Քյորմենդ
Քյորմենդ (հունգարերեն՝ Körmend, գերմաներեն՝ Kirment, առավել հին անվանաձևը՝ Girmend[2]), քաղաք Հունգարիայի արևմտյան մասում՝ Վաշ կոմսություն-մարզում (մեդյեում); Գտնվում է մարզկենտրոն Սոմբատհեյից 25, Ավստրիայի հետ պետական սահմանից 5 կիլոմետր հեռավորության վրա։ Քաղաքը տրանսպորտային խոշոր հանգույց է, որտեղ խաչվում են երեք ուղղությամբ գնացող երկաթուղիներ (դեպի Սոմբատհեյ, Զալալյովյո և Ավստրիա) ու ավտոմայրուղիներ. E66-ը՝ Սեկեշֆեհերվար-Գրաց և E65-ը՝ Բրատիսլավա-Զագրեբ ուղղությամբ։ Քաղաքի հարավարևմտյան ծայրամասից սկիզբ է առնում Էրշեգ ազգային պարկը։
| Բնակավայր | |||||
|---|---|---|---|---|---|
| Քյորմենդ | |||||
| |||||
 | |||||
| Երկիր |  Հունգարիա | ||||
| Մակերես | 52,79 կմ² | ||||
| Բնակչություն | ▼10 255 մարդ (հունվարի 1, 2023)[1] | ||||
| Ժամային գոտի | Կենտրոնական եվրոպական ժամանակ | ||||
| Հեռախոսային կոդ | 94 | ||||
| Փոստային դասիչ | 9900 | ||||
| Պաշտոնական կայք | kormend.hu(հունգարերեն) | ||||
| |||||
2011 թվականի տվյալներով քաղաքն ուներ 11.799 բնակիչ[3]։
Պատմություն խմբագրել
Պատմական փաստաթղթերում քաղաքն առաջին անգամ հիշատակվել է 1238 թվականին՝ որպես Curmend terra: Առաջին համաշխարհային պատերազմի ընթացքում՝ 1915 թվականին հունգարական համբավավոր Բատյանի ազնվականական տոհմի ներկայացուցիչ իշխան Լասլո Բատյանի-Ստրատմանը, որ լայն ճանաչում ունեցող, հմուտ բժիշկ էր ու մարդասեր-բարեգործ, իր տոհմական դղյակի մի թևն ամբողջությամբ վերածել է հիվանդանոցի, որտեղ բոլոր կարիքավորները անվճար բուժում են ստացել նաև պատերազմից հետո։ Նրան անվանում էին «աղքատների բժիշկ»։ Կաթոլիկ եկեղեցին նրան ներառել է երանելիների դասի մեջ[4][5]։ Ներկայումս Բատյանիների տոհմական դղյակի սեփականատերը հունգարական պետությունն է։
Քյորմենդում գործող արտադրական ձեռնարկություններից հիշատակման է արժանի հատկապես կահույքի խոշոր ֆաբրիկան, որ պատկանում է ADA Möbelfabrik GmbH ընկերությանը։
Անվանի անձինք խմբագրել
- Իմրե Սինկովից - դերասան, Հունգարիայի ժողովրդական արտիստ
- Գ. Գոլոման - բասկետբոլիստ
- Պետեր Բեսենյի - օդաչու, ակրոբատիկ թռիչքներ կատարող
- Baby Jewel - կինոաստղ
- Յանոշ Մորից - Տալտոս քարանձավը հայտնաբերող
- Soulwave - ալտերնատիվ (այլընտրանքային) ռոք երաժշտախումբ
- Կրիշտիան Պարս - թեթրաթլետ, մրճանետորդ
Գործընկեր քաղաքներ խմբագրել
Պատկերասրահ խմբագրել
-
Պալատը -
Ավետարանական եկեղեցին -
Հուշասյունը զբոսայգում -
-
-
Լյութերական եկեղեցին -
Բատյանիների տոհմական դղյակը -
Պալատը -
Գլխավոր հրապարակը
Ծանոթագրություններ խմբագրել
- ↑ Magyarország helységnévtára, Detailed Gazetteer of Hungary (հունգ.) — KSH, 2023.
- ↑ http://atlas-burgenland.at/index.php/epochen?id=109
- ↑ www.ksh.hu (xls 1,6 MB)
- ↑ déclaré Bienheureux de l'Église catholique par le pape Jean-Paul II le 23 mars 2003
- ↑ http://www.zenit.org/fr/articles/hongrie-bx-laszlo-batthyany-strattmann-medecin-pere-de-famille(չաշխատող հղում)
Արտաքին հղումներ խմբագրել
- Körmend in A Pallas nagy lexikona
- Luftaufnahmen über Körmend
- Körmend auf 24cities.eu, Kompetenzzentrum Steirisches Thermenland-Oststeiermark
 | Վիքիպահեստն ունի նյութեր, որոնք վերաբերում են «Քյորմենդ» հոդվածին։ |