Կապույտ թռչուն (մուլտֆիլմ)

«Կապույտ թռչուն» (ռուս.՝ Синяя птица), 1970 թվականի խորհրդային լիամետրաժ մուլտիպլիկացիոն ֆիլմ։ Սատիրական հեքիաթ է Մորիս Մետերլինկի համանուն պիեսի մոտիվներով։ Էպիզոդների մի մասն ստեղծվել է ֆոտոկոլաժի տեխնիկայով ռեժիսոր և նկարիչ-մուլտիպլիկատոր Նատալիա Կոտովշչիկովայի (Գոլովանովա) կողմից։

Կապույտ թռչուն ռուս.՝ Синяя птица
Տեսակ	մուլտֆիլմ
Ժանր	ֆիլմ-հեքիաթ
Հիմնված է	Կապույտ թռչունը
Ռեժիսոր	Վասիլի Լիվանով
Սցենարիստ	Վասիլի Լիվանով
Հնչյունավորում	Լիա Ախեջակովա, Լյուդմիլա Գնիլովա, Տատյանա Դորոնինա, Վլադիմիր Կենիգսոն, Ռինա Զելյոնայա, Յուրի Յակովլև և Վասիլի Լիվանով
Բեմադրող նկարիչ	Մաքս Ժերեբչևսկի
Երաժշտություն	Գենադի Գլադկով
Օպերատոր	Միխայիլ Դրույան
Երկիր	ԽՍՀՄ
Լեզու	ռուսերեն
Ընկերություն	Սոյուզմուլտֆիլմ
Տևողություն	3186 վայրկյան
Թվական	1970

Երաժշտական կոմպոզիցիան, որ ստեղծել է Գենադի Գլադկովը, կատարել են Կինեմատոգրաֆիայի պետական սիմֆոնիկ նվագախումբը Վլադիմիր Վասիլևի ղեկավարությամբ, Մոսկվայի պետական երգչախումբն ու «Спутник» մանկական երգչախումբը։

Սյուժե

Ֆիլմի գործողություններն սկսվում են ժամանակակից ֆրանսիական կապիտալիստական քաղաքում։ Շուկայում ուտելիք որոնելիս տղան անապաստան շանը փրկում է դաժան վաճառողից։ Դրա փոխարեն մոտակայքով անցնող պառավ կինը, որ, ինչպես պարզվում է, փերի է, նրան նվիրում է Կապույտ թռչուն, որին չի կարելի վաճառել կամ գնել, բայց կարելի է նվիրել։ Տղան թռչունին թաքցնում է ձեղնահարկում՝ հին իրերի մեջ, որպեսզի հետո ցույց տա իր կրտսեր քրոջը։

Գիշերը բարձրանալով ձեղնահարկ՝ քույրն ու եղբայրն այնտեղ հանդիպում են վաղուց մահացած իրենց տատին ու պապին, որոնք բացատրում են, որ Կապույտ թռչունի մեջ ամփոփված է երջանկությունը բոլորի համար, այդ պատճառով էլ նա պետք է լինի ազատության մեջ։ Նրան բաց թողնել չի հաջողվում, որովհետև վանդակը գողացել էր կասկածելի կատուն։ Շան հետ միասին երեխաները գնում են որոնելու Կապույտ թռչունին։ Նրանք հանդիպում են հարուստին, որը նույնպես փնտրում է Կապույտ թռչունին, որպեսզի նրանով կերակրի իր կողմից աճեցվող նոր պատերազմը և նվաճի աշխարհը։

Հարուստը փորձում է երեխաներին կերակրել տարբեր նրբահամ ուտելիքներով, որպեսզի նրանք մոռանան Կապույտ թռչունի մասին, բայց Փերին նրանց չի թողնում գայթակղվել և նրանց որպես օգնություն տալիս է մարդու հավերժական ուղեկիցներին՝ Կրակ, Ջուր և Հաց։ Պարզվում է, որ կատուն Կապույտ թռչունին գողացել է իր տիրուհու՝ Գիշերվա հանձնարարությամբ, որը մտադիր է վաճառել այն հարուստին։ Ապա Կրակն այրում է Գիշերվան, կատուն խեղդվում է Ջրում, իսկ տղան Կապույտ թռչունին գողանում է հարուստից, բայց հետապնդման ընթացքում նրա հետ միասին ընկնում է ժամացույցով աշտարակից։

Բացվում է առավոտը։ Տղան արթնանում է իր փոքրիկ բնակարանում, և պարզվում է, որ այդ ամենը երազ է եղել։ Քրոջ հետ միասին նա բարձրանում է ձեղնահարկ և ազատ արձակում Կապույտ թռչունին։

Ստեղծողներ

Ռեժիսոր	Վասիլի Լիվանով
Սցենարիստ	Վասիլի Լիվանով
Բեմադրող նկարիչներ	Բորիս Սադովնիկով, Մաքս Ժերեբչևսկի
Նկարիչներ	Ստանիսլավ Սոկովոլ, Լ. Չալայա, Զինաիդա Զարբ, Ալեքսեյ Սոլովյով, Դմիտրի Անպիլով, Ե. Բալաբանովա, Ս. Կուզնեցով, Աննա Ատամանովա
Նկարիչ-մուլտիպլիկատորներ	Վալենտին Կուշնարյով, Նատալիա Բոգոմոլովա, Օլեգ Սաֆրոնով, Վիոլետա Կոլեսնիկովա, Բորիս Բուտակով, Սերգեյ Դյոժկին, Սվետլանա Սիչկար, Կիրիլ Մալյանտովիչ, Գենադի Սոկոլսկի, Յանա Վոլսկայա, Անատոլի Աբարենով, Յուրի Կուզյուրին, Յուրի Բուտիրին, Հովսեփ Կուրոյան
Օպերատոր	Միխայիլ Դրույան
Տնօրեն	Լյուբով Բուտիրինա
Կոմպոզիտոր	Գենադի Գլադկով
Հնչյունային օպերատոր	Գեորգի Մարտինյուկ
Մոնտաժող	Լիդիա Կյակշտ
Խմբագիր	Արկադի Սնեսարև
Դերերը հնչյունավորել են	Լիա Ախեջակովա – տղա (տիտրերում՝ Ախիջակովա), Լյուդմիլա Գնիլովա – աղջիկ, Տատյանա Դորոնինա – փերի (տիտրերում նշված չէ), Վլադիմիր Կենիգսոն – հարուստ, Վասիլի Լիվանով – շուն, հանքափոր, Հաց (տիտրերում նշված չէ), Ռինա Զելյոնայա – տատ, Յուրի Յակովլև – պապ
Կատարողներ	Մոսկվայի պետական երգչախումբ, «Спутник» մանկական երգչախումբ, Կինեմատոգրաֆիայի պետական սիմֆոնիկ նվագախումբը Վլադիմիր Վասիլևի ղեկավարությամբ

Արտաքդրություն

Մուլտֆիլմում օգտագործվել է ֆոտոկոլաժը՝ որպես տեխնոլոգիական նորարարություն ֆոների պատրաստման համար։

Արտաքին հղումներ

• Мультфильм на сайте kino1000.ru(չաշխատող հղում)
• «Կապույտ թռչուն» մուլտֆիլմը «Անիմատոր.ռու» կայքում
• «Կապույտ թռչուն»(անգլ.) ֆիլմը Internet Movie Database կայքում

Վիքիպահեստն ունի նյութեր, որոնք վերաբերում են «Կապույտ թռչուն (մուլտֆիլմ)» հոդվածին։