Գևորգ Մանասյան

Գևորգ Ցոլակի Մանասյան (ապրիլի 2, 1953(1953-04-02), Ախալցխա, Վրացական ԽՍՀ, ԽՍՀՄ), հայ կոմպոզիտոր, դաշնակահար, դիրիժոր։ Հայաստանի գուսանական երգի պետական համույթի գեղարվեստական ղեկավար։ Հայաստանի Հանրապետության արվեստի վաստակավոր գործիչ (2019)։

Գևորգ Մանասյան
Ծնվել է	ապրիլի 2, 1953(1953-04-02) (70 տարեկան) Ախալցխա, Վրացական ԽՍՀ, ԽՍՀՄ
Երկիր	ԽՍՀՄ և  Հայաստան
Մասնագիտություն	դիրիժոր, դաշնակահար և կոմպոզիտոր
Գործիքներ	դաշնամուր
Կրթություն	Ռոմանոս Մելիքյանի անվան պետական երաժշտական քոլեջ (1972) և Երևանի Կոմիտասի անվան պետական կոնսերվատորիա (1977)
Անդամակցություն	Հայաստանի կոմպոզիտորների միություն
Պարգևներ	և Հայաստանի արվեստի վաստակավոր գործիչ (2019)

Կենսագրություն

1972 թվականին ավարտել է Երևանի Ռոմանոս Մելիքյանի անվան երաժշտական ուսումնարանը, 1977 թվականին՝ Երևանի պետական կոնսերվատորիայի դաշնամուրի և դիրիժորական բաժինները։ 1978-1983 թվականներին՝ Թաթուլ Ալթունյանի անվան երգի-պարի անսամբլի գործիքային մասի ղեկավար, 1991-1994 թվականներին՝ երաժշտական մասի, 1994-1997 թվականներին՝ ՀՀ հեռուստառադիոպետկոմի Արամ Մերանգուլյանի անվան ժողովրդական գործիքների, 1996-1998 թվականներին՝ «Հին Երևան» վոկալ-գործիքային անսամբլի, 1989-1993 թվականներին և 2000 թվականից՝ Հայաստանի գուսանական և ժողովրդական երգի անսամբլի գեղարվեստական ղեկավար և գլխավոր դիրիժոր։ 1984 թվականից միաժամանակ դասավանդում է Ռոմանոս Մելիքյանի անվան երաժշտական ուսումնարանում, 1996 թվականից՝ նաև կոնսերվատորիայում։ 1980 թվականից Հայաստանի կոմպոզիտորների միության անդամ է։

Ստեղծագործություններ

Գրել է դաշնամուրային տրիո, երկու դաշնամուրային կոնցերտ, երկու կոնցերտ քանոնի համար, պարային և երգ-պարային մեղեդիներ (Վահան Տերյանի, Եղիշե Չարենցի, Հովհաննես Շիրազի խոսքերով), էստրադային և ժողովրդական երգեր, օրհներգ՝ Եվրոպայի թեթև ատլետիկայի մրցումների համար (1-ին մրցանակ՝ 2005) և այլն։

Պարգևներ

• Մովսես Խորենացու մեդալ, 2013
• Հայաստանի Հանրապետության արվեստի վաստակավոր գործիչ, 2019