Վահան Ինգլիզյան
Վահան Ինգլիզյան (1897, Արդվին, Քութայիսի նահանգ, Կովկասի փոխարքայություն, Ռուսական կայսրություն - 1968), հայ բանասեր։
| Վահան Ինգլիզյան | |
|---|---|
 | |
| Ծնվել է | 1897 |
| Ծննդավայր | Արդվին, Քութայիսի նահանգ, Կովկասի փոխարքայություն, Ռուսական կայսրություն |
| Մահացել է | 1968 |
| Կրթություն | Վիեննայի համալսարան |
| Մասնագիտություն | բանասեր |
Կենսագրություն խմբագրել
Վահան Ինգլիզյանը ծնվել է 1897 թվականին, Արդվինում։ 1912 թվականից սովորել է Վիեննայի Մխիթարյան միաբանության վանքում։ 1922 թվականից կրթությունը շարունակել է Վիեննայի պետական համալսարանում, որն ավարտելիս ստացել է դոկտորի աստիճան[1]։
Վահան Ինգլիզյանը եղել է Մխիթարյան միաբանության անդամ։ Նա զբաղեցրել է կրթական և վարչական պատասխանատու տարբեր պաշտոններ։ Նա ունեցել է բանասիրական բեղուն գործունեություն[1]։
Աշխատություններ խմբագրել
Վահան Ինգլիզյանը գրել է պատմաբանասիրական բազմաթիվ երկեր, հիմնականում՝ գերմաներեն։ Այդ ստեղծագործությունների մի մասը լույս է տեսել նաև հայերեն թարգմանությամբ, մխիթարյանների «Հանդես ամսօրյա» պարբերականում, ինչպես նաև առանձին գրքերով, «Ազգային Մատենադարան» մատենաշարով[1]։
Ինգլիզյանի առավել կարևոր երկերն են՝ «Մխիթար Սեբաստացի, կյանքը և գործը» (Վիեննա, 1929), «Հայաստան ս. Գրքին մեջ» (Վիեննա, 1935), «Հ. Ներսես Վ. Ակինյան» (1954), «Հայաստան երեքգլխյան կռիվներու սկզբնավորության հոսանքին մեջ» (Վիեննա, 1957), «Հայ գրականություն» (1967) և այլն։ Ինգլիզյանը հեղինակ է նաև հայագիտական բազմաթիվ հոդվածների «Հանդես ամսօրյայում» և գերմաներեն գրական հանդեսներում[1]։
Նա գերմաներեն է թարգմանել Կորյունի «Վարք Մաշտոցի» երկը[1]։