Ռոման Բարոնչ
Ռոման Յակուբովիչ Բարոնչ (Պարոնյան Ռոմանոս Հակոբի, օգոստոսի 8, 1856[1], Լվով, Ավստրիական կայսրություն - օգոստոսի 29, 1930[1], Լվով, Լեհաստանի Երկրորդ Հանրապետություն), լեհահայ վիրաբույժ։ Բժշկագիտության դոկտոր (1886), պրոֆեսոր (1898): Լվովի համալսարանի վիրաբուժության պրոֆեսոր[2]։
 | |
|---|---|
| Ծնվել է | օգոստոսի 8, 1856[1] |
| Ծննդավայր | Լվով, Ավստրիական կայսրություն |
| Մահացել է | օգոստոսի 29, 1930[1] (74 տարեկան) |
| Մահվան վայր | Լվով, Լեհաստանի Երկրորդ Հանրապետություն |
| Քաղաքացիություն |  Ավստրո-Հունգարիա և .svg){kind=small} Լեհաստանի Երկրորդ Հանրապետություն |
| Դավանանք | Հայ Կաթողիկէ Եկեղեցի |
| Կրթություն | Կրակովի համալսարան |
| Մասնագիտություն | վիրաբույժ և համալսարանի դասախոս |
| Կոչում | պրոֆեսոր |
| Գիտական աստիճան | բժշկական գիտությունների դոկտոր |
| Աշխատավայր | Լվովի համալսարան |
Կենսագրություն խմբագրել
Ռոման Բարոնչը ծնվել է 1856 թվականի օգոստոսի 8-ին, Լեմբերգ (Լվով) քաղաքում, «Կրակովյան» հյուրանոցի սեփականատեր հայազգի Հակոբ Բարոնչի և Տրուխլինսկիների տոհմից Թերեզայի ընտանիքում։ Հինգ եղբայրներից ավագը Թադեուշն էր. Էրազմը՝ լեռնային ինժեներ, Ստանիսլավը՝ բանաստեղծ, թարգմանիչ, Վլադիսլավը՝ դերասան, Լվովի թատրոնի տնօրեն։
1880 թվականին ավարտել է Կրակովի համալսարանի բժշկական ֆակուլտետը։ Տիրապետել է 12 լեզվի։ Վիրաբուժության գծով կատարելագործվել է Անգլիայում։ 1886-1918 թվականներին աշխատել է Լվովի քաղաքային պոլիկլինիկայի վիրաբուժական բաժանմունքում, 1898-1930 թվականներին՝ Լվովի համալսարանի բժշկական ֆակուլտետի վիրաբուժական կլինիկայում[3]։
Աշխատանքները վերաբերում են մարդու ճառագայթասնկախտի (ակտինոմիկոզ), կոնքազդրային հոդի նորագոյացությունների, որովայնի օրգանների, քթի և հարակից խոռոչների, լսողության օրգանների վիրաբուժության, էպիլեպսիայի և այլ հիվանդությունների հարցերին։ Բարոնչը ուսումնասիրել է հայկական ձեռագրեր, տվել Գրիգոր Մլիճեցու «Սկևռայի Ավետարանի» (մինչև 1941 թվականը գտնվել է Լվովում, այժմ՝ տեղն անհայտ) գիտական նկարագրությունը։
Անդամակցություն խմբագրել
- Լվովի բժշկական ընկերության անդամ։
Մատենագիտություն խմբագրել
- Kronika Uniwersytetu Lwowskiego. Lw в w, 1899, Т. 1: 138, 171, 183-186, Hahn W. Kronika Uniwersytetu Lwowskiego. Lw в w, 1912, Т. 2: 8, 183, 213, 348, 381, 421-424, 694
- Schramm H. Pol Gaz Lek 1930, № 826
- Polski s и ownik biograficzny. Krak в w, 1935, Т. 1: 290
- Zwozdziak W. Historia wydzialy lekarskiego Universytetu Lwowskiego. Arch Hist Med 1965, T. 28, N 3: 214-215
- Wojtkiewicz-Rok W. Dzieje wydzia и u lekarskiego Uniwersytetu Lwowskiego w latach 1894-1918. Wroc и aw, 1992: 99-100;
- Szarejko P. S и ownik lekarz в w polskich XIX wieku. Warszawa, 1994, T. 2: 10-12
- Biografisches Lexikon der hervorragenden Д rzte. Hildesheim, 2002, Bd. 1: 74
Ծանոթագրություններ խմբագրել
- ↑ 1,0 1,1 1,2 1,3 1,4 Deutsche Nationalbibliothek Record #1059177013 // Gemeinsame Normdatei (գերմ.) — 2012—2016.
- ↑ «Wykaz prac naukowych prof. Romana Barącza zamieszczony w ww. piśmie» (PDF).
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005։