Սահմանապահ զորքեր

Սահմանապահ զորքեր (սահմանային պաշտպանություն, սահմանային պահակախումբ և այլն), պետական կազմակերպություն, զորային կազմավորում, որը նախատեսված է պետության արտաքին սահմանների պաշտպանության համար ցամաքում կամ ջրի վրա, ինչպես նաև սահմանային գոտում համապատասխան ռեժիմի պահպանման համար։

Իսրայելի սահմանապահ ոստիկանության զինծառայողներ (Մագավ)

Սահմանապահ զորքերի հիմնական պարտականությունների մեջ մտնում է՝

• Պետական սահմանի վերահսկում և պաշտպանություն,
• Սահմանահատող անձանց, տրանսպորտային միջոցների և ճամփորդական փաստաթղթերի վերահսկում,
• Անօրինական ճանապարհով սահմանահատող անձանց, տրանսպորտային միջոցների, բեռների և այլ ապրանքների տեղափոխումների կանխում,
• Արգելված և սահմանափակ իրերի (զենք, զինամթերք, թունավոր նյութեր) փոխադրման վերահսկում,
• Սահմանային գոտին կամ պետական սահմանը հատող օտարերկրացիների փաստաթղթերի և մուտքի արտոնագրերի վերահսկում,
• Ֆիզիկական անձանց և բեռների սահմանային հատման իրականացումը օրենսգրքի համաձայն,
• Անհրաժեշտության դեպքում աջակցության ապահովում մաքսային ծառայությանը, հակաօդային պաշտպանության զորքերին, ազգային անվտանգության մարմիններին,
• Սահմանային ռեժիմը խախտող անձանց բացահայտում և ձերբակալում, պետական սահմանը ապօրինաբար հատելու փորձերի կանխում,
• Պետական սահմանի դեմ ուղղված հանցագործություններին/խախտումներին առնչվող դեպքերի հետաքննություն։

Սահմանապահ ծառայությունները տարբեր երկրներում

Եվրոպա

• Բելառուս – Բելառուսի Հանրապետության պետական սահմանապահ կոմիտե (ռուս.՝ Государственный пограничный комитет Республики Беларусь)
• Բուլղարիա – Սահմանապահ ոստիկանություն (բուլղար․՝ Гранична полиция)
• Մեծ Բրիտանիա – Միացյալ Թագավորության սահմանապահ ծառայություն (անգլ.՝ UK Border Agency)
• Հունգարիա - Հունգարիայի սահմանապահ ծառայություն (հունգ.՝ Vám- és Pénzügyőrség)
• Գերմանիա – Գերմանիայի դաշնային ոստիկանություն (գերմ.՝ Bundespolizei, BPOL)
• Հունաստան – Սահմանապահ ծառայություն (հուն․՝ Συνοριοφύλακες), որը մտնում է Հունաստանի ոստիկանության կազմի մեջ
• Ռուսաստան – Ռուսաստանի ԱԴԾ սահմանապահ ծառայություն (ռուս.՝ Пограничная служба ФСБ России)
• Ֆինլանդիա – Ֆինլանդիայի սահմանային պահպանություն (ֆիններեն՝ Rajavartiolaitos, շվեդ.՝ Gränsbevakningsväsendet)
• Չեխիա – Օտարերկրացիների գործով ոստիկանություն և սահմանապահ ոստիկանություն (չեխ․՝ Služba cizinecké policie)
• Ուկրաինա – Ուկրաինայի պետական սահմանապահ ծառայություն (ուկրաիներեն՝ Державна прикордонна служба України)

Ասիա

Չինական սահմանապահ զորքերի պահակային դիտանոցը Գուանդուն նահանգում

• Հայաստան – ՀՀ Սահմանային պահպանություն
• Ադրբեջան – Ադրբեջանի պետական սահմանապահ ծառայություն (ադրբ.՝ Dövlət Sərhəd Xidməti)
• Իսրայել – Մագավ (եբրայերեն՝ מִשְׁמַר הַגְּבוּל‎ Mishmar HaGvul՝ սահմանապահ ծառայություն)
• Ղազախստան - Ղազախստանի Հանրապետության Ազգային անվտանգության կոմիտեի սահմանապահ ծառայություն (ղազ.՝ Қазақстан ұлттық қауіпсіздік комитеті шекара қызметі)
• Պակիստան – Պակիստանի սահմանապահ կորպուս (անգլ.՝ Frontier Corps, ուրդու՝ سرحد کور‎) և Պակիստանի սահմանապահ ոստիկանություն (անգլ.՝ Frontier Constabulary)
• Թաիլանդ – Թաիլանդի սահմանապահ ոստիկանություն (թաի.՝ ตำรวจ ตระเวน ชายแดน, անգլ.՝ Border Patrol Police)
• Թուրքմենստան – Թուրքմենստանի պետական սահմանապահ ծառայություն (թուրքմ.՝ Türkmenistanyö Döwlet serhet gullugy)

Ամերիկա

• ԱՄՆ – ԱՄՆ-ի սահմանապահ ծառայություն (անգլ.՝ United States Border Patrol (USBP))
• Կանադա – Սահմանապահ ծառայությունների կանադական գործակալություն (անգլ.՝ Canada Border Services Agency (CBSA))

Տես նաև

• ՀՀ Սահմանային պահպանություն
• Հայաստանի ազգային անվտանգության ծառայություն
• ՀՀ զինված ուժեր