Վիքիպեդիա

Սալիհ Քափուսուզ

թուրք քաղաքական գործիչ

Սալիհ Քափուսուզ (թուրքերեն՝ Salih Kapusuz, հոկտեմբերի 23, 1954(1954-10-23), Դևելի, Կայսերիի մարզ, Թուրքիա), թուրք պետական և քաղաքական գործիչ, տնտեսագետ, «Արդարություն և զարգացում» կուսակցության անդամ, Թուրքիայի Ազգային մեծ ժողովի պատգամավոր (1991-2015 թվականներ)։

Սալիհ Քափուսուզ
 
Կուսակցություն՝ Արդարության և զարգացման կուսակցություն, Բարեկեցության կուսակցություն և Առաքինության կուսակցություն
Կրթություն՝ Աթաթուրքի Համալսարան
Մասնագիտություն՝ քաղաքական գործիչ
Դավանանք իսլամ
Ծննդյան օր հոկտեմբերի 23, 1954(1954-10-23) (69 տարեկան)
Ծննդավայր Դևելի, Կայսերիի մարզ, Թուրքիա
Քաղաքացիություն  Թուրքիա
 
Պարգևներ
Բարեկամության շքանշան

Կենսագրություն խմբագրել

Սալիհ Քափուսուզը ծնվել է 1954 թվականին Դևելիում, Կայսերիում, Մուստաֆայի և Հատիս Քափուսուզների ընտանիքում[1][2]։ Կայսերիում ստացել է նախնական և միջնակարգ կրթություն[3]։ Ավարտել է Էրզրումի Աթաթուրքի համալսարանի տնտեսագիտական ֆակուլտետը, որից հետո զբաղվել է բիզնեսով[1][2]։

Եղել է բարօրության և առաքինության կուսակցությունների անդամ[3][4][5][6]։ Անդամակցել է «Արդարություն և զարգացում» կուսակցությանը՝ հանդիսանալով նրա համահիմնադիրներից մեկը[1][2]։ Եղել է նաև կուսակցության փոխնախագահ[3] և հասարակայնության հետ կապերի բաժնի ղեկավար[7]։

Եղել է Թուրքիայի Ազգային մեծ ժողովի պատգամավոր 19, 20 և 21-րդ գումարմանը Կայսերիից, 22, 23 և 24-րդ գումարմանը Անկարայից[1][2]։ Հաջորդաբար եղել է Ազգային մեծ ժողովի նախագահության անդամ, թուրք-չինական և թուրք-կուբայական խորհրդարանական բարեկամության խմբերի Նախագահ[2], Սևծովյան տնտեսական համագործակցության կազմակերպության Խորհրդարանական վեհաժողովում թուրքական խմբի փոխնախագահ, թուրք-ռուսական խորհրդարանական բարեկամության խմբի[1], հանրային աշխատանքների, վերակառուցման, տրանսպորտի, զբոսաշրջության հանձնաժողովների նախագահ[3]։

Ակտիվ մասնակցություն է ունեցել թուրք-ռուսական առևտրատնտեսական, էներգետիկ և հումանիտար կապերի զարգացման գործում՝ նշելով, որ «Թուրքիան և Ռուսաստանը տարածաշրջանային ծանրակշիռ են տնտեսական, քաղաքական, պատմական և մշակութային տեսանկյուններից։ Մեր փոխհարաբերությունների պատմությունը հաշվվում է ավելի քան 500 տարի։ Մեր ժողովուրդները նշանակալի ազդեցություն են ունեցել տարածաշրջանի մյուս երկրների ժողովուրդների վրա։ Մեր բարեկամության կարևորագույն երաշխիքը սերտ շփումներն են, որոնք այսօր առկա են մեր ժողովուրդների միջև»[8]։

Քննադատություն խմբագրել

Այն բանից հետո, երբ 2006 թվականի սեպտեմբերի 12-ին Ռեգենսբուրգի համալսարանում դասախոսության ժամանակ Հռոմի պապ Բենեդիկտոս XVI-ը մեջբերել է XIV դարի բյուզանդական կայսր Մանուել II Պալեոլոգի խոսքը ջիհադի էության մասին` «Ցույց տվեք ինձ, որ Մուհամմադը նոր բերեց, և դուք կտեսնեք միայն չար ու անմարդկային բաներ, ինչպես, օրինակ, նրա ցուցումները սուրով տարածել` այն հավատը, որ նա քարոզում էր», Սալիհ Քափուսուզը թուրքական պետական լրատվամիջոցների մեկնաբանության մեջ այն համեմատել է Հիտլերի և Մուսոլինիի հետ, ասելով, որ Վատիկանի ղեկավարի խոսքերը կամ «ցավալի տգիտության հետևանք են» իսլամի և մարգարեի վերաբերյալ, կամ «ավելի վատ», որը միտումնավոր խեղաթյուրում է փաստերը, և այն կարծես փորձ է, որպեսզի վերակենդանացվի խաչակիրների մտածողությունը[9][10][11][12][13][14][15][16]։

Մրցանակներ խմբագրել

 
Վլադիմիր Պուտինը և Սալիհ Քափուսուզը 2015 թվականին

Բարեկամության շքանշան (2015 թվականի հոկտեմբերի 20, Ռուսաստան)՝ Ռուսաստանի Դաշնության հետ բարեկամության և համագործակցության ամրապնդման, տնտեսական կապերի զարգացման, արտասահմանում ռուսաց լեզվի և մշակույթի պահպանման և տարածման գործում ունեցած մեծ ավանդի համար[17]։ Հանձնվել Է Ռուսաստանի նախագահ Վլադիմիր Պուտինի կողմից Կրեմլում[18][19]։

Անձնական կյանք խմբագրել

Ամուսնացած է, ունի չորս երեխա[1]։

Ծանոթագրություններ խմբագրել

  1. ↑ 1,0 1,1 1,2 1,3 1,4 1,5 «Salih Kapusuz». Великое национальное собрание Турции. Վերցված է 18 ноября 2017-ին.
  2. ↑ 2,0 2,1 2,2 2,3 2,4 «Salih Kapusuz». Yeni Akit. Վերցված է 18 ноября 2017-ին.
  3. ↑ 3,0 3,1 3,2 3,3 «24. Dönem Milletvekilleri». Партия справедливости и развития. Արխիվացված է օրիգինալից 2017 թ․ դեկտեմբերի 1-ին. Վերցված է 18 ноября 2017-ին.
  4. ↑ «21. Dönem Milletvekilleri». Партия справедливости и развития. Արխիվացված է օրիգինալից 2017 թ․ դեկտեմբերի 1-ին. Վերցված է 18 ноября 2017-ին.
  5. ↑ «22. Dönem Milletvekilleri». Партия справедливости и развития. Արխիվացված է օրիգինալից 2017 թ․ դեկտեմբերի 1-ին. Վերցված է 18 ноября 2017-ին.
  6. ↑ «23. Dönem Milletvekilleri». Партия справедливости и развития. Արխիվացված է օրիգինալից 2017 թ․ դեկտեմբերի 1-ին. Վերցված է 18 ноября 2017-ին.
  7. ↑ «Salih Kapusuz kimdir?». İhlas Haber Ajansı. 24 декабря 2013. Վերցված է 18 ноября 2017-ին.
  8. ↑ Амур Гаджиев (21 ноября 2013). «Помощник Эрдогана: «Дружба РФ и Турции - гарантия региональной безопасности»». Голос России. Արխիվացված է օրիգինալից 2017 թ․ դեկտեմբերի 1-ին. Վերցված է 18 ноября 2017-ին.
  9. ↑ «Pope 'meant no offence' to Islam». BBC News. 15 сентября 2006. Վերցված է 18 ноября 2017-ին.
  10. ↑ «Pope compared to Hitler and Mussolini over Islam remarks». The Independent. 15 сентября 2006. Վերցված է 18 ноября 2017-ին.
  11. ↑ Alfonso Serrano (15 сентября 2006). «Muslim Anger Grows Over Pope's Speech». CBS News[en]. Վերցված է 18 ноября 2017-ին.
  12. ↑ Jeff Israely, Andrew Purvis (15 сентября 2006). «The First Casualty of the Pope's Islam Speech». Time. Վերցված է 18 ноября 2017-ին.
  13. ↑ John Hooper, Luke Harding (16 сентября 2006). «Muslim leaders demand apology for Pope's 'medieval' remarks». The Guardian. Վերցված է 18 ноября 2017-ին.
  14. ↑ Ian Fisher (16 сентября 2006). «Some Muslim Leaders Want Pope to Apologize». The New York Times. Վերցված է 18 ноября 2017-ին.
  15. ↑ «Pope's remarks enrage Muslims». NBC News. 16 сентября 2006. Վերցված է 18 ноября 2017-ին.
  16. ↑ Damien McElroy (16 сентября 2006). «Muslims condemn Pope for 'insulting Prophet'». The Telegraph. Վերցված է 18 ноября 2017-ին.
  17. ↑ «Указ Президента Российской Федерации от 20.10.2015 г. № 517 «О награждении государственными наградами Российской Федерации иностранных граждан»». Президент России. 20 октября 2015. Վերցված է 10 ноября 2017-ին.
  18. ↑ «В Кремле вручены госнаграды России иностранным гражданам». Президент России. 4 ноября 2015. Վերցված է 10 ноября 2017-ին.
  19. ↑ «Награждённые государственными наградами России иностранные граждане». Президент России. 4 ноября 2015. Վերցված է 10 ноября 2017-ին.

Արտաքին հղումներ խմբագրել

 Վիքիպահեստն ունի նյութեր, որոնք վերաբերում են «Սալիհ Քափուսուզ» հոդվածին։
Ստացված է «https://hy.wikipedia.org/w/index.php?title=Սալիհ_Քափուսուզ&oldid=9768238» էջից