Ինկերի Անտտիլա
Սիլվի Ինկերի Անտտիլա, ծննդյամբ Մետսյամիես (ֆիններեն՝ Sylvi Inkeri Anttila, o.s. Metsämies, նոյեմբերի 29, 1916[1][2], Վիբորգ, Ֆինլանդիայի մեծ իշխանություն, Ռուսական կայսրություն - հուլիսի 6, 2013[3], Հելսինկի), ֆինն քրեագետ, քրեական իրավունքի մասնագետ, պետական գործիչ, Ֆինլանդիայի առաջին կին իրավագիտության դոկտորը, ամենահայտնի ֆինն քրեագետներից մեկը, համարվում է Ռուսաստանի գիտությունների ակադեմիայի արտասահմանյան անդամ (1994)[5]։ Անտտիլան զգալի ներդրում է ունեցել Ֆինլանդիայում քրեական արդարադատության խոշոր բարեփոխումների նախագծման և իրականացման գործում[5], ինչի արդյունքում երկրում զգալիորեն կրճատվել է բանտարկյալների թիվը։
| Ինկերի Անտտիլա | |
| |
| Կուսակցություն՝ | Լիբերալ լիգա |
|---|---|
| Մասնագիտություն՝ | քաղաքական գործիչ, իրավաբան և համալսարանի դասախոս |
| Ծննդյան օր | նոյեմբերի 29, 1916[1][2] |
| Ծննդավայր | Վիբորգ, Ֆինլանդիայի մեծ իշխանություն, Ռուսական կայսրություն |
| Վախճանի օր | հուլիսի 6, 2013[3] (96 տարեկան) |
| Վախճանի վայր | Հելսինկի |
| Քաղաքացիություն |  Ֆինլանդիա
|
| Պարգևներ | |
Կենսագրություն խմբագրել
Ինկերի Մետսյամիեսը ծնվել է Վիբորգում, 1916 թվականի նոյեմբերի 29-ին, իրավագիտության մագիստրոս Վեյնի Մետսյամիեսի (նախկինում կրել է Հորելլի ազգանունը, բայց հետո փոխել է այն) և Սիլվի Այրիոյի ընտանիքում։ 1934 թվականին ամուսնացել է բժիշկ Սուլո Վալտեր Անտտիլայի հետ։ Կարիերան սկսել է շրջանային դատարանում, միաժամանակ զբաղվել է դոկտորական ատենախոսության նախապատրաստման աշխատանքներով։ Պաշտպանությունը կայացել է 1946 թվականին, և Անտտիլան դարձել է Ֆինլանդիայի առաջին կին իրավունքի դոկտորը[5]։ Աշխատել է որպես ուսուցիչ, այնուհետև նշանակվել է բանտի անձնակազմի վերապատրաստման կենտրոնի տնօրեն (1949-1961)։ Եղել է Հելսինկիի համալսարանի քրեական իրավունքի պրոֆեսոր (1961-1979) և Իրավական քաղաքականության ազգային հետազոտական ինստիտուտի տնօրեն (1963-1979)։ 1975 թվականին զբաղեցրել է արդարադատության նախարարի պաշտոնը Լիինամաայի կառավարությունում։ Եղել է նաև ՄԱԿ-ի հետ կապակցված Հելսինկիի հանցագործությունների կանխարգելման և վերահսկման ինստիտուտի տնօրենը (1982-1986)[5]։
Անտտիլան հայտնի է նաև միջազգային մակարդակում, մասնակցել է քրեական իրավունքի հետ կապված բազմաթիվ միջազգային իրադարձությունների, 1975 թվականին ընտրվել է Ժնևում տեղի ունեցած հանցագործությունների կանխարգելման ՄԱԿ-ի հինգերորդ կոնգրեսի նախագահ[6]։ 1994 թվականի մարտի 31-ին ընտրվել է Ռուսաստանի գիտությունների ակադեմիայի փիլիսոփայության, սոցիոլոգիայի, հոգեբանության և իրավունքի ամբիոնի արտասահմանյան անդամ[5]։
Մահացել է 2013 թվականի հուլիսի 6-ին, Հելսինկիում։
Ծանոթագրություններ խմբագրել
- ↑ 1,0 1,1 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 Inkeri Anttila (շվեդերեն) — SLS.
- ↑ 3,0 3,1 3,2 https://uppslagsverket.fi/sv/sok/view-170045-AnttilaInkeri
- ↑ 4,0 4,1 4,2 4,3 Kansallisbiografia (фин.) / M. Klinge — Suomalaisen Kirjallisuuden Seura, Suomen Historiallinen Seura. — ISSN 1799-4349
- ↑ 5,0 5,1 5,2 5,3 5,4 Архивы РАН
- ↑ Sundström, 2000
Արտաքին հղումներ խմբագրել
[фин.] // Kansallisbiografia-verkkojulkaisu. Studia Biographica 4. — Helsinki : Suomalaisen Kirjallisuuden Seura, 2000. — 1 marraskuun. — Дата обращения: 10.03.2018. — ISSN 1799-4349.
- Анттила Инкери Сильви (Inkeri Anttila) : Биографическая справка : [арх. 03.12.2018]. — ИС «Архивы Российской академии наук» (ИСАРАН). — Дата обращения: 03.12.2018.
- Inkeri Anttila (1916-2013). In memoriam Raimo Lahti, Dans Revue internationale de droit pénal 2013/1-2 (Vol. 84), pages 13 à 15
 | Վիքիպահեստն ունի նյութեր, որոնք վերաբերում են «Ինկերի Անտտիլա» հոդվածին։ |