Քյարամ Սլոյան
Քյարամ Քյալաշի Սլոյան[1] (ապրիլի 27, 1996, Արտաշավան, Արագածոտնի մարզ, Հայաստան - ապրիլի 1/2, 2016, հայ-ադրբեջանական շփման գիծ, Մարտակերտ, Արցախի Հանրապետություն), Հայաստանի զինված ուժերի ազգությամբ եզդի զինծառայող, Մարտակերտի շրջանի Մարտակերտի 2016 թվականի ապրիլյան ինքնապաշտպանական մարտերի մասնակից, Արցախի հերոս[2]։
| Քյարամ Քյալաշի Սլոյան | |
|---|---|
 | |
| 1996 - 2016 | |
| Ծննդավայր | Արտաշավան, Արագածոտնի մարզ, Հայաստան |
| Մահվան վայր |  Արցախ, Մարտակերտ |
| Գերեզման | Արտաշավան |
| Քաղաքացիություն |  Հայաստան |
| Զորատեսակ | Արցախի պաշտպանության բանակ |
| Ծառայության տարիներ | 2014 - 2016 |
| Կոչում | շարքային |
| Հրամանատարն էր | Արմենակ Ուրֆանյան |
| Պաշտոն | գնդացրող շարքային |
| Մարտեր/ պատերազմներ | Արցախա-ադրբեջանական «քառօրյա պատերազմ» |
| Պարգևներ |   |
Զոհվել է «Քառօրյա պատերազմ»-ի ռազմական գործողությունների ընթացքում՝ ցուցաբերել հերոսական վարք։ Սպանվելուց հետո նրա դիակը հայտնվել է Ադրբեջանի Հանրապետության զինված ուժերի զինծառայողների վերահսկողության տարածքում, գլխատվել և ենթարկվել դիակապտության[3]։ Այդ մասին վկայում են լուսանկարները, տեսահոլովակները և սոցիալական կայքերի հրապարակումները[4][5][6][7][8]։
Կենսագրություն Խմբագրել
Քյարամ Սլոյանը ծնվել է 1996 թվականի ապրիլի 27-ին Հայաստանի Արագածոտնի մարզի Արտաշավան գյուղում՝ ազգությամբ եզդի Սլոյանների ընտանիքում[9]։
Նրա հայրը՝ Քյալաշը, եղել է 1988-1994 թվականների Արցախյան պատերազմի ազատամարտիկ։ 2014 թվականին Քյարամ Սլոյանը առաջին զորակոչով ներկայացել է Աշտարակի զինկոմիսարիատ և անցել ծառայության Արցախի Հանրապետությունում (Լեռնային Ղարաբաղի Հանրապետությունում)։
Քյարամը եղել է արցախա-ադրբեջանական «քառօրյա պատերազմի» առաջին զոհերից մեկը։ Նրա զորացրվելուն մնացել էր երկու ամիս[10]։ Նրա հրամանատարն էր՝ Արմենակ Ուրֆանյանը։
Արցախա-ադրբեջանական ռազմական գործողություններ Խմբագրել
2016 թվականի ապրիլի 2-ին Ադրբեջանի Հանրապետության զինված ուժերը արցախա-ադրբեջանական շփման գծի ողջ երկայնքով հարձակում են գործում Արցախի Հանրապետության ուղղությամբ։
Չորս օր տևած պատերազմը երկու կողմերին հասցնում է մարդկային և տեխնիկական կորուստներ։ Հայկական կողմի կորուստներից մեջ էր նաև եզդի զինվոր Քյարամ Սլոյանը։ Նրա մահվան մասին պաշտոնապես հայտարարվել է 2016 թվականի ապրիլի 5-ին մամուլով։
Կապիտան Արմենակ Ուրֆանյանի հրամանատարությամբ ծառայող Քյարամ Սլոյանը իր զինակիցների հետ միասին կարողացել է երկու անգամ ետ մղել հակառակորդի գրոհը։
Ադրբեջանական հատուկ ջոկատայինների գերազանցող ուժերի ճնշման տակ կապիտան Արմենակ Ուրֆանյանը անձնակազմին հրամայել է հեռանալ առաջնագծից, սակայն շարքայիններ Քյարամ Սլոյանը, Անդրանիկ Զոհրաբյանը և Ռոբերտ Աբաջյանը չենթարկվելով հրամանատարի հրամանին, շարունակել են պաշտապանական մարտը։
Հիշատակ Խմբագրել
2016 թվականի մայիսի 28-ին Քյարամ Սլոյանը ՀՀ նախագահի կողմից հետմահու պարգևատրվել է Հայաստանի Հանրապետության «Մարտական խաչ» 1-ին աստիճանի պետական շքանշանով։
Ծանոթագրություններ Խմբագրել
- ↑ Ստեփանյան Ռուզաննա (2016-10-04)։ «Մարտակերտում զոհված Քյարամ Սլոյանին վերահուղարկավորել են»։ «Ազատ Եվրոպա/Ազատություն» ռադիոկայան (Armenian)։ Վերցված է 2016-05-09
- ↑ «Քյարամ Սլոյանին և Անդրանիկ Զոհրաբյանին հետմահու շնորհվել է «Արցախի հերոս» կոչում»։ CIVILNET (hy-AM)։ 2022-11-17։ Վերցված է 2022-11-17
- ↑ Բելյակոբ Դմիտրի, Ֆրանչետտի նշագիծ (ապրիլի 10, 2016)։ «Ռուսական նախկին պետությունները նորոգող պատերազմի եզրին»։ The Sunday Times։ Արխիվացված է օրիգինալից 2016-04-19-ին։ Վերցված է 2016-05-09
- ↑ «Արցախյան հակամարտություն. ադրբեջանական զինվորները գլխատել են Արցախի պաշտպանության բանակում կռվող եզդի զինծառայողին – «ԵզդիՊրես» անգլերեն»
- ↑ «Իրաքի եզդիների համերաշխություն հայերի հետ»։ mediamax.am
- ↑ «Ադրբեջանցի զինվորները գլխատել են հայկական եզդի-քրդին. Արցախյան հակամարտություն»։ Kurd Net – Ekurd.net Daily News
- ↑ «Իրաքի և Լևանտի իսլամական պետությունը Արցախում. ադրբեջանական զինյալները կտրել են հայ զինվորի գլուխը»։ ИА REGNUM։ Վերցված է ապրիլի 22, 2016
- ↑ Lragir.am։ «Ադրբեջանցիների կողմից հայ զինվորի գլխատումը բնորոշ է իսլամական պետության պրակտիկային»։ Lragir.am։ Վերցված է 2016-04-21
- ↑ «Քյարամ Սլոյան Քյալաշի»։ Anunner.com։ Վերցված է 2016-04-21
- ↑ «Հրամանատարին չլքած Քյարամը իր ծնունդը մեկ ամիս շուտ էր նշել»։ Ա1+։ 2016-04-09։ Վերցված է 2016-04-21