Վարդուհի Խաչատրյան

Անվան այլ կիրառումների համար տե՛ս՝ Վարդուհի Խաչատրյան (այլ կիրառումներ)

Վիքիպեդիայում կան հոդվածներ Խաչատրյան ազգանունով այլ մարդկանց մասին:

Վարդուհի (Ռոզա) Կարապետի Խաչատրյան (սեպտեմբերի 4, 1927(1927-09-04), Լենինական, Հայկական ԽՍՀ, ԱԽՖՍՀ, ԽՍՀՄ - օգոստոսի 23, 2015(2015-08-23), Երևան), հայ երգչուհի։ ՀԽՍՀ ժողովրդական արտիստ (1982)։

Վարդուհի Խաչատրյան
Հիմնական տվյալներ
Բնօրինակ անուն	Ռոզա Խաչատրյան
Ի ծնե անուն	Վարդուհի Խաչատրյան
Ծնվել է	1927 սեպտեմբերի 4 Լենինական, Հայկական ԽՍՀ, ԱԽՖՍՀ, ԽՍՀՄ
Մահացել է	օգոստոսի 23, 2015(2015-08-23) (տարիքը 87)
Ժանրեր	ժողովրդական
Մասնագիտություն	Երգչուհի
Գործիքներ	վոկալ
Կրթություն	Ռոմանոս Մելիքյանի անվան պետական երաժշտական քոլեջ և Երևանի Կոմիտասի անվան պետական կոնսերվատորիա
Պարգևներ

Կենսագրություն

Վարդուհի Խաչատրյանը ծնվել է Գյումրիում։ 18 տարեկան հասակում տեղափոխվել է Երևան։ 1945-1948 թվականներին սովորել է Երևանի Ռոմանոս Մելիքյանի անվան երաժշտական ուսումնարանի վոկալի բաժնում, 1949-1951 թվականներին՝ Երևանի Կոմիտասի անվան պետական կոնսերվատորիայում։ Դասավանդել է, եղել է պրոֆեսոր։ Համերգներով եղել է աշխարհի տարբեր երկրներում, արժանացել մի շարք մրցանակների, պատվոգրերի։ Կատարել է գուսանական երգեր, կոմպոզիտորական ստեղծագործություններ, այդ թվում՝ Կոմիտասի, Նիկոլ Գալանդերյանի, Ռոմանոս Մելիքյանի, Խաչատուր Ավետիսյանի, Աշոտ Սաթյանի, Անտոն Մայիլյանի։

Ստեղծագործական գործունեությունը սկսել է Թաթուլ Ալթունյանի ղեկավարած կապելլայում, այնուհետև հանդես է եկել Հայաստանի երգի-պարի վաստակավոր անսամբլում (Թաթուլ Ալթունյանի անվան), եղել է Արամ Մերանգուլյանի անվան ժողգործիքների վաստակավոր անսամբլի մեներգչուհի։

Մրցանակներ, պարգևներ

• «Գրան-Պրի» մրցանակներ (Փարիզ), 1967, 1983
• «Ոսկե կոկորդ» պարգև (Վիեննա), 1974
• ՀԽՍՀ ժողովրդական արտիստ, 1982

Երգեր

• «Կռունկ»
• «Մախմուր աղջիկ»
• «Իմ անուշ տավիղ»
• «Ղարաբաղի եղնիկ»
• «Ծիծեռնակ»
• «Լուռ գնաց»

Արտաքին հղումներ

• Վարդուհի Խաչատրյան, «Մախմուր աղջիկ» Archived 2016-09-23 at the Wayback Machine.
• «Հուրն արևի», մենակատար` Վարդուհի Խաչատրյան, ՀՌՀ ժող. գործիքների անսամբլ, դիրիժոր` Մանվել Բեգլարյան, 1974)
• Վարդուհի Խաչատրյան - Շողակաթ 2008 Archived 2016-04-21 at the Wayback Machine.