հուլիսի 8-ին. Վերցված է 2020 թ․ հուլիսի 8-ին.
- ↑ «Հեռավար-առցանց ուսուցում. Երաժշտություն». Անի Բարսեղյան (անգլերեն). 2020 թ․ մայիսի 6. Վերցված է 2020 թ․ հուլիսի 8-ին.
- ↑ «ԱՐՎԵՍՏԱԳԵՏԸ ՉՊԵՏՔ Է ՍՏԻ ԻՐ ՀԱՆԴԻՍԱՏԵՍԻՆ». Առավոտ օրաթերթ. Վերցված է 08/07/2020-ին.
Արտաքին հղումներ խմբագրել
- «Qanun,Kanon - Paganini (Carnaval of Venetik)». www.youtube.com. Վերցված է 2020 թ․ հուլիսի 8-ին.
- «Kanon,Qanun - Sen Sans (Rondo Caprichchiozo)». www.youtube.com. Վերցված է 2020 թ․ հուլիսի 8-ին.