Սյուդադ Գուայանա
Սյուդադ Գուայանա (իսպ.՝ Ciudad Guayana), քաղաք Վենեսուելայի հյուսիսարևելյան մասում՝ Օրինոկո գետի ափին, Բոլիվար նահանգում, որի խոշորագույն բնակավայրն է։ 2020 թվականի տվյալներով բնակչության թվաքանակը եղել է 920.780[2], որը կազմում է նահանգի ողջ բնակչության գրեթե կեսը։ Քաղաքը Օրինոկոյի աջ ափն ի վար ձգվում է շուրջ 40 կիլոմետր[3]։
Բնակավայր | |||
---|---|---|---|
Սյուդադ Գուայանա | |||
| |||
Երկիր | Վենեսուելա | ||
Հիմնադրված է | 1961 թ. | ||
Մակերես | 410,5 կմ² | ||
ԲԾՄ | 13 մետր | ||
Բնակչություն | 751 331 մարդ (2011)[1] | ||
Հեռախոսային կոդ | 0286 | ||
Փոստային դասիչ | 8050 | ||
| |||
Հիմնադրվել է 1961 թվականին՝ որպես արդյունաբերական մի նոր կենտրոն բնական պաշարներով հարուստ տարածաշրջանում՝ Գվիանական սարահարթի հյուսիսային մասում։ Սկզբնական շրջանում անվանվել է Սանտո Տոմե դե Գուայանա (Santo Tomé de Guayana): Քաղաքի արագ աճին նպաստել է նրանից 70 կիլոմետր հարավ՝ Կարոնի գետի վրա բարձր ամբարտակի և երկրի խոշորագույն ջրաէլեկտրակայանի շահագործումը (այդ ՋրԷԿ-ը տալիս է Վենեսուելայում արտադրվող էլեկտրաէներգիայի կեսից ավելին)։ Սյուդադ Գուայանայում իր գործունեությունն է ծավալել Corporación Venezolana de Guayana ընկերությունը, որը մասնագիտացել է մերձակայքում գտնվող օգտակար հանածոների (երկաթի հանքաքար, բոքսիտներ, ոսկի, ադամանդ) արդյունահանման գործում[4]։ Քաղաքում գործում են ալյումինի երկու գործարան, մեքենաշինական խոշոր ձեռնարկություններ, կա պողպատի, թղթի արտադրություն։ Սյուդադ Գուայանան ունի գետային խոշոր նավահանգիստ, միջազգային օդանավակայան։ Համարվում է Վենեսուելայի ամենաարագ աճող բնակավայրը. բնակչության թվաքանակը 1961 թվականի 60 հազարից 2019 թվականին հասել է 900 874-ի[5]։
Քաղաքի տեսարժան վայրերից են Օրինոկոյի վրա գցված կամուրջը, Լիովիսնա ջրվեժը, Polideportivo Cachamay մարզադաշտը, որտեղ 2007 թվականին անց են կացվել ֆուտբոլի Ամերիկայի գավաթի՝ Copa América-ի մրցաշարի մի շարք հանդիպումներ։
Պատկերասրահ խմբագրել
-
Սյուդադ Գուայանա-ի համայնապատկերը արբանյակից
-
Լիովիսնա ջրվեժը
-
Polideportivo Cachamay մարզադաշտը
Ծանոթագրություններ խմբագրել
- ↑ http://www.cne.gob.ve/web/normativa_electoral/elecciones/2013/municipales/circunscripciones.php
- ↑ Cita web|url=https://sumate.org/AN_2020/circunscripciones_electorales_2020_tablas_y_mapas.pdf%7Ctítulo=Población(չաշխատող հղում) General 30/12/20
- ↑ https://earthobservatory.nasa.gov/images/6215/ciudad-guayana-venezuela
- ↑ https://www.britannica.com/place/Ciudad-Guayana
- ↑ http://worldpopulationreview.com/world-cities/ciudad-guayana-population/
Արտաքին հղումներ խմբագրել
- "Guayana City, (Puerto Ordaz & San Felix)" VenezuelaTuya, photographs of the city
- "La Guayana de Antaño", History in Pictures
- BBC article in a Puerto Ordaz aluminium plant
Վիքիպահեստն ունի նյութեր, որոնք վերաբերում են «Սյուդադ Գուայանա» հոդվածին։ |