Վալենտինա Վարդուհի Կարախանյան
- Վիքիպեդիայում կան հոդվածներ Կարախանյան ազգանունով այլ մարդկանց մասին։
Վալենտինա Վարդուհի Ալեքսանդրի Կարախանյան (իտալ.՝ Valentina Vartui Karakhanian, հունվարի 5, 1979, Սուխլիս, Ախալցխայի շրջան, Վրացական ԽՍՀ, ԽՍՀՄ), հայազգի իտալաբնակ գիտնական[1], երաժիշտ[2], «Սուրբ Աթոռը և Օսմանյան կայսրությունում հայերի բնաջնջումը՝ ըստ Վատիկանի գաղտնի արխիվի և Պետքարտուղարության պատմական արխիվի փաստաթղթերի» Արխիվացված 2019-04-19 Wayback Machine գրքի[3] համահեղինակ, Վատիկանի գաղտնի արխիվում, ինչպես նաև Վատիկանի Պետքարտուղարության պատմական արխիվում հետազոտող, Իտալիայի հայ տաղանդների միության հիմնադիր ու թիմի ղեկավար, «Արտույտների ագարակը» ֆիլմի երգերի կատարող։
Վալենտինա Վարդուհի Կարախանյան | |
---|---|
Ծնվել է | հունվարի 5, 1979 (45 տարեկան) |
Ծննդավայր | Սուխլիս, Ախալցխայի շրջան, Վրացական ԽՍՀ, ԽՍՀՄ |
Մասնագիտություն | գիտնական և երաժիշտ |
Քաղաքացիություն | Իտալիա |
Կրթություն | Հռոմի Ուրբանեան համալսարան, Հռոմի «Աուզիլիում» համալսարան, Վատիկանի պալեոգրաֆիայի, դիվանագիտության և արխիվիստիկայի բարձրագույն դպրոց |
Թեմաներ | «Սուրբ Աթոռը և Օսմանյան կայսրությունում հայերի բնաջնջումը՝ ըստ Վատիկանի գաղտնի արխիվի և Պետքարտուղարության պատմական արխիվի փաստաթղթերի» |
Կենսագրություն խմբագրել
Վալենտինա Վարդուհի Կարախանյանը ծնվել է 1979 թվականինին Վրաստանի Ախալցխայի շրջանի Սուխլիս (Սխվիլիսի) գյուղում, Ալեքսանդր և Մարիամ Կարախանյանների ընտանիքում։ Հասունության վկայականը ստանալուց հետո, Վալենտինան Հայաստանի, Վրաստանի և Արևելյան Եվրոպայի հայ կաթողիկե առաջնորդ՝ Հայր Ներսես Արքեպիսկոպոս Տեր-Ներսիսեանի կողմից կրթաթոշակ է ստանում և սրբազան հայրեր Մանուել եպիսկոպոս Սեթյանի ու Նշան եպիսկոպոս Կարաքեհեյանի առաջնորդությամբ տեղափոխվում է Հռոմ՝ համալսարանական կրթություն ստանալու։ Սովորել է Կաստել Գանդոլֆոյի Ուրբանեան համալսարանի փիլիսոփայության ֆակուլտետում, ինչը թույլ է տվել հետագայում ընդունվել Հռոմի «Auxilium» համալսարանը, որտեղ սկզբում ստանում է փիլիսոփայության և աստվածանանության բակալավրի, այնուհետև՝ հոգեբանության մագիստրոսի աստիճան։ Երկար տարիներ աշխատել է Իտալիայում Հայաստանի դեսպանատանը՝ որպես դեսպանի օգնական։ 2002 թվականից հանդիսանում է Իտալիայում Կամիլյանների միաբանության Սուրբ Կամիլլո բարեգործական հիմնադրամի Աշոցքի «Տիրամայր Նարեկ» (Redemptoris Mater) հիվանդանոցի ներկայացուցիչը։ Մի շարք ֆիլմերում, այդ թվում Տավիանի եղբայրների «Արտույտների ագարակ» (La Masseria delle allodole)[4] և Մարկո Բելլոկկիոյի (Marco Bellocchio) «L’ora di religione» երգերի կատարող է։ 2014 թվականին ստացել է Վատիկանի պալեոգրաֆիայի, դիվանագիտության և արխիվիստիկայի բարձրագույն դպրոցի դիպլոմ, իսկ 2015 թվականին՝ Հռոմի Ուրբանյան վարժարանի Սրբերի կանոնականացման բարձրագույն փորձագետի որակավորում։ Այժմ (2017) հետազոտող է Վատիկանի գաղտնի արխիվում, ինչպես նաև Վատիկանի Պետքարտուղարության պատմական արխիվում[5]։ Համահեղինակ է «Սուրբ Աթոռը և Օսմանյան կայսրությունում հայերի բնաջնջումը՝ ըստ Վատիկանի գաղտնի արխիվի և Պետքարտուղարության պատմական արխիվի փաստաթղթերի»[1] Արխիվացված 2019-04-19 Wayback Machine գրքի, որ լույս է տեսել 2016 թվականինին Իտալիայում, Գուերինի (Guerini) հրատարակչության կողմից[6]։ Կարախանյանը Իտալիայի հայ տաղանդների միության հիմնադիրն ու թիմի ղեկավարն է[7]։
Կրթություն խմբագրել
- 1994 թվականին Ախալցխայում ստացել է երաժշտության և արվեստի մասնագիտական դպրոցի դաշնամուրի և երգչախմբի ղեկավարության դիպլոմ։
- 1996 թվականին Սուխլիսի միջնակարգ դպրոցից՝ հասունության վկայական։
- 1998 թվականին՝ Կաստել-Գանդոլֆոյի Ուրբանիան համալսարանի փիլիսոփայության ֆակուլտետի նախապատրասական գիտելիքների վկայական։
- 1999 թվականին՝ Պավիայի պետական համալսարանի իտալերեն լեզվի բարձրագույն մակարդակի իմացության վկայական։
- 2003 թվականին Հռոմի «Աուզիլիում» համալսարանից ստացել է բակալավրի աստիճան։
- 2008 թվականին Հռոմի «Աուզիլիում» համալսարանում պաշտպանել է գիտական թեզ՝ «Մեղավորության զգացումից մեղքի զգացում. հոգեբանական հեռանկար» թեմայով և ստացել մագիստրոսի աստիճան։
- 2014 թվականին ստացել է Վատիկանի պալեոգրաֆիայի, դիվանագիտության և արխիվիստիկայի բարձրագույն դպրոցի դիպլոմ։
- 2015 թվականին ստացել է Հռոմի Ուրբանեան համալսարանի Սրբերի կանոնականացման բարձրագույն փորձագետի որակավորման դիպլոմ։
Աշխատանքային փորձ խմբագրել
- 1997-1998 թվականներին աշխատել է Հռոմի «Maria Ausiliatrice» տարրական դպրոցում, որպես ասիստենտ -դաստիարակ։
- 1998-1999 թվականներին՝ Պավիա քաղաքի «Nido d’infanzia» դպրոցում՝ ասիստենտ-դաստիարակ։
- 1999-2001 թվականներին աշխատել է Հռոմի Քահանայապետական Լևոնյան Հայ վարժարանում, որպես Պատրիարքի քարտուղար և գրադարանի վարիչ։
- 2002 թվականին՝ իտալացի ռեժիսոր Մարկո Բելլոկկիոյի (Marco Bellocchio) «L’ora di religione» ֆիլմում երգերի կատարող:[2]
- 2004-2015 թվականներին եղել է Իտալիայի, Պորտուգալիայի, Սան Մարինոյի, Մալթայի, Սլովենիայի և Խորվաթիայի հանրապետություններում հավատարմագրված Հայաստանի դեսպանի օգնական։
- 2006 թվականին՝ իտալացի ռեժիսոր Մարկո Բելլոկկիոյի «Regista di matrimoni» ֆիլմում համագործակից և երգչուհի։
- 2007-2008 թվականներին եղել է Իտալիայում հայկական մշակույթի օրերի գլխավոր համակարգող։
- 2007 թվականին Հռոմում ՄԱԿ-ի պարենի և գյուղատնտեսության կազմակերպության (FAO) կենտրոնական գրասենյակի Երևանի Երիտասարդական էսթետիկայի կենտրոնի ցուցահանդեսի կուրատոր։
- 2007 թվականին՝ Հռոմի Կաստել Սանտ Անջելոյում «Հայաստանի գույներ» ցուցահանդեսի կուրատոր և համակարգող։
- 2007 թվականին՝ Տավիանի եղբայրների «Արտույտների ագարակը» ֆիլմում երգերի կատարող և «Հայրիկ ջան» հատվածի հեղինակ։
Աղբյուրներ խմբագրել
- VALENTINA VARTUI KARAKHANIAN Արխիվացված 2017-06-22 Wayback Machine
- Հարցազրույց Վալենտինա Վարդուհի Կարախանյանի հետ
- Armenia. Quando la Santa Sede provò in tutti i modi a fermare il genocidio
- Il diario di Papa Francesco – Viaggio in Georgia – Puntata del 1 ottobre (2016, առաջին մաս)
- Il diario di Papa Francesco – Viaggio in Armenia – 24 giugno (2016, առաջին մաս)
- Il diario di Papa Francesco – Viaggio in Armenia – 26 giugno (2016, երկրորդ մաս)
Ծանոթագրություններ խմբագրել
- ↑ Վատիկանի «Սպիտակ գիրք»-ն առաջին անգամ ընդգրկվել է հայոց ցեղասպանության մասին աշխատությունում
- ↑ «ԱՐՏՈՒՅՏՆԵՐԻ ԱԳԱՐԱԿԸ»ԱՐԾՎԻ ԲԱԽՉԻՆՅԱՆ
- ↑ Վատիկանյան նոր տեղեկությունները՝ Հայոց ցեղասպանության մասին
- ↑ The Lark Farm - Ով սիրուն սիրուն
- ↑ «ԵՂԵՌՆԸ ՎԱՏԻԿԱՆՅԱՆ ԱՐԽԻՎՆԵՐԻ ՓԱՍՏԱԹՂԹԵՐՈՒՄ». Արխիվացված է օրիգինալից 2017 թ․ հունվարի 27-ին. Վերցված է 2017 թ․ հունիսի 18-ին.
- ↑ Նոր գրքի լույսընծայում Իտալիայում՝ Հայոց Ցեղասպանության մասին
- ↑ «Հռոմի Պապի խոսքերը ստիպեցին ինձ մտորել՝ ո՞վ է հայ երիտասարդը». Իտալիայի հայ տաղանդները համախմբվում են
Տես նաև խմբագրել
- Հռոմի Պապի նվիրակը փորձել է դադարեցնել Ցեղասպանությունը. Վատիկանի գաղտնի արխիվների հիման վրա գիրք է նախապատրաստվում
- Papa Francesco in Armenia. «Dopo un secolo di tribolazione, abbiamo bisogno di sperare»
- PAPA IN GEORGIA:PARLA VALENTINA KARAKHANIAN
- Publican la correspondencia del nuncio que intentó detener el Genocidio de los Armenios
- Una “Chiesa di minoranza” aspetta Francesco in Georgia
- Il Vaticano e la strage degli Armeni
- Il Papa in Georgia
- Un libro recopila documentos del Archivo Secreto Vaticano que demuestran los esfuerzos de la Santa Sede por detener la matanza de 1915