Սալավատ Յուլաևի հուշարձան (Ուֆա)

Սալավատ Յուլաևի հուշարձան;
	Ուֆա քաղաքի համայնապատկեր, աջ հատվածում երևում է Սալավատ Յուլաևի հուշարձանը
Տեսակ	հուշահամալիր և քանդակ
Քանդակագործ	Soslanbek Tavasiev?
Ճարտարապետ	İsmäğil Ğäynetdinef?
Ստեղծում	1967
Երկիր	Ռուսաստան
Բնակավայր	Ուֆա
Նյութ	Թուջ և գրանիտ
Ներկա վիճակ	հիանալի
	պատկերված են
	Monument to Salawat Yulayev, Ufa Վիքիպահեստում

Սալավատ Յուլաևի հուշարձան (ռուս.՝ Памятник Салавату Юлаеву, բաշկիրերեն՝ Салауат Юлаевҡа һәйкәл), խորհրդային քանդակագործ Սոսլանբեկ Տավասիևի քանդակագործական ստեղծագործությունը, գտնվում է Ուֆա քաղաքում։ Նվիրված է Բաշկորտոստանի ազգային հերոս Սալավատ Յուլաևին։

ՊատմությունԽմբագրել

Բաշկորտոստանի զինանշանի վրա պատկերված է Սալավատ Յուլաևի հուշարձանը։

Հյուսիսային Օսիայի և Բաշկորտոստանի Ժողովրդական քանդակագործ, մոնումենտալիստ և նկարիչ Սոսլանբեկ Տավասիևի ստեղծած քանդակը բացվել է 1967 թվականի նոյեմբերի 17-ին Ուֆայում, Բելայա գետի վերին ափին^[1]։

Սալավատի հուշարձանը դարձել է Ուֆայի այցեքարտը։ Հուշարձանի պատկերված է նաև Բաշկորտոստանի զինանշանին^[2]։

Հուշարձանը եզակի է նրանով, որ ունենալով 40 տոննա քաշ, ընդամենը 3 հենակետ ունի։ Բարձրությունը 9.8 մ է։

Հուշարձանի գիպսե մոդելի կառուցումն ավարտվել է 1963 թվականին։ Այն քննարկվել է Մոսկվայի մասնագետներից կողմից և պաշտոնապես ընդունվել է ԽՍՀՄ մշակույթի նախարարության կողմից։ Դրանից հետո Տավիսևը այն բերել է Ուֆա, որտեղ էլ այն տեղադրվել է Բաշկորտոստանի օպերայի և բալետի պետական թատրոնի զբոսասրահում։

Ուֆացիների դիտողությունների հիման վրա քանդակը փոփոխվել է։

Քանդակը մեկուկես ամիս ձուլվել է Լենինգրադի (այժմ Սանկտ Պետերբուրգ) «Մոնումենտսկուլպտուրա» գործարանում։

1970 թվականին հուշարձանի համար Սոսլանբեկ Տավասիևին շնորհվել է ԽՍՀՄ Պետական մրցանակ։

ԿոմպոզիցիաԽմբագրել

Հուշարձանն իրենից ներկայացնում է Սալավատ Յուլաևի քանդակը ձիու վրա։ Աջ ձեռքին պահում է մտրակ, ձախ ձեռքին՝ սուսեր։ Պատվաքանդակը երկաթբետոնից է՝ պատված գրանիտե սալիկներով։

Հուշարձանի շրջակա տարածքը պատված է գունավոր սալիկներով և բարեկարգ է։ Շրջապատված է ցանցկեն մետաղյա ճաղերով^[3]։