Հենան
- Անվան այլ կիրառումների համար տե՛ս՝ Հենան (այլ կիրառումներ)
Հենան, նահանգ Չինաստանում, Հուանհե և Հուայհե գետերի միջին և ստորին հոսանքների ավազանում։ Տարածությունը 160 հզ. կմ քառակուսի է է, բնակչությունը՝ 50,3 միլիոն (1975), վարչական կենտրոնը՝ Չժենգջոու։ Հենանի արևելյան մասը գտնվում է Չինական մեծ հարթավայրում, նահանգի արևմտյան մասի մեջ են մտնում Ցինլին և Տայխանշան լեռների ճյուղավորումները։ Գետային ցանցը խիտ է։ Հենանը Չինաստանի կարևոր հողագործական շրջաններից է։ Հիմնական պարենային կուլտուրաներն են ցորենը, եգիպտացորենը, գաոլյանը, ընդեղենը, բրինձը, պալարապտուղները։ Երկու տարում հավաքում են դաշտային կուլտուրաների 3 բերք։ Մշակում են նաև բամբակ, գետնընկուզ, ծխախոտ, քնջութ, թեյ։ Զբաղվում են այգեգործությամբ։ Համեմատաբար զարգացած է թեթև և սննդի արդյունաբերությունը։ Ծանր արդյունաբերության հիմնական ճյուղը ածխի արդյունաբերությունն է։ Կա մետաղաձուլություն, մեքենաշինություն, քիմիական, ցեմենտի, թղթի արդյունաբերություն, արհեստագործական արտադրություն։ Հիմնական արդիական կենտրոններն են Չժենչժոուն, Լոյանը, Պինդինշանը, Սինսյանը, Անյանը և այլն։
Բնակավայր | ||
---|---|---|
Հենան | ||
չինարեն՝ 河南省 | ||
Երկիր | Չինաստան | |
Ներքին բաժանում | Չժենչժոու, Կայֆին, Լոյան, Pingdingshan?, Անյան, Hebi?, Xinxiang?, Ցզյացզո, Puyang?, Xuchang?, Լուոհե (քաղաքային շրջան), Sanmenxia?, Nanyang?, Շանցյու, Xinyang?, Zhoukou?, Zhumadian? և Jiyuan? | |
Հիմնադրված է | 1949 թ. | |
Մակերես | 167 000 կմ² | |
Բնակչություն | ▲99 365 519 մարդ (2020)[1] | |
Ժամային գոտի | UTC+8 | |
Պաշտոնական կայք | henan.gov.cn | |
| ||
Անվանում խմբագրել
Անվանումը կազմված է չինարեն հե ― «գետ» և նան ― «հարավ» բառերից, այսինքն նշանակում է «գետից հարավ»․ նկատի է առնվում Հուանհե գետը, որի միջին և ստորին հոսանքի ավազանում գտնվում է նահանգը[2]։
Ծանոթագրություններ խմբագրել
- ↑ http://www.stats.gov.cn/english/PressRelease/202105/t20210510_1817188.html
- ↑ Հ. Ղ. Գրգեարյան, Ն. Մ. Հարությունյան (1987). Աշխարհագրական անունների բառարան. Երևան: «Լույս».
Վիքիպահեստն ունի նյութեր, որոնք վերաբերում են «Հենան» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 352)։ |