Էդվարդ ֆոն Լինգուս
Էդվարդ ֆոն Լինգուս (էստ․՝ Edward von Lõngus), կեղծանուն, էստոնացի տրաֆարետային գրաֆիտի նկարիչ, որը բնակվում է Տարտուում, աշխատում է անանուն։ Նրա աշխատանքներն արժանացել են լրատվամիջոցների և բազմաթիվ արվեստաբանների ուշադրությանը, ներկայացվել են արվեստի ցուցահանդեսներում և վաճառվել արվեստի աճուրդներում: Դրանցից մի քանիսը պահվում են Տարտուի արվեստի թանգարանում[2]:
Էդվարդ ֆոն Լինգուս | |
---|---|
«Կաննաբարդը և վհուկներ որսացողը» (2014) Էստոնիայի Գերագույն դատարանի շենքի կողքին | |
Կեղծանուն | Edward von Lõngus |
Ծննդավայր | Էստոնիա |
Քաղաքացիություն | ![]() |
Մասնագիտություն | արվեստագետ |
Կայք | evl-genius.blogspot.com |
![]() |
Նրան համեմատում են Բենքսիի հետ[3] նրա ստեղծագործությունների ոճի պատճառով, որոնցում հաճախ պարունակվում են քաղաքական և սոցիալական մեկնաբանություններ, օգտագործվում են տրաֆարետներ և անհայտ ինքնություն։
Էդվարդ ֆոն Լիգնուսը ստացել է Տարտու քաղաքի մշակույթի մրցանակը 2014 թվականին իր «Կանաբարդը և վհուկներ որսացողը» տրաֆարետի համար, որում էստոնական մանկական գրքի Սամմալհաբե անունով հերոսը («Մամռոտ մորուք», Էնո Ռաուդի «Նակսիտրալներ» գրքերի շարքից) փոփոխվել է՝ ստեղծելով կանեփը որպես թմրամիջոց մշակելու դեմ պատերազմի մասին պատմող ստեղծագործություն[4]:
2019 թվականի հունվարին Էդվարդ ֆոն Լինգուսը արժանացել է Էստոնիայի արտաքին գործերի նախարարության 2018 թվականի մշակույթի մրցանակին՝ իր փողոցային թվային արվեստի «(R)estart Reality» նախագծի համար[5]։ Ծրագրի շրջանակներում, որը տեղի ունեցավ Եվրամիությունում Էստոնիայի նախագահության և Էստոնիայի Հանրապետության 100-ամյակի տոնակատարությունների մշակութային ծրագրի շրջանակներում[6], նա այցելել է Եվրոպայի 11 մայրաքաղաքներ՝ Բրյուսել[7], Հռոմ[8], Բեռլին, Հելսինկի, Կոպենհագեն, Փարիզ, Լոնդոն, Վիլնյուս, Ռիգա, Վիեննա և Բուդապեշտ, որտեղ նկարել է փողոցային արվեստ՝ կապված Էստոնիայի մշակութային պատմության հետ: Այս նկարներին միացվել է լրացուցիչ թվային աուդիո-վիդեո բովանդակություն իրականության լրացուցիչ հավելվածի միջոցով՝ պատմելով յուրաքանչյուր բնական չափի նկարված կերպարի մասին և կապելով մշակութային ավանդույթները Էստոնիայի՝ որպես էլեկտրոնային ժողովուրդ կերպարի հետ[9]:
Ծանոթագրություններ
- ↑ "Kesklinna valitsus võitleb tänavakunstnikuga" ERR Kultuur, April 7, 2015
- ↑ Hendrik Alla. "Skandaalne «Alasti keiser» läheb koos teiste kunstitöödega enampakkumisele" Postimees Kultuur, May 19, 2015
- ↑ "Eesti Banksy Edward von Lõngus tegutseb ka Tallinnas" elu24, May 15, 2015
- ↑ "Tartu linn tunnustas kultuuripreemiatega loovisikuid ja sündmusi" Արխիվացված 2014-07-14 Wayback Machine Tartu Üliõpilasmaja, February 19, 2014
- ↑ «(R)ESTART REALITY». Medium (անգլերեն). Վերցված է 2024-04-08-ին.
- ↑ «(R)estart Reality: digitänavakunst | EV100». web.archive.org. 2019-01-10. Վերցված է 2024-04-08-ին.
- ↑ ERR, Epp Ehand, Brüssel | (2017-07-04). «Edward von Lõngus äratab Brüsseli majaseintel ellu pildid vanadest eestlastest». ERR (էստոներեն). Վերցված է 2024-04-08-ին.
{{cite web}}
: CS1 սպաս․ բազմաթիվ անուններ: authors list (link) - ↑ ERR (2017-07-21). «Galerii: Edward von Lõngus on vallutanud Rooma tänavad». ERR (էստոներեն). Վերցված է 2024-04-08-ին.
- ↑ "Anonymous street artist Edward von Lõngus wins Foreign Ministry Culture Award" Ministry of Foreign Affairs, January 9, 2019
Արտաքին հղումներ
Վիքիպահեստն ունի նյութեր, որոնք վերաբերում են «Էդվարդ ֆոն Լինգուս» հոդվածին։ |