Տղան երկնագույն զգեստով (նկար)

Թոմաս Գեյնսբորոյի նկար

«Տղան երկնագույն զգեստով» (անգլ.՝ The Blue Boy), 18-րդ դարի անգլիացի խոշորագույն նկարիչ Թոմաս Գեյնսբորոյի նկարներից: Կտավը հեղինակը վրձնել է 1770 թվականին: Յուղաներկով կտավի չափերն են՝ 177.8 × 112.1 սմ: Այսօր «Տղան երկնագույն զգեստով» ստեղծագործությունը պահպանվում և ցուցադրվում է Հանթինգթոնի գրադարանում (Սան Մարինո, ԱՄՆ) :

Picto infobox artiste.png
Տղան երկնագույն զգեստով
The Blue Boy.jpg
տեսակգեղանկար[1]
նկարիչԹոմաս Գեյնսբորո[1]
տարի1770[1]
բարձրություն178 սանտիմետր
լայնություն122 սանտիմետր
ստեղծման վայրԱնգլիա
ժանրդիմապատկեր
նյություղաներկ[1] և կտավ[1]
գտնվում էՀանտինգտոնի գրադարան[1]
հավաքածուՀանտինգտոնի գրադարան[1]
քաղաքՍան Մարինո
սեփականատերՀանտինգտոնի գրադարան[2][3]
ներշնչված էFive Eldest Children of Charles I?
հիմնական թեմաJonathan Buttall?
կայք
The Blue Boy (Gainsborough) Վիքիպահեստում

ՆկարագիրԽմբագրել

Թոմաս Գեյնսբորոն «Տղան երկնագույն զգեստով» ստեղծագործությունը վրձնելիս որպես բնորդ ընտրեց Ջոնաթան Բաթելին՝ երկաթեղենի վաճառականի որդին: Տղային Գեյնսբորոն միտումնավոր հանդերձավորել է կապույտ մետաքսե զգեստներով՝ արիստոկրատի կոստյումով[4]: Ջոնաթան Բաթելի կոստյումն այդ ժամանակին բնորոշ նորաձևությամբ կարված զգեստ է. այն կարված է մետաքսով, որն աչքի է ընկնում փայլերի նուրբ խաղով, որը մեծ վարպետությամբ վրձնել է նկարիչ Թոմաս Գեյնսբորոն[5]:

Տղան կանգնած է հանգիստ վիճակով, լարվածություն չկա նրա դիմագծերում: Աջ ձեռքով պահել է գլխարկը: Գեյնսբորոն «Տղան երկնագույն զգեստով» ստեղծագործության մեջ կիրառել է իր հայտնի տեխնիկան՝ մի գույնի լուծումը մյուսի մեջ, որի հետևանքով վրձնահարվածներն առավել արտահայտիչ են դարձնում գլխավոր օբյեկտին ֆոնային երանգավորումից:

ՊատմությունԽմբագրել

1796 թվականին Բաթել հայրը սնանկանում է: «Տղան երկնագույն զգեստով» ստեղծագործությունը անցնում է ձեռքից ձեռք: Որոշ ժամանակ կտավը պատկանել է նկարիչ Ջոն Հոփներին: 1809 թվականին նկարը դառնում է Գրոսվենոր ընտանիքի սեփականությունը, որոնք Վեսթմինսթերի դուքս էին: Առաջին համաշխարհային պատերազմի ժամանակ կտավը գնում է ամերկացի Հենրի Հանթինգթոնը, ով առավել հայտնի էր «երկաթուղային արքա» կեղծանունով: Նկարի համար մագնատը վճարեց այդ ժամանակի համար ռեկորդային գումար՝ 728 հազար ԱՄՆ դոլար:

Նախքան կտավը կգնար օվկիանոսից այն կողմ, ցուցադրության հանվեց Լոնդոնի ազգային պատկերասրահում: Վերջինիս տնօրենը «Տղան երկնագույն զգեստով» ստեղծագործության հակառակ կողմի վրա հրաժեշտի խոսքեր գրեց անգլիացի տղային:

1928 թվականից «Տղան երկնագույն զգեստով» ստեղծագործությունը պահպանվում և ցուցադրվում է Հանթինգթոնի գրադարանում՝ Կալիֆորնիայում:

ԾանոթագրություններԽմբագրել

ԳրականությունԽմբագրել

  • Werner Busch: Gainsboroughs Blue Boy – Sinnstiftung durch Farbe. In: Städel-Jahrbuch NF 17, 1999, S. 331–348 (Digitalisat).
  • Robyn Asleson, Shelley Bennett: British paintings at The Huntington. Huntington Library, Art Collections, and Botanical Gardens, San Marino / Yale University Press, New Haven, London 2001, ISBN 0-300-09056-0, S. 104–111 Nr. 17.
  • Susan Sloman: Gainsborough’s ’Blue boy’. In: The Burlington magazine 155, Nr. 1321, 2013, S. 231–237.

Արտաքին հղումներԽմբագրել